بإسم الحب القسم ال1 للكاتبة هاجر الحبشي

فراس بمكر : ازيك..يـ ألين نظرت له فوقعت عينها بعينه كالعاده وقد توقفت للحروف بفمها لم ترد عليه ودقات قلبها تتسارع بينما عينها تتجول علي ملامحه التي تظهر بدقه فأومأت فقط فلم يفهم فقالت بهدوء.. ألين ببعض التوتر : أنت شايف إيه.. فراس بابتسامه \: شايف انك كويسه..وبتمارسي هواياتك كمان..حتي من كتر فرحتك نسيتي ان حماله كتفك وقعت..حتي الجاكت..نسيتي تلبسيه..اللعب مش محتاج تبقي عريانه قد مـ محتاج تركيز.. فهمت ألين تلميحه بسبب ملابسها..فوضعت يدها علي يده لتبعده لكنه شدها إليها اكثر وهو يهمس بأذنها..

فراس بتهديد : لو نسيتي ان انا جوزك اديني بفكرك وانا مقبلش ان مراتي تبقي بالمنظر ده والكل هنا عمال يتفرج..فاهمه.. حاولت دفعه بعنف لكنه كان متصلب ويقب.ض علي خصرها بقوه آلمتها.. ألين بألم : أبعد إيدك عني انت فاكر نفسك مين..انت ملكش انك تتكلم انا مش فـ بيتك وعمري مـ هكون..ومتلمسنيش بالطريقه دي… استفزه حديثها فثبتها بين يده اكثر ورفع يده الاخري ليضعها خلف رأسها ليجعلها تنظر له مباشرتاً..

فراس ب\ : لا لياا اني اتكلم واوي كمان انا مش خطيبك انا جوزك..واقدر اعمل اي حاجه فـ اي وقت انا عيزه مش هستأذن حتي لو كنت عايزك أنتِ فاهمه..وطريقه اللبس دي تتغير سامعه ولا لا.. هزت رأسها محاوله يائسه لأبعاده لكنه كان يقربها اكثر وبعنف اكبر..حتي ترقرقت الدموع بعينها وقالت بصوت مرتجف.. ألين بألم : فـ…فـ..راس انت بتوجعني..سبني.. سقطت دموعها مع اخر كلم\اتها فخفف قب.ضته عليها قليلا واخذ شهيقاً طويل وابتعد عنها واخذ الكره يكمل اللعب بغصب.. ويصدر ضجيج بكل حركه وقد شعرت ألين بهذا لكنها تركت الساحه نهائيا..واتجهت للخارج لتذهب لدوره المياه..

وتركته هو يصارع تلك الغيره التي لايعلم من أين جاءت لا يريد لغيره رؤيتها هكذا سواه هو..هي زوجته هو من يستحق هذا وليس احداً آخر حتي وان كان سيتركها..لكنها الان ملكه حتي هذا الوقت الذي سينفصل عنها..لهذا لن تتصرف بحريه كما كانت..ولكنه يقنع نفسه انها ليست غيره امام انها واجب عليه فقط لأنه زوجها وليس غيره او شيئ من هذا القبيل…

ذهبت هي لدوره المياه سريعا ً لكي لا يري احداً دموعها..وصلت اخيرا لقد شعرت ان دوره المياه ابتعدت قليلا وهي تسير سريعا لتصل إليها..دخلت إليها واغلقت الباب خلفها وقد استندت علي الحائط مغمضه عينها ودقات قلبها تكاد تخرج من صدرها لشدتها ظلت تتنفس بعنف حتي هدءت تدريجيا فأعادت خصلاتها للخلف وهي تقضم شفتيها بقوه بسبب حيرتها.. انه ومع قسوته تلك ومع قب.ضته القاسية علي خصرها لم تشعر سوي بالدفئ كانت تشعر بالامان وهي بقربه وهذا منافي لشعورها بالألم فكيف تشعر معه بالامان والالم في أنٍ واحد..لملمت شتات نفسها واستعدت للخروج لكن اوقفها حديث بعض الفتيات بالخارج..

=: شفتو فراس وألين؟! _ :انا مش عارفه هي عجباه علي ايه؟! = : انتي هتهزري دي قمر يبنتي وبعدين حلوين مع بعض جداً..

_ : اصلا لحقو يحبو بعض امتي؟!في إنّه في الموضوع ده لسه جيه مكملتش حاجه وبعدها جت النادي الليلي ورقصو كأنهم بيحبو بعض من سنين والصور انتشرت وبعدها اتشافو تاني وقال انهم بيحبو بعض وبعدها كتبو الكتاب..مش حاجه غريبه؟!وبعدين ده فراس لما هيحب واحده هيفضل ماشي معاها لحد ميقتنع انها هي دي اللي هتسعدو إلا بقي لو خد منها اللي هو عاوزه ولقاها عادي هيسبها ويدور علي غيرها ومش هيضيع وقت ازاي بقي يتجوز كده فـ يوم وليله..

