=ايه الي خرجك بره العربيه
ملك بخوف وهي تبكي وتقول بتقطع وهو يسحبها خلفه ويلقيها بداخل السياره مره اخرى
=أنا ..أنا خفت عليك كان معاه سكينه وخفت ..خفت عليك
قاسم بغضب شديد
=غبيه ..افرضي كان جرالي حاجه ممكن تقوليلي هتتصرفي مع واحد بيتهجم عليكي وانتي لوحدك اذاي
على الاقل وانتي جوه العربيه تقدري تسوقيها وتبعدي مش طالعه تجري بره العربيه ذي الغبيه
إنهارت ملك في البكاء وهي تقول بصوت مس شغاف قلبه
= غصب عني خفت عليك
قاسم وهو يقاوم مشاعره
= بطلي عياط وهاتي التليفون ده واقفلي باب العربيه عليكي كويس
ومتفتحيش بابها الا لما ارجعلك
ناولته ملك الهاتف الخاص به وهي تراقبه يتحدث به ويخرج من خلف السياره حبل يستعمل في حالات الطوارئ ويتجه به لمهاجمه الملقي على الارض وقام بتكبيله جيدا ثم اتجه مره اخرى لملك التي جلست تبكي وهي ترتعش من شدة البرد بداخل السياره
فتح قاسم باب السياره وتناول معطفه وألقاه لها ثم قام بتشغيل مكيف السياره وهو يقول بجديه
= إلبسي البلطو ده هيدفيكي واقفلي باب العربيه علشان التكييف يدفي العربيه بسرعه..احنا قدامنا ربع ساعه بالكتير ونمشي من هنا
هزت ملك رأسها موافقه وهي تشعر بالتعب يستولي عليها وهي تتابعه وهو يغلق باب
السياره من خلفه ويذهب باتجاه مهاجمها مره اخرى وهو يتحدث بالهاتف لتمر دقائق قليله و تشاهد ملك عدة سيارات سوداء اللون تتوقف
و يخرج منها بعض من الحرس الخاص بقاسم الذي تحدث مع رئيسهم لعدة دقائق ثم تناول منه علبه صغيره وضعها في جيبه ثم غادرهم الى السياره
ركب قاسم السياره بجانب ملك ثم قادها وهو يلاحظ بقلق شحوب وجهها الشديد
ملك وهي تنظر من شباك السياره للحرس الملتفين حول مها”جمها الذي استعاد وعيه
=هما ..هما هيعملوا فيه إيه..
قاسم بقسوه
=هيعملوا فيه الي يستحقه
ملك وهي تلتفت اليه بخوف
=يعني هيعملو فيه ايه مش فاهمه
قاسم بقسوه
=متخافيش هيربوه وبعدين يسلموه للبوليس
نظرت ملك لقاسم وهي تقول بندم ودموعها تتساقط بالرغم عنها
=أنا أسفه يا قاسم أنا مقصدش سامحني انا عارفه اني السبب في
كل الي حصل ده
قاسم بقسوه
=وفري أسفك هتحتاجيه بعدين
إبتلعت ملك ريقها بخوف وهي تشاهد ملامحه التي ازدادت قسوه وهو يقود السياره بصمت والمطر تزداد قوته من حولهم
أغلقت ملك عينيها بتعب بدون إرادتها وغلبها النعاس فلم تشاهد سيارة قاسم وهي تدخل
الى حديقة فيلا رائعة الجمال ويتوقف بها أمام الباب الداخلي للفيلا ثم يقوم بحمل ملك الغارقه في التوم والدخول بها الى داخل الفيلا لتقابله مدبرة المنزل باحترام شديد وهي تقول بعمليه وهي تتجاهل منظره الغريب هو رفيقته بملابسهم المتسخه و الغير مهندمه والتي تتساقط منها المياه
= الجناح بتاع حضرتك جاهز زي ما حضرتك أمرت وانا جهزت العشا وجهزت الحمام تأمر حضرتك بحاجه تانيه
صعد قاسم الى الاعلى وهو يقول بجديه
= شكرا يا مدام نجوى تقدري تروحي تنامي
ليتركها ويصعد سريعا الى الجناح الخاص به ويدخل مباشره للحمام ويجلس على طرف حوض الاستحمام وهو مازال يحمل
ملك التي مازالت غارقه في نوم متعب وجبينها معقود ومندي بحبيبات من العرق
نظر قاسم بقلق وغضب الى وجهها الشاحب بشده و الى أثار الض-رب الذي تعرضت له على يد من هاجمها
ليميل قاسم بحنان يقبل برقه الكد”مه الزرقاء والحمراء فوق عينها ويده تمر بحنان على الخدوش المنتشره فوق عنقها وهو يقول برقه
= ملك..فوقي يا حبيبتي
فتحت ملك عينيها وهي تنظر للمكان حولها بدهشه وهي تقول بتسائل
=أنا ..أنا فين
قاسم بحنان وهو يخلع عنها معطفه
=احنا في فيلتنا الي في اسكندريه وده الحمام بتاع الجناح بتاعنا
ليتابع بحنان وهو يضع شعرها
خلف إذنها
