نور : ايوا… الخبر اتنشر على الانترنيت وسبب فوضى كبيرة. منى : يا نهار اسود… هنعمل ايه دلوقتي ؟ اما في شركة السيده عائشه…… كانت جالسه في مكتبها وفجأه رن هاتفها وكان المتصل منى ، فأجابتها : ايوا يا حبيبتي . منى : ماما…. انتي شوفتي الاخبار ؟ فشعرت السيدة عائشة بالقلق وقالت : في حاجة حصلت يا منى ؟ منى : احنا في مشكلة يا ماما.. الصحفي الواطي اللي اسمو مهران رجع ونشر اشاعة جديدة عن حسام ونور وقال ان حسام ضــ,,ـرب نور وفي تسجيل على الكلام دا.
فنهضت السيده عائشه من مكانها وقالت : بتقولي ايه ؟ منى : هنعمل ايه مع المصيبة دي يا ماما ؟ السيدة عائشة : طيب انتي فين دلوقتي ؟ منى : في مكتبي مع نور. السيدة عائشة : نور ؟ وبتعمل ايه عندك ؟ مني : جت علشان تقولي عن المشكلة دي . السيدة عائشة : طيب سيبي كل حاجة ورجعيها البيت بسرعة وانا هتصل بحسام علشان يرجع البيت برضو وان شاء الله هنلاقي حل للمشكلة دي.
منى : طيب.. انا هقفل دلوقتي. قات ذلك ثم اغلقت هاتفها والتفتت الى نور وقالت : ماما قالت نرجع البيت حالاً وهي هتلاقي حل. نور : ماشي. – ثم رجعن الى المنزل وبعد مده وصلت السيده عائشه الى هناك ايضاً ، ولكن الأمر الذي لم يكن في الحسبان هو ذهاب السيده صباح وابنتها لمى الى منزل عائلة الشناوي. فدخلت السيده صباح تبحث عن نور قائله : هي فين ؟؟ انتوا عملتوا فيها ايه ؟ فنهضت نور عندما رأت امها واختها الصغرى وقالت : ماما ! انتي بتعملي ايه هنا ؟.
فأتجهت السيده صباح نحوها ثم قامت بض.مها وقالت : انتي كويسه يا حبيبتي ؟ اما لمى فقالت : طمنينا يا نور… انتي كويسه مش كدا ؟ نور : ايوا انا كويسه علشان كدا متقلقوش. اما السيدة عائشة فقالت : اهلاً وسهلاً ..اتفضلوا اعقدوا . فألتفتت السيده صباح اليها وقالت : انا مش جاية اقعد يا عايشة هانم …انا جيت ارجع بنتي معايا . نور : ايه اللي انتي بتقوليه دا يا ماما ؟ السيدة عائشة : ارجوكي اهدي يا ست صباح علشان نقدر نفهمك ايه هي الحكاية .
السيدة صباح : تفهومني ايه يا ست عائشه ؟ انتي وعدتيني انك هتخلي بالك من بنتي كويس ومش هتخلي اي حد يأذيها بس شكلك نسيتي الوعد دا خالص… وعموماً بيت ابوها اولى بيها. فقالت منى : الخبر كدب يا طنت صباح …انتي مش شايفة ان نور كويسه ومفيهاش اي حاجة ؟ نور : ايوا يا ماما … انا كويسه اهو . فقالت السيدة صباح : لو كان الكلام دا صحيح ازاي هتفسروا التسجيل اللي سمعتو في الأخبار ؟
نور : ماما مهران هو اللي نشر الأشاعة دي زي ما عمل المرة اللي فاتت علشان يشوه سمعتي انا وحسام . في تلك اللحظة عاد حسام الى المنزل ومعه سليم فدخلا ووجدا السيدة صباح وأبنتها لمى ، فأستغرب حسام من وجودهن وقال : مساء الخير يا جــ,,ـماعة . السيدة عائشة : انت جيت يابني.. قولي هتعمل ايه في المشكلة دي ؟ حسام : اطمني يا ماما …كلو هيبقى تمام بس بعد اذنكوا انا عايز اتكلم مع نور الاول.