= : عادي انتي عارفه مغامرات الشباب قبل الجواز وبعدين حتي لو عمل كل ده بيتجوز واحده متلمستش قبل كده واكيد شاف ده فـ ألين..ولو هتقولي الجواز مش حقيقي متهيقلي..
عادل الجرحاوي وعز الأناضولي مش هيهزرو دول ناس ليهم سمعه ومش هيخسرو كل حاجه عشان طيش ولادهم.. _ : هي دي القصه بقي..ممكن تكون ألين غلطت معاه وسبها لكن عشان نفوذ ابوها اتجوزها؟! = : انتي غبيه مسمعتيش عن العداوه اللي مبنهم كمان هتبقي قصه شرف كانت قلبت دم سعتها..اكيد في حاجه تانيه ومع الايام هنعرفها متستعجليش كل حاجه بتبان..

_ : ممكن صفقه كبيره مثلا؟! = : ممكن دول ناس بتوع شغل مش بيضيعو وقت..وولادهم حلوين كمان يعني لو مش بيحبها هيحبها ولو محبهاش تخلص الصفقه وكل واحد يروح لحاله وهتتجوز غيره مش هتخسر حاجه لزما ابوها معاها وحلاوتها كمان تخلي الرجاله تركع عند رجلها.. _ : انا تعبت كفايه سيره الناس دي تعالي نخرج نتمشي احسن. = :احسن يلي بينا..

تنهدت ألين بضيق وهي تهز رأسها..الجميع يتحدث دون معرفه شيء وقد جعلوها مخطئه وقد سلمته نفسها ايضاً..كيف يفكرون هؤلاء هل يرونها عديمه الاخلاق إلي هذا الحد..خرجت بهدوء ووقفت امام المرآه الكبيره تغتسل بينما خصلاتها انسدلو جميعا بجانب وجهها وكأنهم يحذرو الاخرين من رؤيه وجهها فلم يعد يظهر منه شيء..فدخلت بعض الفتيات يغتسلو فقالت واحده.. = : شفتو ألين كانت بتلعب باسكت وفراس كان معاها.. _ : بجد.. = : اه انتي مشفتهوش كان مسكها بتملك ازاي وكان بيقولها حاجه فـ ودانها..اه قلبي نفسي ف واحد زي ده يبختها بيه جمال ورجوله وفلوس كل حاجه يخرابي عليه..

_ : كفايه زمنهم ولعو دلوقتي.. = : اروح عندو بأزازه ميه اطفي ونبي.. _ : هههه مجنونه اسكتي بقي وبعدين ليه حق يعمل اكتر من كده مش مراته بقي.. = : انتي عارفه لو انا مراتو كنت اختصبته قبل الفرح عادي حلالي بقي وبعدين حد يقول ل فراس لا.. _ : يخربيتك البت انحرفت = : بصي انا امنيتي حاجه واحده بس.. _ : ايه ي فقر = : نفسي اجربه.. _ : تجربي ايه؟!

= : فراس عايزاه افهمك ازاي يعني! كانت تعابير ألين لا تفسر وشعورها بالضيق كان يخنقها لما يتحدثون عنه هكذا الايوجد غيره ليتكلمو عنه هكذا الايوجد الكثير من الرجال الوسيمين حولهم واللعنه.. اغلقت المياه بعنف جعلت الفتاتان ينظرون لها لكنهم لم يروها جيداً..وفكت عقده سترتها من علي خصرها وارتدته بعنف تحت نظر الفتاتان واغلقته جيداً وارجعت خصلاتها للخلف ليظهر وجهها لهم..ليتصنمو دون قول شيء فألقت عليهم نظره غاضبه واتجهت للخارج..ليتنفسو بعدها.. = : سمعت كل حاجه الله يخربيتك..وعاوزاه ومش عاوزاه الله يخربيتك..

_ : يستي..وبعدين شيفاني جيت عنده اهو عندها تشبع بيه.. علي بصياح : فرررراس.. التفت له فراس من وسط انغماسه باللعب : في ايه تعالي هنا علي : بتعمل ايه هنا؟! فراس وهو يزيل العرق من علي جبينه : منتا عارف ان انا بحب كره السله.. علي بستنكار وهو ينظر له من اعلاه لأخمص قدمه : بس مش بالطريقه دي دول ابطال كره السله مش بيعملو كده! فراس بابتسامه : انا احسن منهم كلهم.. علي بمرح : اه انت هتقولي..هاا مالك بقي انت مش بتتحول لــ لاعب عالمي غير لما حاجه تدايقك..

فراس ببلاهه : بجد! علي بتعجب : اه بجد..ومالك كده انا بدءت اخاف منك.. فراس : هههههه متخفش مش هأذيك.. علي : انت بتفكر تأذيني؟! فراس وقد بدء يشعر بالضيق : انت فاضي بقي وجي تقرفني علي : اهو عشان تعرف انك مش طبيعي وبتتحول.. فراس بضيق : مش بتحول ولا حاجه الحياه مصممه تدايقني.. علي : ايه ده الحياه مره واحده.. فراس متنهداً : اه يـ علي تخيل..مش لابسه جاكت وهي بتلعب وحمالاتها واقعه!!

علي بعدم فهم : نعم؟! مين دي اللي بتلعب.. فراس بضيق: ألين ألين علي بابتسامه لعوبه وهو يلكزه بكتفه : متقول كده من الاول اصلا من ساعه مقبلتها ومفيش غيرها اللي بيخلي حالتك كده..مالك بقي مدايق عشان بتلعب والحماله واقعه؟!روح ارفعهلها..
وانهي كلم\اته بغمزه..