=عاوزك تاخدي دوش و انا هستناكي قدام باب الحمام لو حسيتي في اي وقت انك تعبانه او دايخه نادي عليا هكون عندك علطول
توهج وجه ملك بخجل وهي تحاول النهوض وهو يقول بقلق
=ملك إنتي مراتي يعني وجودي معاك هنا لا هو عيب ولا حرام أوعديني انك لو حسيتي بأي تعب تندهي عليا علطول
هزت ملك رأسها وهي تقول بخجل
=حاضر يا قاسم أوعدك لو تعبت هندهلك علطول
غادر هو حتى لا يزيد من حرجها وهو يقول بتأكيد:
أنا واقف مستنيكي بره
واغلق الباب من خلفه في حين قامت ملك بخلع ملابسها الممز”قه والغارقه في المياه ونزلت الى حوض الاستحمام المملوء بالماء الدافئ والرغوه المعطره والاملاح التي تساعد في طرد الالام من الجسد
أغلقت ملك عينيها بألم وجسدها المكدوم يلامس المياه ثم شعرت بالراحه بعد مرور القليل من الوقت والمياه تدبل جروحها لترجع رأسها للخلف وتتذكر برعب اللحظات السيئه التي مرت عليها لترتعش برعب ودموعها تتساقط بقوه وهي تتخيل ما كان سيحدث لها ان لم ينقذها قاسم في الوقت المناسب انسابت دموعها بشده حتى استفاقت على صوت قاسم القلق
وهو ينادي عليها من الخارج
=
ملك ..ملك انتي كويسه ردي عليا
لتجيب بارتعاش
= أنا كويسه يا قاسم وهخرج حالا
لتقوم بغسل جسدها وشعرها سريعا ثم تجفيفهم وهي تنظر حولها فلا تجد ما يمكن ارتدائه
لتقول بحرج من خلف باب الحمام
=قاسم ..انا مش لاقيه حاجه ألبسها هنا
قاسم بمرح
=وإيه المشكله عادي
ملك بصدمه
=انت اتجننت
قاسم بمرح وهو يمد يده لها بشورت قصير وتيشرت من ملابسه وهو يقول
=لا يا ستي انا مش مجنون ولا حاجه اتفضلي إلبسي دول
فتحت ملك جزء صغير من الباب ومدت يدها اليه تناولت منه الملابس ثم
اغلقت الباب سريعا وسط صوت ضحكاته الساخره منها
ارتدت ملك الشورت الاسود وفوقه التيشرت الابيض الذي يصل لركبتيها وخرجت لتجد قاسم مازال يقف امام باب الحمام بملابسه المبتله بالمياه
وهو يتأملها وهي ترتدي ملابسه وتلف شعرها بمنشفه قطنيه قصيره
شعرت ملك بالخجل من تطلعه الشديد بها وقالت وهي تنظر للاسفل بتوتر
=انا جهزتلك الحمام ادخل خد شاور قبل ماتاخد برد
نظر قاسم لملابسه الغارقه بالمياه بسخريه وهو يقول بتهكم
= عندك حق انا هدخل اخد شاور دقايق وراجعلك
دخل قاسم للحمام وغاب بداخله للدقائق وعاد ليجد ملك تجلس على مقعد وهي غارقه في النوم
وهي تضم ساقيها بيديها وتريح رأسها على ساقيها
إتجه قاسم لملك يحملها لداخل الفراش وهو يحكم الغطاء من حولها ويقول بحنان
=ملك ..ملك فوقي يا حبيبتي
فتحت ملك عينيها بتعب وهي تقول بما يشبه البكاء
=أنا تعبانه أوي وعاوزة أنام
رفع قاسم ملك وهو يجلس خلفها يحيطها بحنان من كل اتجاه وهو يقول ويقبل وجنتها برقه
= كلي بس الساندوتش الصغير د ده واشربي كوباية اللبن وبعدها هسيبك تنامي ذي ما انتي عاوزه
ملك باعتراض طفولي
= بس انا مش جعانه انا عاوزه انام
قبل قاسم وجنتها بحنان وهو يقول بصرامه مفتعله
=بطلي دلع يا ملك وكلي يلا
فتحت ملك شفتيها بطاعه وبدأت في تناول الطعام من بين يديه وهو يتحدث معها ويحاول ان يضحكها حتى ينسيها التجربه السيئه التي تعرضت لها حتى إطمئن لتناولها الطعام ليضع كوب اللبن الفارغ جانبا وهو يقبل جبينها ويقول بتملك
=نامي يا حبيبتي ومتخافيش انا جنبك ومفيش حاجه تقدر تأذيكي
نظرت ملك إليه بحب وشعور بالأمان يغلفها لتقول بندم
=أنا أسفه على كل الي حصلك بسببي انا عارفه انك عرضت حياتك للخط”ر النهارده علشاني ودي حاجه عمر ماحد عملها ليا
مرر قاسم يده عليها بحنان وهو يبتسم بتملك
=بطلي جنان دا
الي يحاول بس يلمس شعره منك هيبقى أخر يوم في عمره
ليتابع بجديه وهو يرفع وجهها اليه
=انتي بتتأسفي على المشكله الي حصلت مع ال….
