انتقام اثم القسم ال4 زينب مصطفي - أبرج نيوز ادس560

الفصل الخامس عشر بعد مرور شهرين.. جلست كامله هانم في غرفتها ترتعش وقلبها يكاد يتوقف من شدة الخوف والتوتر لتنتفض برعب وباب غرفتها يفتح فجأه وهي تتوقع انه قاسم وقد جاء لمحاسبتها على كل أخطائها بحق ملك الا ان نيرفانا هي من ظهرت على باب الغرفه وهي تشير لكامله بالصمت ثم اغلقت الباب خلفها بهدوء وهي تهمس بتوتر = ملقهاش..راح المكان الي بيقولو شافوها فيه وطلعت مش هي تنفست كامله هانم براحه =نجينا المره دي كمان.. نيرفانا بغضب =وهو احنا هنفضل تحت رحمة ملك خايفين لتظهر وتقول لقاسم على كل حاجه كامله بيأس غاضب =وإحنا في أيدنا إيه..ماهو على يدك بهدلني وكان هيطردني بره الفيلا والعيله ويرميني في دار عجزه لولا اني حلفت له اني مكنتش اعرف حاجه وان سامح ضحك عليا زي ما ضحك عليه وبالرغم من كده مصدقنيش وقالي ان كلمة ملك هي الي هتحكم ان كان كلامي صح ولا لا لتتنهد بتعب =يعني ظهور ملك من تاني فيه نهايتي نيرفانا بكراهيه =يبقى لازم تختفي للابد ومتظهرش تاني كامله هانم بيأس = وده هنعمله إزاي..إذا كان قاسم مسخر نفسه و فلوسه واتصلاته وكل رجالته علشان يلاقيها لتتابع بكراهيه =هيتجنن علشان يلاقيها زي ماتكون سحراله جلست نيرافانا على مقعد مريح وهي تضع ساق فوق اخرى وتبتسم بخبث = اسمعي يا عمتي ..طالما ملك مظهرتش لحد دلوقتي يبقى هي الي رافضه الظهور ..يعني اكيد متعرفش كل التطورات الي حصلت ومتعرفش ان قاسم عرف الحقيقه فأكيد خايفه من قاسم و إلي هيعمله فيها لو لقاها فأحنا لازم نستغل النقطه دي كامله بتوتر.. =يعني نعمل ايه مش فاهمه نيرفانا بثقه =احنا كمان ندور عليها لو لقيناها يبقى نخلص عليها من غير ما قاسم يعرف ويبقى كده خلصنا من أذاها..ولو ملقنهاش يبقى نفتح عنينا كويس أوي ونحاول نوصل لها قبل ماقاسم يوصل لها عقدت كامله حاجبيها بتوتر =وده هنعمله إزاي الحاجات دي الي كان بيعملها لنا رأفت ..ورأفت خاف و ساب البلد كلها ومشي بعد المصيبه الي كان عاوز يعملها في قاسم نيرفانا بابتسامه واثقه خبيثه =ودي تفوتني يا عمتي..انا اتصلت برأفت وهو هيدبر لنا ناس يدوروا عليها ويخلصونا منها لو لقوها لتتسع ابتسامتها بتشفي =رأفت هو كمان هيتجنن ويلاقيها.. نفسه يخلص تاره منها بعد الي عملته فيه كامله بتوتر =و انتي عرفتي توصليله إزاي نيرفانا بسخريه =مش اخويا الوحيد الي بخاف عليه و إلي أنقذته من بين إيدين رجالة قاسم وخليته يهرب منهم قبل ما يوصلوله تراجعت كامله للخلف بتوتر =انا خايفه لو قاسم عرف كل الي هنعمله ده مش هيكتفي بطردي ده ممكن يمو"تني فيها ربتت نيرفانا على ساق كامله وهي تقوم مغادره =متخافيش يا عمتي سيبي كل حاجه ليا وانا هتصرف لتتابع بثقه =قاسم مش هيكون لحد غيري وملك دي اعتبريها انتهت من حياتنا خالص ثم تركتها وغادرت وهي تغلق الباب خلفها بثقه في نفس التوقيت.. جلس قاسم الذي تظهر على وجهه علامات التعب والحزن والنحافه الشديده على اطراف الفراش في غرفة نوم ملك التي اصبح ينام فيها مؤخرآ وهو يدفن رأسه بتعب بين كفيه ليتنهد بألم وهو يحدث نفسه بحزن =رحتي فين ياملك انا مسبتش مكان الا لما دورت فيه عليكي كل ماقول خلاص وصلتلك ألاقيني بمسك سراب بيضيع من بين إيدايا ليتابع بحزن وهو يتأمل صورتها الموضوعه بجانب الفراش =معقوله يا حبيبتي خايفه مني اوي كده معقوله خايفه تظهري لأذيكي ليمرر يده على صورتها بعشق وندم =انا عارف ان معاكي حق في انك تحاولي تهربي وتخافي مني وتكرهيني كمان بعد كل الي شفتيه على ايدي وعلى ايدين الكلب سامح ليتابع باصرار =بس انا هلاقيكي وهعوضك عن كل الظلم الي شفتيه وهرجع ثقتك وحبك ليا من تاني وده وعد مني يا حبيبتي ثم مال للخلف بتعب وهو يغلق عينيه ويستسلم لنوم مرهق وهو يحتضن صورتها بين يديه في نفس التوقيت.. جلست ملك في فراشها تحتضن ساقيها ودموعها تسيل بالرغم عنها فهي حتى الأن تذهب من مصيبه لمصيبه أشد منها وكأن حياتها سلسله من المصائب المتتاليه لتقول بيأس ودموعها تنساب بالرغم عنها =اعمل ايه يارب في المصيبه الي انا فيها دي دلني على الصح فين دخلت ام رجاء الغرفه بهدوء وتأملت بكائها بتعاطف لتقول بحنان =انتي لسه بتعيطي خلاص يا بنتي بقى دي ارادة ربنا وانتي معملتيش حاجه غلط والاا حرام نظرت لها ملك بخوف ويأس وهي تبكي بحزن شديد =مش عوذاني اعيط طب ازاي وانا حامل ..حامل من واحد بيدور عليا علشان ينتقم مني عشان فاكر اني إتأمرت عليه و حاولت اقت"له بعد ماخنته مع واحد تاني لتتابع بيأس ودموعها تغرق وجهها =يعني لو لقاني مش بعيد ينكر ان ده ابنه وينتقم من ابني كمان زي ما هينتقم مني ام رجاء بصوت قوي =ايه الي بتقوليه ده ليه هي سايبه ولا ايه.. لتتابع باستنكار =ينتقم منك انتي وابنك ليه يعني هي البلد مفيهاش حكومه ملك بيأس =انتي مش عارفه حاجه قاسم مش راجل عادي ..قاسم عنده رجالته واتصالاته ومش هيرتاح الا لما يلقاني ولو عرف اني حامل او عندي ابن مش هيرحمني ولا هيرحم ابني لتشهق في موجه من البكاء الشديده =انا عندي يقت"لني دلوقتي احسن من انه يقت"ل ابنه بإديه..