نوارة فاطيما يوسف

وبصت للناس وهي هتنادم بعلو صوتها والحسړة مالية قلبها
اشهدوا ياناس على الولية داي سبتني تاني وقالت علي ڤاجرة واني أرملة جوزها لسه مېت وفي حالها ابعت هات المأمور يا سيدنا الشيخ اني مهتنازلش عن حقي وانت عارف إن المتنازل عن حقه شيطان أخرس واني خلاص هبقي راجل نفسي وسندها قدام اي حد يجيب سيرتي وسيرة خواتي البنات وامي تاني .

الشيخ سمع كلامها لأنه ميقدرش يخالف شرع الله في اللي شافه وبعت جاب المأمور والحكومة جت والشيخ واللي واقفين شهدوا قدامه بضړب آدم بالرجل في بطنها والمأمور شاف جلابيتها المقطوعة وحجابها اللي واقع
وشهدو بسب سعدية ليها
—
في شرفها وقبض على سعدية وولدها وهي راحت وراهم إثبات حالة في المحضر
بعد مرور تلت أيام هنية هتراقب فيهم الدكتور وحددت وقت سفريته وبتتكلم مع اللي هينفذ مهمة غدرها
الداكتور خارج من بيته دلوك تصتاده في نص الطريق الزراعي احسن مكان مفيش حد ولا هيهش ولا هينش ولا دبانة هتعدي منيه دلوك لازم تجيب لي خبره الليلة

وتضر….به في مقټل ضړبة قاضية وليك مني فدانين وفيلا يرمح فيها الخيل .
الراجل التاني كان هيسجلها مكالمتها
حلو الكلام يا ست هنية هسيبك دلوك علشان الحق أخلص مهمتي داي .
وبعد ماقفل معاها سأله صاحبه اللي متشارك وياه في كل البلاوي
اني اه معاك على كل حاجه وطريقنا واحد لكن ما توصلش للقتـ,ـل يا ابو عمو احنا اه نهبق على بيت نسرق محفظه لكن وصلت للقتـ,ـل مع نفسك اني حداي عيال عايز اربيهم ومش عايز عشماوي يتلف حوالين رقبتي .

صاحبه كان هيلف سېجاره الحشـ,ـېش اللي بيتشاركوا فيها هم الاتنين ورد عليه باللي خلاه مستغرب منه
قتـ,ـل ايه يا ابو عمو اصل الوليه دي عقلها فاكك منيها حبتين اني الرقم اللي هكلمها منه مش بتاعي ولا متسجل باسمي وهستنى لما الراجل يسافر وبتسجيل المكالمه اللي بيني وبينها هددها بيه لو ما اديتنيش اللي عايزه
صاحبه برق پصد,,,مه من تفكيره
يا ابن الجنيه كنت هتسجل لها فكرت فيها كيف دي ياض
ضحك صاحبه وهو هيتباهى بحاله وبدماغه
انت قديم قوي يا ابو عمو دي حوارات حوصلت كتير قوي وهي وليه غبيه بتتصل بيا من رقمها وهي اللي

هتكلمني بنفسها فلازم اسجل لها وهي هتطلب مني الطلب ده اني بقى هشيل صوتي من التسجيلات الاولانيه والاخيره وهبعتهم لها وهخليها تجيب حته من السماء من اللي هعمله فيها لو ما اديتنيش الفلوس اللي عايزها عشان تبطل اذيه في خلق الله حكم انت ما تعرفش هنيه دي وليه مؤ…ذيه وكانت دايما تقصدني في اذى الخلق بس كلها كانت حاجات بسيطه ما توصلش للقـ,ـتل واصل .

يعني انت هتهددها بالتسجيلات اللي وياك وتخليها تديك الفلوس اللي على كيفك يا مضړ…..وب على قلبك انت
ضحك صاحبه وهو حاسس ان طاقه القدر اتفتحت له على يد هنيه المفـ,ـتريه
يوه دي أني هخليها تحرم وتقولي ليه يا ريت اللي جرى ما كان الوليه المؤذيه اللي هتمشي ټقتـ,ـل وټحر….ق قلوب الناس دي وهاخد من حباب عينيها اللي هيكفيني ويبسطني .
عدى يومين والراجل بعت التسجيل لهنيه وبعد ما اتوكد انها سمعته اتصل عليها
كيفك
يا هنيه يا مفتريه صوتك هيجلجل في التسجيل وخصوصي رقمك اللي متسجل على التروكولر ومنور يعني لابساها لابساها .

هنيه اټجننت من اللي عمله فيها فزاع وعلت صوتها عليه
كانك اتجنيت يا فزاع هتسجل لي طب ليه عميلت فيك ايه عشان تغدر علي واني طول عمري بسطاك دي لحم كتافك من خيري يا اللي هتاكل في الوعايا وتشخ فيها .