الي كان بيته”جم عليكي و مش شايفك ندمانه على محاولتك الهرب مرتين في يوم واحد
إبتلعت ملك ريقها وهي تقول بتوتر
=أنا مش ندمانه على هروبي منك مرتين لاني ماقدرش أعيش العيشه دي تاني ماقدرش أعيش مع مراتك وانا عارفه كمان ان وجودي معاك هو لمجرد الانتقام مقدرش أكمل كده يا قاسم
ابتسم قاسم وهو يقول بهدوء
=يعني هتحاولي تهربي مني تاني
صمتت ملك دون ان تجيب وهي تشك في قدرتها عن الابتعاد عنه وتشعر ان بعدها عنه هو والمو-ت سواء بالنسبه لها
الا ان قاسم ابتسم بتفهم وهو يمد يده لعلبه صغيره أنيقه موضوعه
بجوار الفراش وهو يقول بحنان
=اه دي هديه كنت جايبها ليكي و المفروض كنت اديتهالك بعد ما نسافر بس طالما مفيش سفر وانتي مصممه على الهرب يبقى لازم أديهالك دلوقتي
شعرت ملك بقلبها يدق بسعاده وحزن في نفس الوقت وهي تتطلع للسوار الفضي الانيق والمرصع بحبات من الماس الصغيره
شهقت ملك وهي تتحسس السوار الرائع باعجاب
في حين تناوله قاسم وهو يقبل باطن معصمها برقه ووضعه في يدها وهو يتأمله بإعجاب ويقول بجديه
=وبكده ضمنا ان ملاكي متقدرش تهرب مني ولا تروح اي مكان الا لما اكون عارف مكانها فين بالظبط
نظرت ملك له وللسوار
بدهشه وهي تقول بتوتر
=تقصد إيه
إحتضنها قاسم ببرود وهو يسحب الغطاء حولهما ويهمس بجانب إذنها بجديه
=أقصد ان الاسوره الشيك الي في ايدك دي تبقى إسوره إلكترونيه هتحددلي مكانك بمنتهى الدقه وهتديني انزار لو بعدتي عن المكان الي انا محدده ليكي حتى لو بمتر واحد بس
نظرت ملك له بدهشه وهي تحاول خلع السوار من حول يدها وهي تقول بغضب
= إنت إتجننت انت فاكرني مسجونه عندك قلعني البتاعه دي فورا
قاسم ببرود وهو يتابع محاولاتها الفاشله لخلع الاسوره من يدها
=متحاوليش تقلعيها ايدك هتتعور وبرضه مش هتعرفي تقلعيها
نظرت ملك اليه
بألم ودموعها تتساقط
إنت بتعمل كده ليه انا مبقتش فهماك
قاسم وهو يستلقي مره أخرى
=انا بعمل كده لانك مراتي واللي مش هسمح تبعد عني ابدا الا لما انا الي أقرر ان أبعد عنها
نظرت ملك له بلوم ودموعها تتساقط
=كل ده علشان لسه عاوز تكمل انتقام مني مش كده
قاسم بصرامه وهو ينظر لها بتحدي
=إحسبيها زي ما تحسبيها بس انا مش هسمح باللي جرى النهارده يتكرر مره تانيه
ضر”بته ملك وهي تبكي وتقول من بين شهقاتها
=انا بكرهك يا قاسم بكرهك وبكره اليوم الي شفتك فيه
سحبها قاسم له
وهي تقاومه
وهو يهمس في إذنها برقه ويده تمر على ظهرها بحنان متملك
=وأنا كمان بكرهك ..بكرهك بكل نفس جوايا بس برضه مش هتبعدي عني ياملك ..إنتي ملكي وإنتهى الأمر……
بقلم زينب مصطفى