وده إلي لايمكن أتحمله شهقت ام رجاء بخوف الا انها قالت بثقه =وهو ايه الي هيعرفه مكانك الناس هنا عارفين انك بنت المرحومه اختي و ان ابوكي ما"ت من زمان وانا هنشر بين الناس انك كنتي متجوزه وجوزك طلقك وسابك حامل وعشان كده جيتي تعيشي معايا نظرت ملك لها بيأس =طيب هعيش منين انا و إلي في بطني وهصرف عليه منين ربتت ام رجاء على كتفها بحنان =هتتدبر يا بنتي أهي رجاء سافرت السعوديه وهتشتغل هناك وهتبعت لينا كل اول شهر مبلغ صغير على فلوس معاشي هنقدر نمشي أمورنا لحد ما ماشهور حملك تعدي وبعدها نبقى نفكر هنعمل ايه ملك باعتراض =لا انا مقدرش اقبل كده دي فلوسك وانا مقبلش اصرف منها على نفسي انا هنزل أدور على شغل نظرت ام رجاء لها بلوم =شغل ايه الي عاوذه تنزلي تدوري عليه وانتي في ظروفك دي عيب الكلام الي انتي بتقوليه ده انا بعتبرك زي رجاء بالظبط وبعمل معاكي الي كنت هعمله مع رجاء بنتي لو كانت في نفس ظروفك نظرت لها ملك بامتنان في حين مدت ام رجاء يدها تمسح دموع ملك وهي تقول بحنان مرح =سيبك بقى من العياط والزعل ويلا بينا نتعشى سوى أنا عامله شوية فول يستاهلو بقك ثم سحبتها من زراعها وهي تقول بحنان =يلا يا بنتي قومي معايا وسيبي كل حاجه لظروفها ومتخافيش كل حاجه هتتعدل بس سيبيها لله نهضت ملك معها وهي تدعي الله ان يتولى أمرها بعد مرور عام ونصف.. انتهى قاسم من ارتداء ملابسه وتوجه للاسفل وهو يتحدث في الهاتف بغضب =أنا معدتش عاوز اعزار انا مبقاش فيا صبر انهي التعاقد معاهم فورا و اتعاقد مع شركه او اتنين او تلاته المهم انا عاوز نتيجه ثم اغلق الهاتف وهو يسب بغضب ليقول الانصاري الكبير وهو يتناول القهوه =اهدى يا قاسم مش كده انت بقيت عصبي اوي و الكل بقى بيخاف يتكلم حتى معاك قاسم وهو يحاول السيطره على اعصابه =انا هادي بس خلاص مبقتش قادر اتحمل غبائهم سنتين وانا بدور عليها ومفيش اي نتيجه وكأنها اختفت من على وش الارض ودول كل نتايح بحثهم عنها مبتتغيرش مش لاقينها ولا عارفين يوصلوني لاي معلومه عنها الانصاري الكبير بهدوء =برضه موضوع ملك ..انت خلاص مبقاش وراك غيرها وغير انك تدور عليها قاسم بجديه =جدي ..ملك مراتي ومش هبطل ادور عليها لحد اخر يوم في عمري ليتابع بصرامه اكبر =وبعدين انا مش صغير وقادر ان ادير شغلي وحياتي من غير ما أثر في اي حاجه فيهم الجد بهدوء غاضب =انا عارف انك مش مأثر في ادارة الشغل وهالك نفسك فيه ..زي ما انا متأكد برضه انك ناسي حياتك وعمرك الي بيضيع وانت بتجري ورى سراب اسمه ملك .. قاسم بغضب =ملك مش سراب يا جدي ملك مراتي الي حامله اسمي ليتابع باصرار =وهلاقيها ولو قعدت ادور عمري كله عليها هلاقيها وقف الجد وهو يقول بغضب =وانت ايه الي عرفك انك لما تلاقيها هتكون عاوزه ترجعلك ..مايمكن كرهتك وعلشان كده مستخبيه وهربانه منك ليتابع وهو يضغط عليه اكثر =مايمكن قابلت حد تاني وحبيته ويمكن اتجوزته كمان ...انت ناسي انك اخر مره شوفتها رميت عليها يمين الطلاق هتعرف منين انك رجعتها لعصمتك من تاني صرخ قاسم في جده بغضب عني"ف =جدي انا بحزرك بلاش تتكلم عليها بالشكل ده قدامي اوتلعب عليا اللعبه دي علشان متخسرنيش وللابد.. ليتابع باصرار =ملك استحاله تعمل كده انا متأكد انها بتحبني و استحاله تسلم نفسها لراجل غيري وبعدها وهروبها ده سببه خوفها مني مش اكتر ولما الاقيها هعرف ازاي اطمنها وارجعها لحضني من تاني الجد بهدوء =وافرض ملقتهاش ..هتفضل قاعد من غير جواز ولا ولاد يحملو اسمك واسم العيله ..الثروه والمصانع وكل الي تعبنا فيه انا وانت هتسيبه يروح للاغراب علشان انت قاعد مستني تلاقي ملك قاسم بجديه وهدوء =ايوه يا جدي انا مش عاوز ولاد الا من ملك ولو ملقتهاش مش هتجوز ولا هخلف وده قراري النهائي وقف الجد فجأه وهو يقول بعصبيه شديده =يعني ايه عاوز اسم العيله يضيع و ثروتنا يورثوها الاغراب دا لايمكن أبد..... لينقطع صوته فجأه وهو يضغط بيده على صدره ويقع ارضا وهو لاتيستطيع التحدث او اخذ أنفاسه اندفع قاسم بخوف اليه وهو يبحث بسرعه عن دواء جده وحتى وجده ووضع حبه صغيره من الدواء تحت لسانه وهو يدرك ان جده قد تعرض لازمه قلبيه مفاجأه ..ليستطيع الجد التنفس مره اخرى وقام قاسم بحمله سريعا والتوجه به الى اقرب مشفى في نفس التوقيت.. قامت ملك بإطعام صغيرها بعض الطعام ثم قبلته بشغف وهي تبتسم وتمرر يدها في شعره الاسود وتقول بحنان = شكل بابا قاسم بالظبط نفس العيون والشعر والملامح هتطلع زي القمر وتجنن البنات في حبك يا عمري انا دخلت ام رجاء و تناولت منها الطفل تقبله وهي تبتسم =هاتي الاستاذ عمر وادخلي انتي البسي واجهزي علشان تلحقي شغلك لتتابع بابتسامة تعجب وهي تقبل عمر على وجنته =الحاجات الي انتي بتحطيها على وشك دي علشان تغيري شكلك بتاخد منك وقت كبير على اما بتعرفي تظبطيها ضحكت ملك واسرعت بالدخول الى غرفتها وارتدت ملابسها بسرعه وهي عباره عن تنوره سوداء طويله وواسعه وجاكيت اسود كبير وواسع يصل لقبل منتصف فخذها بقليل ثم ارتد حزاء اسود بدون كعب ثم جمعت شعرها وشدته للخلف في كعكه غير أنيقه ثم بدأت بوضع طبقات من المكياج على وجهها تظهرها اكبر من عمرها الحقيقي ثم انهت تنكرها بصبغ حاجبيها باللون الابيض ولف حجاب أسود كبير فوق