رد عليها فزاع بسخريه
لحم كتافي من الحړام اللي كنت هتسوقيني ليه يا هنيه يا مفتريه وفي الاخر عايزه تبعتيني كبش فدا للحكومه وهتفتكريني صعيدي اهبل وما عرفش ان الطريق الزراعي كلاته متحاوط بالتصاوير والكامرات ملياه وكنت هتلبسيني تهمه وتطلعي نفسك بريئه منيها وعلى ايه الراجل المحترم اللي هياما خدم الناس وبياجي اهنه مخصوص عشان يكشف عليهم مجاني روح لبيته بسلامه وانت ما كنتيش تبعتي لي 200 الف جنيه وعقد الفيلا اللي كنت هتديها لي ومعايزش فدادين منك الله الوكيل لا هوديكي العشماوي يا هنيه يا مفتريه .

هنيه بقت تلف حوالين نفسها زي المجنونه وهي هتشتم فيه بكل الالفاظ البشعه وقفلت في وش السكه
وكلمت المحامي وحكيت له على كل حاجه وتعصب وزهق عليها
طب ليه هتمشي من دماغك يا ست هنيه ما شورتنيش ليه في الحوار ده من اوله لاخره من ميتى وانتي هتتصرفي من دماغك .
ردت عليه وهي مړعوبه من كلام فزاع
ما انت اللي قلت لي ان الورق اللي عند المحامي وشهادته كفيله تضيع الميراث مني لما يثبت ان بدران عقيم واني لازم اشوف صرفه واحلها بعيد عن الحكومه .

زهق شعبان عليها
تقومي تكري فزاع اللي ما هيتأمنش على سر واصل على جتله حرام عليك يا ست هنيه بوظتي كل حاجه كنت هقعد ويا يوسف وهحل معاه الاشكال وهنوصل لحل تراضي غير القټل .

نفخت هنيه بضيق وهي هتساله
اهو اللي حوصل حوصل التسجيل اللي مع الواد دي هيضرني ولا له
رد شعبان
انت اسمك متسجل برقمك على التروكولر ودي مشكله كبيره وهتعمل لك حوارات مع الحكومه انت في غنى عنيها والعيار اللي ميصبش يدوش والحكومه دلوك ما هتصدق قضيه تمسك فيها عشان الظابط اللي هيمسكها يتلمع وخصوصي دي تحريض على القټل ممكن يجيبوا خبير اصوات ويطابقوا الصوت بصوتك حتى لو كان التسجيل مش باذن نيابة وعقبال ما نثبت اكده هتتمرمطي في الاقسام يا ست هنيه .

لطمت هنيه على وشها وهي هتسالوا على الحل
يا مرك يا هنيه اخرها الحبس والسجن طب دبرني يا استاذ شعبان اعمل ايه في الحوار المغفلك ده ما ليش غيرك .
هداها شعبان
اديله اللي هو عايزه بس اللي هقول لك عليه تعمليه وقت التسليم كل حاجه تتصور ما بينكم صوت وصوره عشان تورطيه وياكي وتاخدي منه الموبايل والخط اللي سجل عليه وتتوكدي ان هو دي الخط اللي كلمك من عليه وبعد كده اديله الفلوس وعقد الفيلا .

ضړبت هنيه على صدرها بغل
بقي أدي لفزاع المعفن ده عقد الفيلا و 200 الف جنيه بحالهم وهو شحات ما يسواش ثلاثه تعريفه .
اكد عليها المحامي
الفيلا وال 200 الف جنيه اللي هتتكلمي عنيهم دول ما يسوش حاجه قصاد مرمطتك في الاقسام وسمعتك اللي هتتمرمط في الارض وكمان الحكومه هتحطك في راسها وهتراقبك وانت في غنى عن الحوارات دي يا ست هنية والفلوس دي بسيطه وحداكي بدل الفيلا عشرة .

هنيه
ما قدامهاش حل غير انها تسمع كلام المحامي وتعمل اللي قال لها عليه وفات يومين وعملت كل حاجه المحامي اكد عليها واخذت الميموري والتليفون وعرفته ان المقابله متسجله صوت وصوره وهو ما كانش هيقدم ناحيتها ثاني واصل بس حلفت ايمان بالله لا ھتحر,ق قلبه زي ما خد منها الفيلا والفلوس دي كلاتها
اما في القاعده اللي عملتها سعديه عشان تستنجد بحد يخلي نواره تتنازل عن القضيه اللي تخصها هي وولدها بعد ما المحامي اكد لها انهم هيتسجنوا هيتسجنو
فاتكلم الشيخ وهو هيطلب من نواره الترضيه اللي هتبرد نارها
شوفي يا نواره يا بتي اني عارف ان

قلبك طيب شوفي الترضيه اللي هتناسبك ايه وسعديه هتراضيكي مقابل تتنازلي على القضيه عشان مستقبل ابنها ما يضيعش وهي كمان ما تتمرمطش في السجون على اخر الزمن .