قال ذلك ثم التفت إلى نور وسحبها من يدها قائلاً : تعالي ورايا. فارتبكت نور اما السيدة صباح فقالت : هو في ايه ؟؟ متفهوني يا خلق ايه اللي بيحصل ! السيدة عائشة : متشغليش بالك يا ست صباح وان شاء الله كل حاجة هتبقى تمام. – في غرفة حسام…… دخل هو ونور ثم اغلق الباب وافلت يدها قائلاً : ايه اللي جاب امك واختك هنا دلوقتي ؟ نور : ماما عايزه ترجعني البيت… اصلها شافت الاخبار وجت علشان ترجعني معاها البيت.
حسام : نعم… اتفضلتي ايه حضرتك ؟؟ انتي متقدريش تمشي لان بينا اتفاق. نور : انا عارفه الكلام دا بس ازاي هنتخلص من المشكلة اللي احنا فيها ؟ فتنهد حسام قائلاً : انا لاقيت حل للمشكلة دي . نور : وايه هو ؟ حسام : هنعمل مؤتمر صحفي و هنشر تكذيب للخبر وانتي هتظهري معايا فيه وهتقولي انك حامل. فاندهشت نور كثيراً وقالت : نــعــم !
حسام : اهدي علشان اقدر افهمك… احنا هنقول في المؤتمر انك حامل والسبب الاول علشان امك تسيبك قاعدة هنا وهي اكيد مش هترجعك البيت بعد ما تعرف انك حامل اما السبب التاني علشان نقدر نقنع الناس ان الاشاعة دي مهياش الا كدبة لاني اكيد مش هضــ,,ـرب مراتي وهي حامل. نور : بس …ازاي هنقول الكلام دا ؟ يعني احنا مابقلناش مدة طويلة متجوزين ازاي هيخصل حمل .
حسام : ايه العبط دا ! احنا بقالنا شهر متجوزين وعلى ما اظن ان مفيش وقت محدد للحمل ، وبعدين طبيعي جداً ان الست تحمل بعد ما تجوز والا انتي رأيك ايه يا… مراتي ؟ في تلك الحظة شعرت نور بالحرج وقالت : لاء… انا مش هقول الكلام دا الا على جــ,,ـثتي… وبعدين احنا مش متجوزين فعلياً علشان كدا متقوليش مراتي . قالت ذلك وارادت ان تخرج ، ولكنه امسك ذراعها وقال : دي الطريقة الوحيده اللي ممكن تخرجنا من الورطة دي وبعدين متنسيش ان بينا اتفاق وانتي لازم تسمعي كلامي.
فنظرت اليه وقالت بحدة : ممكن اعرف حضرتك ليه عماله تزعق في وشي دلوقتي ؟ مهو انت السبب في اللي حصل دا كلو والا انت نسيت عملت فيا ايه امبارح ؟ فشعر حسام بالذنب لذا ترك ذراعها وقال بتلعثم : بالمناسبة انتي .. انتي كويسه ؟ نور : ويهمك في ايه لو كنت كويسه ولا لاء ؟ حسام : اسمعيني يا استاذة كويس… انا ماكنتش قاصد إذيكي ابداً بس انتي اللي استفزتيني امبارح ، وبعدين انا اعتذرتلك اكتر من مرة علشان كدا بطلي الدلع بتاعك دا واعملي اللي قولتلك عليه لاني بدفعلك علشان تسمعي كلامي.
نور : ولو قلتلك اني مش هسمع كلامك ومش هقول اني حامل هتعمل ايه ؟ فأقترب منها كثيراً حيث انها عادت الى الخلف لدرجة ان ظهرها التصق بالحائط وبدأ قلبها يرتعش ، ثم قالت بتلعثم : ان… انت عايز ايه ؟ فرفع حسام حاجبة وقال بنبرة باردة : هتعملي اللي بقولك عليه ولا….. قال ذلك واقترب منها اكثر حتى كادت شفاهما ان تتلامس ، اما هي فشعرت بالقشعريرة تسري في جسدها وقالت : ولا ايه ؟
فوضع يده على خدها وابعد خصلة الشعر المنسدله عن وجهها وقال بخب.ث : ولا تحبي تشوفي مني حاجة مش هتعجبك ؟ اظن انتي فاهمة قصدي كويس مش كدا ؟ فحاولت نور التملص منه وقالت : ابعد…. خليني امشي , انا مش مستريحة بوقفتنا دي خالص . فابتسم حسام بخب.ث وقال : ليه ؟ انتي مش مراتي برضو ؟؟ قال ذلك واقترب منها اكثر واكثر ، اما هي فاغمضت عيناها وقالت : طيب خلاص خلاص… هعمل كل اللي انت عايزو بس ابعد شويه.