رأسها ثم أسدلت نقاب اسود اللون فوق وجهها وبدأت بالحديث وهي تغير من نبرة صوتها لنبره مغايره تماما لنبرة صوتها المعروفه به ثم تنهدت بارتياح وهي تتوجه لخارج الغرفه انطلقت ضحكات ام رجاء وهي تقول بمرح =طيب ولزمته ايه النقاب يا جدتي دا لو امك الي ولدتك شافتك بالشكل ده مش هتعرفك ملك وهي تستعد للخروج =كده احسن علشان لو اضطريت ارفع النقاب محدش يقدر يتعرف عليا ثم اتجهت سريعا لام رجاء تقبلها وتقبل طفلها النائم فوق ساقيها وهي تقول بتوتر تشعر به كلما اضطرت للخروج والنزول للعمل =ادعيلي... ام رجاء بحنان =ربنا يفتحها في وشك ويكتبلك الي فيه الخير ابتسمت ملك بحنان وهي تغلق الباب خلفها وتتوجه للشركه الصغيره التي تعمل بها .. وصلت ملك الى مقر الشركه وبدأت في ممارسة عملها كمدخله للبيانات على الحاسوب وجلست وهي تشعر بتوتر من حولها وبهمسات الموظفين بين بعضهم البعض الا انها تجاهلتها وبدأت في العمل بنشاط كبير حتى اقترب اليوم من الانتهاء وتفاجئت باقتراب زميلاتها نجوى منها وهمست لها =انتي مبتزهقيش من البتاع الي حطاه على وشك ده عشر ساعات شغل ومبترفعيهوش عن وشك ايه مبيخنقيش وبعدين مغطيه وشك ليه دا انتي قد والدتي يعني مفيش حد هيبصلك ملك وهي تغير نبرتها لنبره مغايره لنبرتها لتكون اكثر غلظه =انا حره البس الي يريحني والنقاب مبيخنقنيش ولا حاجه واتفضلي ارجعي على مكتبك احسن ما يخصموا اليوم مني ومنك مطت نجوى شفتيها وهي تبدء بالنميمه =انتي حره انا كنت عاوزه أقولك أخر الأخبار ملك بقلة صبر =اخبار إيه .. همست نجوى بابتسامه واثقه =الشركه بتاعتنا هتتباع لمجموعة شركات كبيره و كل الي موجدين هنا خايفين ليسرحوهم انتي عارفه ان معظمنا شغالين هنا من غير عقود ولا ورق رسمي يعني اكيد هيطيرونا شعرت ملك بانقباض قلبها لتقول بتوجس =متعرفيش اسم الي هيشتري الشركه ايه.. مطت نجوى شفتيها وهي تقول =لا محدش يعرف حاجه بس بيقولو ان الي اشترى الشركه هيجي هنا بنفسه النهارده وقفت ملك بتوتر فجأه وهي تقرر مغادرة المكان وقد شعرت بشعور غريب وكأن قاسم قريب جدا منها لتندفع محاولة الخروج الا انها وقفت فجأه وقد تفاجأت بقاسم يقف أمامها يتحدث مع مالك الشركه وهو لا ينظر تجاهها كتمت ملك شهقتها وهي تنظر اليه بزهول لتحاول التمسك بأي شئ الا انها فشلت وهي تشعر بالارض تدور بها لتسقط فجأه غائبه عن الوعي تصاعدت الاصوات من حولها وهم يحاولون افاقتها الا ان قاسم اقترب منهم بعد ان لفت انتباهه ما حدث ليقول بصرامه =ابعدو عنها خلوها تقدر تتنفس .. ثم حملها عن الارض وتوجه بها الى غرفة مدير الشركه ليضعها على احدى الارائك سريعا ويبتعد وهو يشعر بتوتر شديد في جسده وكأن جسده قد تعرف عليها من مجرد حملها بين يديه ليعود وينظر الى وجهها المغطى بتوتر الا ان صوت نجوى ارتفع وهي تقول بحرج =معلش يا فندم اصل الست ناهد ست كبيره في السن واكيد مخدتش علاجها وعلشان كده أغمى عليها ودي اول مره تحصل لها بس هي في العادي مبتبطلش شغل وبتشتغل بضمير حتى اسئل استاذ محمود المشرف بتاعنا تصاعد توتر قاسم وهو يستمع الى كلمات نجوى وعينيه لا تريد مفارقة وجه ملك المغطى بالنقاب وهو يهمس لنفسه حتى يقنعها بكذب شعوره =كبيره في السن واسمها ناهد ..اسمها ناهد..فوق يا قاسم الا انه استفاق على صوت نجوى تقول بحرج =معلش ممكن تخرجوا بره علشان نرفع النقاب عن وشها..صحيح هي ست كبيره في السن بس مينفعش نرفع نقابها قدامكم توجه قاسم لخارج الغرفه وهو يشعر بشعور لا يستطيع تحديده مالك الشركه باحراج =انا اسف على الدربكه الي حصلت دي انا عارف انك لسه راجع من المستشفى علشان الانصاري بيه..الا هو عامل ايه دلوقتي قاسم بتوتر =الحمد لله فاق وبقى بخير..عن إذنك ليتركه فجأه ويتوجه الى حمام الشركه ثم اغلق الباب من خلفه بتوتر وهو يحاول التنفس بهدوء عدة مرات الا انه فشل ليقوم بفتح صنبور المياه ورش وجهه بالمياه عدة مرات وهو يحدث نفسه بصرامه =فوق يا قاسم انت اتجننت ولا ايه خلاص هتشوف ملك في كل ست تشوفها ولا ايه ليتنهد بتعب وهو يخرج مره اخرى الى الخارج ليجد ملك تخرج برفقة زميلاتها الذين يقومون باسنادها في طريقهم للخارج الا انه وجد نفسه يتجه إليهم بدون ارادته ويقطع عليهم الطريق شعرت ملك بالدوار يكتنفها مره أخرى وهي تراه يقف امامها الا ان يد قاسم تلقتها تمنعها عن السقوط وهو يقول بلهفه =حاسبي.. رفعت ملك عينيها بخوف وشوق تقابل عينيه وهي تكاد تمو"ت خوفا من انه اكتشف هويتها لتتفاجأ به يقول بابتسامه مشرقه =حمدالله على سلامتك يا مدام ناهد رايحه على فين وسيبانا دا احنا ما صدقنا لاقيناكي.. لتشهق ملك بخوف وهي تشعر برأسها يكتنفه الدوار مجددا..... بقلم زينب مصطفى الفصل السادس عشر أشتدت يد قاسم حول خصر ملك تدعمها وتمنعها من السقوط بعد ان اشتد الدوار برأسها وهي تستمع لقاسم يقول بتوتر = انتي لسه حاسه إنك تعبانه تحبي نجيبلك دكتور و لا أوديكي المستشفى هزت ملك رأسها بتوتر وهي تجيب بصوت مرتعش حرصت على ان تخرجه مغاير لطبقة صوتها = لا مفيش داعي انا هروح البيت ارتاح شويه وهبقى كويسه ابتسم قاسم وهو يقول بجديه = طيب اتفضلي معايا انا هوصلك لبيتك في طريقي ملك باندفاع = لا ملوش لزوم... أانا هاخد تاكسي يوصلني علطول و البيت اساسا مش بعيد يعني ملوش لزوم تعب حضرتك قاسم بابتسامه رصينه = تعبك راحه يا مدام ناهد ..