الشيخ كان متفق مع سعديه ما تفتحش بقها عشان يقدر يقنع نواره وتقعد منكسره وتسيبها من الفرعنه الكدابة وهي عملت زي ما هو قال لها بالظبط واتكلمت نواره
هي السمعه والشرف يكفيهم ترضيه يا سيدنا الشيخ تبسيبك من السمعه والشرف عمري وشبابي اللي ضاعو بسبب افتراها عليا وعلى امي وفضلت تتكلم في سيرتنا مع اهل العزبه كلاتهم من غير ما يكون عندها ضمير ولا انسانيه ان احنا ولايه دي كلاته يكفيه ترضيه .

سعديه كانت حاسه بالړعب من قوه نواره اللي هتتكلم بيها لكن فضلت ساكته اما الشيخ
معلش يا بتي حقك عليا وشوفي انت رايده ايه وهي هتنفذه من السكات هي وجوزها .

هنا اتكلمت نواره وهي رافعه راسها لفوق وحكمت الحكم اللي خلى سعديه هتتجنن وهي قاعده في وسط الرجاله وجوزها شورة المره ما هيفتحش بقه
تاجي لحد دارنا اللي جتها قبل سابق عشان تفضحنا وتمرمط بكرامتنا الارض قدام الخلايق وخلت سمعتنا وسط الناس شينا وخواتي البنات هيمشوا يوطي راسهم في الارض تعتذر لامي وتبوس راسها وتحب على يدها قدام الخلق كلاتهم وتعترف انها افترت علينا عشان هي هتغير من امي من زمان ومش بس اكده يا سيدنا الشيخ تاخد ولدها وجوزها وتهمل البلد كلاتها ويشوفوا لهم مكان بعيد عن اهنه مش هتنازل عن المحضر بتاعها ولا بتاع ابنها قبل ما تبيع

كل حاجه وتحضر البيعه بنفسك انت واهل البلد وتفارق .
سعديه اټجننت من حكم هي وجوزها وبقت قاعده تتنطط وهي هتقول
والله حرام عليكي هتخرجيني من بيتي وهتمرمطيني انا وجوزي وعيالي على اخر الزمن ليه اكده يا نواره حرام عليكي حسبي الله ونعم الوكيل .

قامت نواره من مكانها وهي ناويه تسيب القعده وما تقعدهاش تاني بسبب كلام سعديه
بعد اذنك يا سيدنا الشيخ القعده دي ما هقعدش تاني وهنكملها في المحاكم ونوبقى نشوف مين اللي هيحسبن على مين وعلى راي المثل ضړبني وبكى سبقني واشتكى وهي مسبقه بالعاطل والباطل كلاته في سيره الولايه وفي الاخر تحسبن عليا قدام الناس .

قعدها الشيخ وبص لسعديه
دلوك يا سعديه انت اللي هتغلطي والبنيه ما غلطتش واصل يا تعملي اللي قالت عليه يا تستحملي سجنك انت وابنك وقضى اخف من قضى ابنك هيضيع من عمره 10 سنين اعتداء على حرمه حامل في الليل وعليه شهود وانت سب وقڈف قدام الناس ولو سالتي اي محامي صغير هيعرفك ان ما فيش منيها مخرج وانت اللي سعيتي للقعده يوبقى ترضي بحكم الرجاله .

هنا اتكلم جوز سعديه
وخرج عن صمته وهو هيوافق بلسان بيرتجف
خلاص خلاص يا سيدنا الشيخ اللي هي عايزاه هتعمله وهنهمل البلد وهخليها تبوس راسها قدام الخلق كلاتهم وتعمل اللي هي عايزاه بس تتنازل عن حبس ولدي وحپسها هي كمان .
رد عليه الشيخ
عين العقل يا ولدي وبعد كده خلي اهل بيتك يحفظوا لسانهم ما تخليهمش يجيبوا سيره الولايه بالباطل عشان دي حاجه كبيره قوي عند ربنا سبحانه وتعالى .

وخلصت القعده ونواره خرجت منها هي وامها اللي هتقول لها
براوة عليك يا بت يا نواره اللي عملتيه في الوليه دي جبت القوه دي كلاتها منين.
ردت عليها نواره بقسۏة