فابتعد حسام عنها وقال : يبقى اتفقنا. اما هي فأخذت نفس عميق وقالت : انت ايه ؟؟ معندكش دم ؟ حسام : مطوليش لسانك وخلينا ننزل علشان نقول للكل الخبر دا . قال ذلك وخرج من الغرفة ، اما هي فوضعت يدها على صـ,,ـدرها وقالت : ايه اللي حصلك يا نور ؟ انتي ليه حاسة كدا ؟ لازم تبقي قوية علشان متخليش الراجل دا يهزمك . قالت ذلك ثم اخذت نفساً عميقاً وخرجت من الغرفة ثم نزلت الى حيث كان الجميع ينتظرونها ، اما السيده صباح فقالت : مش عايزين تفهمونا ايه اللي بيحصل لبنتي في البيت دا ؟
فقال حسام : بليز قعدي الاول واحنا هنقلكوا على كل حاجة . اما السيدة عائشة فقالت : منى … قولي لحليمة تعمل شاي لضيوفنا . منى : حاضر يا ماما . اما لمى فقالت : يلا يا نور …فهمينا ايه اللي بيحصل . نور : متقلقوش يا لمى … انا كويسة اهو وزي الفل . فقال حسام : كل اللي اتنشر في الأخبار كدب لاني مضــ,,ـربتش نور ابداً وهي كويسة زي منتوا شايفين . السيدة صباح : امال ايه التسجيل اللي نشرو مهران دا ؟ مش اللي كان بيتكلم هو حضرتك برضو يا حسام بيه ؟
فقال سليم : التسجيل مزيف يا طنت . فنظروا جميعاً اليه اما حسام فقال : ايوا ..التسجيل مش حقيقي .. يعني بالعقل كدا هو ازاي قدر يسمع المحــ,,ـادثة اللي حصلت بيني وبين سليم وهو ميقدرش يقرب مني خالص ؟ فقالت لمى : دا صحيح ؟ هو ازاي قدر يسجل المكالمة اللي حصلت ؟ سليم : علشان كدا احنا بنقول ان التسجيل دا مزيف . اما السيدة عائشة فقالت : صدقيني يا ست صباح انا مخلفتش وعدي ابداً واهي نور قدامك وتقدري تسأليها قد ايه احنا بنحبها ومستحيل اسيب اي حد يأذيها حتى لو كان الشخص دا هو حسام نفسو .
نور : طنت عائشة عندها حق يا ماما … الكل بيعاملوني هنا زي ما أكون أميرة . قالت ذلك ونظرت الى حسام الذي كان جالساً بجانبها بطرف عينها ثم قالت في نفسها : الكل الا الراجل دا . اما هو فأمسك بيدها وأبتسم قائلاً : وبعدين ازاي هضــ,,ـربها وهي حامل ؟ فنظروا جميعاً اليهما وقالت لمى بدهشة : ايه ؟ حامل ! فأبتسم حسام وقال : ايوا ..نور حامل ، مش كدا يا روحي ؟
فنظرت نور اليه وكادت ان تــ,,ـه ولكنها تمالكت نفسها وأبتسمت بتصنع قائلة : بخصوص الموضوع دا …. فقاطعتها امها بقولها : الخبر دا حقيقي يا حبيبتي ؟ فتنهدت نور بأستسلام وقالت : ايوا . السيدة صباح : بس انتوا مش شايفين انكوا استعجلتوا شوية ؟ فنظرت نور الى حسام بحدة وقالت : اهو حصل اللي حصل بقى . اما السيده عائشة وسليم ومنى فكانوا يعلمون ان هذه كذبه لذا لم يقولوا اي شيء بل قالت السيده عائشة : معقول اللي بسمعو دا ؟؟ واو انا فرحانه اوي !
فأبتسم سليم بتصنع قائلاً : الف مبروك يا جــ,,ـماعة . اما منى فقالت : انا فرحت اوي علشان هبقى عمة مرة تانية . فابتسم حسام وقال : متشكرين يا جــ,,ـماعة . في تلك اللحظة نهضت لمى وقالت : انا مش مصدقة اللي انتوا بتقولوه دا. فنظروا جميعاً اليها اما نور فقالت : وليه بتقولي كدا يا لمى ؟