انا سمعت عنك قد ايه انتي موظفه مجتهده في شغلك واكيد الي حصلك ده بسبب ضغط الشغل عليكي .. يبقى اقل شئ نعمله نوصلك بيتك عشان ترتاحي ثم نظر لمدير المكتب وهو يقول بتأكيد =ولا إيه نظر له مدير المكتب بدهشه لاهتمامه المبالغ فيه بموظفه صغيره يراها لاول مره الا انه أكد على كلامه فورا =طبعا يا أفندم.. عندك حق ليوجه حديثه لملك الواقفه وهي تشعر بالحيره والخوف الشديدان =اتفضلي إنتي يا مدام ناهد رواحي واعتبري النهرده أجازه استسلمت ملك وخرجت برفقة قاسم وهي تشعر ان رأسها قد توقف عن العمل فتح قاسم باب سيارته الامامي لها ووقف ينتظرها حتى جلست بتوتر على المقعد ثم اغلق الباب وهو يشير لسائقه بإنه هو من سيقود السياره ركب قاسم سيارته وقادها بهدوء ثم إلتفت إلى ملك وهو يقول برصانه = عنوان بيتك إيه.. ملك بتوتر خائف = إيه.. قاسم بهدوء وصبر = عنوان بيتك يا مدام ناهد عشان أقدر أوصلك إبتلعت ملك ريقها بتوتر وهي تفكر ان تكذب عليه وتعطيه عنوان خاطئ الا انها تذكرت ان الشركه التي تعمل بها لديها عنوانها الصحيح مع رقم تليفونها وذلك حتى يستدعوها في اي وقت يحتاجوها فيه خارج ساعات العمل لتقرر إعطائه عنوانها الحقيقي حتى لا تثير شكوكه ان اكتشف بأي طريقه انها قد كذبت عليه واعطته عنوان خاطئ عن عمد .. لتبدء في إعطائه العنوان بصوت مغاير لصوتها وهي تشعر بالتوتر والخوف يستولي عليها إبتسم قاسم وهو يقول بهدوء = ياه..هو ده عنوانك..دا انتي ساكنه في مكان بعيد أوي ملك بتوتر وهي تنظر للاسفل و ترفض النظر اليه = بعيد..بعيد عن إيه قاسم و هو يتأملها وهي مازالت ترفض النظر إليه = أقصد بعيد عن مكان الشغل طبعا رفعت ملك عينيها اليه وهي تقول بغضب تولد من شدة خوفها منه = ما أنا قلت لحضرتك اني هركب تاكسي وإنت إلي أصريت توصلن.... الا ان صوتها تلاشى وصمتت وهي تشاهد في عينيه نظره لم تستطع ان تفهمها تلاشت فورا وهو يقول بهدوء وكأنه يمتص غضبها = عندك حق انا فعلا مكنتش اعرف ان عنوانك بعيد كده .. وعشان كده أنا هكلمك بصراحه توترت ملك واستولى الخوف عليها مجددا وهي تتوقع انه قد اكتشف كذبتها الا انه قال بمرح هادئ = في الحقيقه انا ماكلتش حاجه النهارده وحاسس اني جعان جدا وحاسس ان انتي كمان زيي مكلتيش حاجه وعلشان كده تعبتي وببساطه كنت عاوز اقترح عليكي نتغدى سوى نظرت ملك اليه بدهشه غاضبه = ايه.. الا انه تابع وهو يتجاهل غضبها الواضح = طبعا انا اقترحت عليكي الاقتراح ده وانا متأكد انك مش هتفهميني غلط لانك.. يعني قد والدتي في السن وأكيد مش هتشكي في طلبي ده او تفهميه غلط .. ليتابع بمرح وهو يتوقف امام احد المطاعم الفاخره = إتفضلي وصلنا.. نظرت ملك بغضب من نافذة السياره تتأمل المطعم الفاخر لتقول بتوتر =انا.. انا متشكره أوي يا قاسم بيه انا مش جعانه حضرتك ممكن تنزل تتغدى وانا هاخد تاكسي وهاروح قاسم بابتسامه متأنيه =إيه ده إنتي عارفه إسمي كمان كويس دا انا كنت لسه هعرفك بنفسي ارتبكت ملك وهي تقول بتقطع =أصلي .. سمعت..سمعت زمايلي بيقولو اسم حضرتك قدامي ابتسم قاسم بتفهم =اكيد طبعا مكان صغير زي ده لازم كل حاجه بتحصل فيه تبقى معروفه للكل ليتابع بهدوء =طيب يلا اتفضلي معايا علشان نتغدى هزت ملك رأسها برفض =انا قلت لحضرتك اني مش جعانه اتفضل انت قاسم وهو يدير السياره مره اخرى =كده ..يبقى خلاص انتي كده هتضطري تعزميني على الغدا عندك في البيت شهقت ملك بخوف وهي تتخيل رؤيته لطفلها عمر ..هل سينكر ابوته او يؤ"ذيه ويؤ"ذيها انتقاما لما يعتقد انها فعلته بحقه لتقول بتسرع =ايه...لا طبعا مينفعش.. قاسم بقسوه مفاجأه =مينفعش ليه ملك بتقطع متوتر =اصل..اصل انا عايشه مع اختي لوحدينا وميصحش ندخل راجل غريب عندنا رفع قاسم حاجبه بدهشه =حتى لو الحد ده في سن ابنك ملك بارتباك وهي ترفض النظر اليه =اه طبعا حتى لو في سن ابني ميصحش برضه.. قاسم بابتسامه راضيه وهو مازال يقود سيارته =عندك حق ..مينفعش اي راجل غريب يدخل البيت عندك تنفست ملك براحه وهي تراه يقود السياره في اتجاه عنوان مسكنها الا انه توقف فجأه وهو يقول =لحظه واحده هرجعلك حالا .. ليتركها حائره وهي تتابعه يدخل الى احدى البنايات الفخمه ويغيب لعشر دقائق قاومت ملك رغبتها الشديده في فتح باب السياره والفرار بعيدا عنه ليتغلب خوفها عليها فحاولت فتح باب السياره لتجده مغلق اتومتيكيا لتحاول مره بعد الاخرى ان تفتحه الا ان محاولتها بائت بالفشل لتتعالى دقات قلبها بخوف وهي تراه يعود وهو يحمل في يده صندوق ورقي به بعض الشطائر والعصائر والمقبلات ليضعه بجانبها بداخل السياره وهو يقول بأسف وهي تنظر اليه بارتياب =إتأخرت عليكي انا متأسف جدا بس يدوبك عملوا السندوتشات وجبتها وجيت علطول ملك بتوتر =انت كنت قافل باب العربيه عليا ليه قاسم بدهشه أسفه =ايه ده هي كانت مقفوله ..انا متأسف جدا اكيد قفلتها وانا ماشي بحكم التعود.. نظرت ملك اليه بارتياب وهو يتابع بهدوء =عموما الباب مفتوح دلوقتي ..لو عاوذه تنزلي اتفضلي.. ملك بتوتر =لا خلاص انا كنت عاوذه اخرج اقف جنب العربيه اشم هوى لحد ما انت تيجي ابتسم قاسم بتفهم وهو يخرج بعض الشطائر والعصائر و يعطيها لها =طيب اتفضلي كلي وانا هقف أكل بره علشان تاخدي راحتك نظرت ملك للشطائر والعصير لتجدهم الانواع المفضلين لديها لتقول بارتباك =ايه ده.. ابتسم قاسم بهدوء وهو يتأمل ارتباكها الواضح =سندوتشات سي فود وعصير كوكتيل ليشير لطعامه =اصلي طلبتلك زيي و لا تحبي اطلبلك حاجه تانيه هزت ملك رأسها برفض وهي تقول بتوتر وقد شعرت بتشوش رأسها بالاضافه لتشوش مشاعرها التي تسيطر عليها بصعوبه =لا متشكره اوي كده كويس.. ابتسم قاسم وهو يقول بهدوء =انا هقف اكل بره وانتي كلي كويس وبلاش تتوتري اوي كده مفيش حاجه تخوف رفعت ملك وجهها بدهشه اليه وهي تقول بتوتر =تخوف .. وانا هخاف من ايه غادر قاسم السياره وهو يقول بهدوء =أقصد ان مفيش داعي تخافي او تقلقي مني.. علشان يعني انا مديرك اتعاملي معايا عادي زي ما انا بتعامل معاكي تنهدت ملك براحه بعد ان استمعت الى تفسيره ووجدته يغادر السياره ويقف بالخارج.. لتقوم برفع النقاب عن وجهها ومسح العرق الذي يغرق وجهها من شدة توترها وخوفها ثم نظرت للطعام الشهي الموضوع امامها وبدأت بتناول الطعام بدون شهيه الا انها وجدت نفسها تشعر بالجوع الشديد الذي يغذيه توترها وطعم الطعام الشهي لتمر دقائق وتجد انها قد انهت كل الشطائر والعصير وهي تفكر و دون ان تنتبه لتنظر لعلبة الطعام الفارغه وهي تقول باحراج =ياخبر انا خلصت الاكل كله هيقول عني ايه دلوقتي لتستمع الى دقات على نافذة السياره وصوت قاسم يسألها ان كانت انتهت أسدلت ملك النقاب على وجهها بسرعه وهي تقول بتوتر =اتفضل انا خلاص خلصت .. دخل قاسم الى السياره وتناول منها صندوق الطعام الفارغ وألقاه في سلة القمامه الموضوعه بالخارج ثم قاد السياره مره اخرى ملك باحراج =انا متشكره على الغدى الاكل كان حلو أوي .. لتتابع بحرج =انا مش عارفه انا خلصته كله ازاي مع اني في الاول مكنتش حاسه اني جعانه قاسم بابتسامه مرحه =ايه يا مدام ناهد انتي فكراني بخيل ولا ايه..انا جايب الاكل علشان ناكله مش علشان نرميه وعموما يا ستي الف هنا وشفا .. ثم قاد السياره بصمت جعل ملك تشعر بتوترها يقل بالتدريج حتى كاد ان يتلاشى الا انه فاجئها بالقول وهو مازال يقود =انتي عايشه مع اختك لوحدكم ..يعني اسمحيلي اسئل جوزك فين و لا انتي متجوزتيش فركت ملك يدها بتوتر وهي تجيب بصوت منخفض =أنا ..أنا منفصله عن جوزي نظر لها قاسم مطولا ليقول بأسف وبصوت خفيض =هو اللي أكيد خسران.. ليعلو صوته وهو يقول =انا اسف يا مدام ناهد اني سئلت على حاجه متخصنيش الا ان ملك تجاهلت حديثه وهي تقول بتحدي وقد تحكمت غيرتها بها =و انت بقى متجوز و لا منفصل و لا لسه متجوزتش ابتسم قاسم بمرح وهو يرفع يده امام وجهها وتظهر بأصبعه دبله من الفضه العريضه وهو يقول =متجوز طبعا.. نظرت ملك اليه بصدمه وقد تجمعت الدموع في عينيها لتقول بعدم تصديق =إتجوزت.. لتحاول تدارك الامر والحديث مره اخرى الا انها فشلت وهي تشعر بتشنج حنجرتها وهي على وشك البكاء لتسمعه يقول بهدوء وقد تغافل عمدآ عن خطئها =انا متجوز من حوالي سنتين نظرت ملك له بدهشه وقد ادركت انه يتحدث عنها لتقول بدهشه وتقطع وهي تحاول ايستيعاب معنى حديثه =انت تقصد...قصدي... الا انها تفاجئت به يقف امام منزلها وهو يقول بهدوء =وصلنا.. تلفتت ملك حولها وهي تقول بدهشه =ايه.. اه..انا متشكره اوي على تعبك معايا تأملها قاسم قليلا ثم ابتسم بهدوء =انا معملتش الا الواجب .. ليتابع بجديه =اي حد في مكاني كان هيعمل اكتر من كده بس المهم خدي بالك من نفسك ولو حسيتي انك لسه تعبانه خدي اجازه بكره ليتابع بتحزير جاد =بكره بس الي اجازه يا مدام ناهد والا هتلاقيني واقف على بابك وواخدك للشغل بنفسي نظرت له ملك بدهشه وتوتر وهو يتابع =احنا مش كل يوم هنلاقي موظفه مجتهده ونشيطه زيك هزت ملك رأسها بموافقه ودهشه وهي تراه يغادر السياره ويفتح بابها لها نزلت ملك ومرت من امامه وهي تستنشق رائحته بعمق وكأنها تريد اختزانها داخل رئتيها ثم اسرعت بدخول المنزل قبل ان تنهار في البكاء وقف قاسم يراقب دخولها للمنزل حتى اختفت من امام عينيه ليميل بزاعيه يستند على السياره بتعب وقد انهارت الواجهه المتماسكه التي حاول وضعها امامها حتى لا تخاف وتهرب منه مره اخرى تنهد قاسم بحزن وهو يجبر نفسه على الدخول للسياره والابتعاد بها حتى لا يثير ريبتها وهو يقوم بالاتصال برئيس فريقه الأمني ويعطيه عنوان ملك قاسم بصرامه وجديه شديده =انا عاوز حراسه ومراقبه شديده عليها عاوز اعرف هتعمل ايه قبل حتى ما تفكر تعمله وإعملي تقرير كامل عن الست الي عايشه معاها تبقى مين وعرفتها ازاي وكويسه ولا لا عندها ولاد اد ايه جوزها فين ..عاوز كل حاجه حصلت لها في السنه ونص دول قاضيتهم إزاي واتعاملت فيهم مع مين..كل حاجه و أي حاجه حصلت لها و اي معلومه مهما كانت تافهه انا عاوز اعرفها ثم اغلق هاتفه وركن السياره فجأه جانبا وهو يضع جبهته على المقود ويقول بتعب = يا حبيبتي حتى لما لقيتك مقدرتش اخدك في حضني ولا أطمنك ولا أطمن نفسي انك خلاص رجعتيلي ليتابع بتصميم =بس مش مهم ..المهم انك رجعتيلي من تاني ومهمتي دلوقتي اني أطمنك وأرجع اكسب ثقتك وحبك من جديد ثم قاد السياره مره اخرى وهو يقوم باجراء العديد من المكالمات الهاتفيه لينتهي منهم ويتأمل بعشق صورتها الموضوعه في تليفونه المحمول =انا معاكي يا حبيبتي واحده ..واحده لحد ماثقتك ترجع فيا تاني وانتي الي تعترفيلي ان ناهد دي ملهاش وجود ثم ابتسم و قاد السياره مره اخرى في نفس التوقيت جلست كامله هانم بجوار نيرفانا في غرفة الاستراحه التابعه للجناح الخاص بالانصاري الكبيرفي أحد المستشفيات الخاصه وهي تهمس بجديه بجوار إذنها =دي فرصتك نجاة مديرة الفيلا بلغتني ان الانصاري تعب بعد ما اتخانق مع قاسم علشان عاوزه يتجوز وينسى ملك ويبطل يدور عليها لتتابع بخبث =و إلي أنا متأكده منه ان قاسم استحاله يغامر بصحة جده تحت اي ظرف من الظروف رفعت نيرفانا حاجبها بعجرفه =اه كده انا فهمتك..يعني عوزاني أحط نفسي في الصوره كامله بتأكيد =طبعا والا عاوذه بعد كل التعب الي تعبناه ده قاسم يروح ويتجوز واحده غيرك لتتابع بكراهيه =احنا ما صدقنا ينسى العقربه الي اسمها ملك ويبتدي حياه جديده مع واحده مناسبه له ومن طبقته والواحده دي لازم تكون أنتي لتتابع بغ"ل =فاهمه يا نيرفانا قاسم لو اتجوز واحده غيرك حياتي انا وانتي وحياة العز الي عايشينه هتفضل متهد"ده خصوصا لو ملك ظهرت في الصوره لكن لو اتجوزك وخلفتي له الوريث الي الانصاري هيمو"ت عليه هيبقى ليكي مكانه تانيه خالص لتتابع = مكانه محدش يقدر يهزها ولا حتى قاسم نفسه إبتسمت نيرفانا بعجرفه وهي تتجه الى غرفة الانصاري وهي تقول بثقه =متخافيش يا طنط قاسم مش هيتجوز غيري ولا هيكون له ولاد من حد غيري و دا وعد من نيرفانا هانم الدميري ثم دخلت الى الغرفه لتجد الانصاري الكبير بجانبه ممرضه تعطيه أدويته لتقوم برسم إبتسامه رقيقه على شفتيها وهي تقول برقه =حمد الله على سلامتك يا جدو انا لما عرفت الي حصلك قلقت عليك مو"ت عامل ايه دلوقتي ابتسم الانصاري الكبير بموده =الحمد لله يا بنتي بقيت كويس والدكاتره طمنوني وهخرج النهارده بس مستني قاسم يجي علشان يخرجني دخل قاسم للغرفه فجأه وهو يقول بمرح =وأديني جيت أهوه وخلصت كل الاوراق وهتخرج من هنا حالا ليميل على يد جده يقبلها وهو يقول بحب وإمتنان =حمد الله على سلامتك يا جدي ان شاء الله أزمه ومش هتتكرر تاني ربت الجد على كتف حفيده بحب وهو يقول بجديه =لو عاوذني أقف على رجلي تاني ريحني و إسمع كلامي نظر قاسم لجده وهو يقول بجديه مماثله =حاضر يا جدي هتجوز وهخلف زي ما انت عاوز .. بس على الاقل اديني شهرين اختار فيهم العروسه إلي تناسبني وأجهز نفسي للجواز الانصاري براحه =وانا موافق أستنى شهرين زي ما انت بتقول بس اعمل حسابك مش هستنى عليك اكتر من كده اه انا عاوز اشوف حفيدي بيتنطط حواليا قبل ما امو"ت قاسم بجديه =بعد الشر عليك بلاش تجيب سيرة المو"ت وانا اوعدك مش هحتاج اكتر من شهرين نهض الجد عن الفراش بسعاده وكأن المرض فارقه وهو يقول براحه =يبقى اتفقنا .. روحني على بيتي يلا انا حاسس اني خفيت خلاص ضحك قاسم وهو يحتضن جده براحه في حين ابتسمت نيرفانا بسعاده وهي تعد نفسها لتكون زوجة قاسم المختاره في نفس التوقيت جلست ملك على الفراش وهي تحتضن طفلها وتبكي بخوف في حين ام رجاء تنظر لها بتعاطف =انتي بتعيطي ليه دلوقتي مش قلتي انه شافك واتكلم معاكي ومعرفكيش ملك وقد انهمرت الدموع على وجهها =انا خايفه ..خايفه على نفسي وعلى عمر منه مش عارفه ممكن يعمل ايه لو عرف اني خلفت ولد وكتبته بإسمه من غير ماهو يعرف.. ام رجاء بجديه =وفيها إيه لما يعرف ..هو انتي عملتي حاجه غلط .. ابنه و إتسجل بإسمه إيه الغلط في كده إنسابت دموع ملك وهي تحتضن طفلها برعب وحمايه =مش هيصدق انه ابنه هيفكر انه ابن رأفت هو فاكر اني خنته معاه ام رجاء بحيره =طيب مش يمكن عرف الحقيقه ..انتي مش بتقولي انك سيبتي له ورقه بتقولي له فيها على كل حاجه انسابت دموع ملك وهي تقول بحزن =انا حطيت الورقه تحت مخدته بس بعد الي حصل الاوضه كلها اتكس"رت واكيد الورقه ضاعت وسط الي حصل ومشفهاش لتتابع فجأه بتصميم = أنا مش هروح الشغل ده تاني وهاخد ابني وهمشي من هنا ربتت ام رجاء على كتفها وهي تقول بجديه =بلاش كلام فارغ هتاخدي إبنك وهتروحي على فين ..اهدي كده وفكري كويس..هو لو كان عرفك كان استنى عليكي والا سابك تمشي كده بسهوله..وبعدين انتي وشك متغطي وصوتك واسمك متغيرين ده غير وشك الي مغيره ملامحه بالبتاع ده الي بتحطيه عليه لتتابع وهي تمسح دموع ملك بحنان =وبعدين كل الي حواليكي عارفين ان اسمك ناهد وعندك فوق الستين سنه يبقى خايفه من ايه..يلا شيخه قومي واطردي الوساوس دي من دماغك مسحت ملك دموعها وهي تحتضن طفلها بحنان وعقلها يفكر في مهرب من ورطتها الحاليه ليرتفع فجأه رنين جرس باب الشقه نظرت ملك لإم رجاء وهي تحتضن ابنها برعب =قاسم ..اكيد قاسم جه علشان اكتشف حقيقتي خدي..خدي عمر خبيه مش مهم انا ..المهم ميوصلش لعمر و يئذيه ربتت ام رجاء على كتف ملك مهدئه =اهدي يا بنتي مش كده متخافيش دا تلاقيه حد من الجيران عاوز حاجه لتتابع بحنان =خليكي انتي هنا متخرجيش وانا هشوف مين ثم غادرتها للخارج احتضنت ملك طفلها النائم برعب وهي تحاول الاستماع لما يدور في الخارج وانتظرت دقائق حتى دخلت ام رجاء لها مره اخرى وهي تقول بدهشه =في دكتور وممرضه بره جايين علشان يكشفوا عليكي ..بقولهم احنا مطلبناش دكاتره ومعندناش عيانين قالو ان قاسم بيه الانصاري هو الي باعتهم علشان يكشفو على مدام ناهد نظرت ملك لها بدهشه مماثله =باعت دكتور مخصوص علشان يكشف عليا ..انا مش فاهمه حاجه مطت ام رجاء شفتيها بتعجب =ولا انا فاهمه حاجه..بس قوليلي اعمل معاهم ايه ملك بتوتر =ماشيهم ..قوليلهم اني بقيت كويسه ومش محتاجه دكتور ام رجاء بجديه =ماتخليهم يكشفوا عليكي وخلاص بدل ما ترفضي ونلاقيه داخل علينا بالدكتور شهقت ملك بتوتر وهي تتناول النقاب ترتديه على عجل =لا وعلى ايه دخليهم و خلينا نخلص دخل الطبيب غرفة ملك وطلب منها بعمليه التمدد على الفراش ثم قام بالكشف عليها بدقه شديده ثم اجرى لها عدة تحاليل سريعه بمساعدة الممرضه التي ترافقه ليقول بعمليه =عندك أنيميا شديده يا مدام ناهد وضعف عام وكمان ضغطك واطي اوي وده الي بيسببلك الدوخه ثم ناولها ورقه مطبوعه بها نظام غذائي خاص بمرضى الانيميا وهو يتابع بعمليه =امشي على النظام الغذائي ده وان شاء الله هتتحسني نظرت ملك له بدهشه وهو يغادر دون كتابة اي ادويه لها لتحاول استيقافه الا انه غادر قبل ان تستطيع التحدث معه ملك وهي تحدث ام رجاء بغيظ =ايه الدكتور المجنون ده ..دا مكتبش روشته ولا اي حاجه ام رجاء بمرح =مجنون زي الي باعته.. يلا تعالي هاتي الواد عمر وادخلي ارتاحي انتي شويه احتضنت ملك عمر وهي تقول بحب =لا انا هأكله والعب معاه شويه انا مشفتوش من الصبح ام رجاء براحه =على راحتك انا هروح اعملنا كوبايتين شاي يعدلوا دماغنا ثم تركتها وذهبت للمطبخ تعد الشاي في حين انهمكت ملك في اطعام صغيرها واللعب معه لتمر اقل من نصف ساعه ويرتفع رنين جرس الباب مره أخرى نظرت ملك لإم رجاء بخوف وهي تندفع بابنها تخفيه في الداخل ليرتفع صوت ام رجاء تقول بمرح وهي تغلق باب الشقه =تعالي يا ملك متخافيش..دا جوزك باعتلك الدوا الي الدكتور كاتبه ليكي.. نظرت ملك بدهشه للكيس الممتلئ بالادويه الذي تحمله ام رجاء بيدها = باعتلي دكتور مخصوص وبعدها باعتلي ادويه انا مش فاهمه حاجه ام رجاء بمرح وهي تشير لكيس كبير اخر فتحته امامها =ده مش باعت علاج وبس لا دا باعت عسل بالمكسرات و حاجات تانيه عمري ماشفتها ولا اعرف بتتاكل ازاي بس شكلها كلها علشان تعالج الانيميا لتضيف بمرح =بقى بذمتك ده واحد يتخاف منه ..طيب سيبيه وانا أتجوزه ارتفعت ضحكات ملك بالرغم عنها كما ارادت ام رجاء لتصمت فجأه بتوتر وهي ترى رقم غريب يقوم بالانصال بها ملك بتوتر = ألو... لتمنع نفسها من الشهقه بصدمه وهي تستمع لقاسم يقول بهدوء =إزيك يا مدام ناهد عامله ايه دلوقتي ملك بتوتر =الحمد لله بقيت كويسه.. بس.. قاسم بحنان =بس ايه في حاجه مضيقاكي.. ملك وهي تدعي الصرامه =لا بس حضرتك يعني... بعت دكتور وعلاج وأكل وده يعني غريب و ميصحش وانا مش فاهمه حضرتك بتعمل كل ده ليه ابتسم قاسم وهو يقول بجديه مصطنعه = انا هفهمك ..انا عرفت ان انتي ومعظم الي شغالين في الشركه ملكوش ورق ولا حقوق ولا تأمين صحي ولا اجتماعي وانا قررت اني اصلح كل ده وأئمن عليكم زي كل الي شغالين عندي بس على اما ده يحصل مش معقول اسيب واحده زيك من غير كشف ولا علاج لمجرد انها معندهاش تأمين ليتابع بحنان = عرفتي بقى انك ظلماني ابتسمت ملك بالرغم عنها وهي تشعر بالاشتياق اليه يتغلغل داخلها بشده ملك بصوت مرتعش = انا مقصدش..بس انا حسيت انها حاجه غريبه أغمض قاسم عينيه بشوق شديد يستمتع برنين صوتها داخل أذنيه ليقول بصوت عاشق بالرغم عنه = المهم خدي بالك من نفسك وخدي علاجك في وقته مظبوط علشان ترجعلنا الشغل من تاني ..اتفقنا ملك وقد تاهت في اشتياقها اليه لتقول بصوتها الحقيقي وقد نسيت ان تبدله = حاضر ابتسم قاسم بحنان وهو يقول بهدوء = تصبحي على خير يا مدام ناهد ملك بابتسامه حانيه وهي تغلق الهاتف =وانت من أهله لتبتسم بحنان وهي تحتضن الهاتف وتردد بحب =وإنت من أهله يا حبيبي الا انها شهقت برعب =يا نهار اسود هو انا نسيت اغير صوتي وانا بتكلم معاه لتعود وتهز رأسها بنفي =لا طبعا انا اكيد بيتهيئلي من كتر الخوف دا قافل معايا وهو بيقولي تصبحي على خير يا مدام ناهد ..يبقى اكيد انا الي بيتهيئلي اني مغيرتش صوتي لتعود وتجلس بجانب طفلها وهي تقول بنفاذ صبر =انا هسيب كل حاجه على الله وإلي عاوزه هو الي هيكون في نفس التوقي.. استلقى قاسم على فراشه وهو يبتسم بعشق وهو يقول بحنان = المجنونه نسيت تغير صوتها ..هتفضل طول عمرها طيبه ومبتعرفش تغير من طبيعتها مهما حاولت ليتوقف قليلا وقلبه يطالبه ان يذهب من فوره اليها يطلب منها ان تسامحه على كل الاخطاء والخطايا التي قام بها ويأتي بها اليه يزرعها بداخله يحميها ويحبها ويغرقها بعشقه لها وحنانه عليها ويعوضها عن كل الازى الذي تعرضت له في حياتها ليقرر القيام فعلا والتوجه اليها الا انه توقف فجأه وهو يعود ويجلس باحباط وعقله يعيد عليه كل ما تعرضت له من ظلم على يده وعلى يد ابن عمه المجنون ليقرر التريث حتى يحصل على ثقتها وحبها مره اخرى ليرتفع فجأه رنين هاتفه بوجود تقرير وارد اليه فتحه قاسم بلهفه و قد تأكد انه التقرير الذي ينتظره و الخاص بملك لتمر عينيه بلهفه على كلمات التقرير وهو يشعر بالغضب من نفسه لتعرضها لكل هذه الصعاب وهي بعيده عنه الا ان عينيه توقفت بجمود وهو يشعر ان قلبه قد توقف عن النبض من شدة الصدمه عندما ذكر التقرير انها كانت حامل وانجبت طفل صغير أسمته عمر لتتسع عينيه بزهول وهو يشاهد صوره للطفل يتبعها صوره من شهادة ميلاد الطفل و اسمه مكتوب في منتصفها ... (عمر قاسم محمود الانصاري..)..... الفصل السابع عشر أنتفض قاسم واقفآ وهو يتأمل صورة شهادة الميلاد الموجوده أمامه بزهول لتنتقل عينيه بزهول اكبر لصورة الطفل الصغير الزي وبالرغم من صغر سنه الا انه يشبهه في الملامح و كأنه نسخه مصغره عنه قاسم بزهول وغضب وهو يتأمل صورة الطفل الصغير =ابن ..انا عندي ابن ..انا عندي ابن ومعرفش عندي ابن من ملك ومعرفش..ابني ..ابن قاسم الانصاري اتولد وعايش زي اليتيم وانا على وش الدنيا ومعرفش عنه حاجه..أنا هتجنن..دا لايمكن يحصل أبدا ليتابع بغضب حارق وهو يتجه للخارج سريعا وهو يكاد يركض حتى وصل الى سيارته وركبها على استعجال ثم قاد السياره بجنون وهو يكاد يختنق من شدة الغضب =ليه يا ملك ..ليه..للدرجه دي خايفه مني ومعندكيش ثقه فيا..انا عارف اني ظلمتك واتعاملت معاكي بقسوه شديده بس انتي كمان متكلمتيش ..مدافعتيش عن نفسك وسيبتيني اتقطع ما بين قلبي الي بيحبك وعقلي الي رافضك لحد ما وصلنا للي احنا فيه ليقوم بالضر"ب عدة مرات بقوه وغضب على عجلة القياده وهو يقود بسرعه متهوره في اتجاه منزل ملك حتى كادت السياره ان تنقلب به ليتوقف بها جانبا وهو يتنفس بعنف وغضب وهو يمرر يده في خصلات شعره بتوتر شديد = أهدى يا قاسم وفكر كويس قبل ما تعمل حاجه تندم عليها ليتابع وهو يحاول التفكير بهدوء = ملك عملت كده علشان خايفه منك و اكيد بعد كل الظلم الي اتعرضت له في حياتها مبقاش عندها ثقه في حد واكيد فاكره انك مش هتصدق انه يبقى ابنك ولو رحت واجهتها دلوقتي او حاولت تفهمها انك مصدق انها بريئه و ان عمر يبقى ابنك مش هتصدقك ويمكن تحاول تهرب بيه تاني او تتصرف اي تصرف غبي ومتهور يضيعها منك من تاني ثم مد يده واخرج هاتفه المحمول وتأمل بحب وتفكير صورة طفله الصغير وهو يقول بجديه حانيه = متخافش يا حبيبي بابا موجود ومش هيسمح انك تغيب عن عينه تاني او تعيش بعيد عنه ليتابع بتوعد = بس اديني يوم واحد بس و هترجع لمكانك الطبيعي في بيتك وسط ابوك وجدك الي بيحبوك وامك الي هتجنني وانا مش عارف اقرب ولا ابعد عنها من كتر خوفي لفقدها من تاني ليضغط على صوره اخرى وتظهر صورة ملك التي على هاتفه وهو يتأملها بغضب زال بمجرد نظره الى ملامحها الرقيقه ليتابع بتوعد = و انتي حسابك معايا تقل اوي.. كدبك عليا وهروبك مني وتعريض حياتك وحياة ابني للخطر..لا وكمان بتخفي وجوده عني..ماشي يا ملك انا بس صابر لحد ماترجعي لحضني تاني وساعتها لينا حساب مع بعض ثم اغلق عينيه بتعب وهو يرجع بجسده للخلف ويفكر بعمق ثم ابتسم بمكر وهو يتناول هاتفه ويتكلم مع مسئول الانشائات في مجموعته الزي اجاب على الفور على الرغم من تأخر الوقت قاسم بصرامه وجديه وهو يدخل في صلب الموضوع مباشرتآ = اسمع يا حسام في عقار عاوزك تشتريه ومش مهم السعر الي هتدفعه فيه حتى لو وصل تمنه لعشر اضعاف سعره الحقيقي المهم تشتريه ويكون عقد شراه عندي بكره الصبح وتخلي كل السكان منه يعني على بكره بليل بالكتير البيت يبقى خالي من السكان مفهوم حسام بعمليه = مفهوم يا فندم ..بس الاخلا ده المفروض ياخد وقت .. يعني على اما السكان يوفاقو اوضاعهم ويلاقو مكان تاني يسكنو فيه قاسم بصرامه اشد = السكان تتعوض ماديا كويس اوي و بأكتر من الي يستحقوه كمان ووفر لهم مكان يسكنو فيه احسن من الي كانو قاعدين فيه المهم يخلو المكان وبسرعه ليتابع بصرامه = الا شقه واحده ..هديك اسم صاحبتها دي تاخد انزار بالطرد وتخرج من الشقه في نفس اليوم و متعوضهاش لا بفلوس ولا بأي حاجه تانيه ..مفهوم حسام بعمليه = مفهوم يا فندم.. قاسم بتحذير =انا هبعتلك عنوان المكان ومعلومات عنه وزي مافهمتك أهم حاجه عندي كل ده يخلص على بكره بليل و اسمي ميتزكرش خالص يعني محدش يعرف ان انا الي اشتريت البيت ولا اني الي خرجت سكانه منه مفهوم حسام بطاعه = مفهوم يا فندم قاسم بجديه وهو يغلق الهاتف = عرفني الي هيحصل اول بأول وإديني الأوكيه اول ما تنفذ ثم اغلق الهاتف و بعث معلومات العقار لمدير انشائاته ثم أدار السياره في طريقه للعوده للفيلا وكله تصميم على استعادة زوجته وابنه مره اخرى مهما كلفه الامر ليواصل القياده بسرعه وهو يقوم باتصال اخر قاسم بجديه هادئه = ايوه يا جدي انا اسف اني صحيتك من النوم في وقت متأخر كده ليتابع بجديه = انا كنت عاوز أكلمك في موضوع مهم .. .... = لا مينفعش في التليفون انا دقايق وهكون عندك ثم اغلق الهاتف وانطلق سريعا لمقابلة جده الطارئه في الصباح... إستيقظت ملك من النوم فجأه وهي تستمع لأصوات عاليه متداخله تملاء المكان لتتوجه الى النافذه وتفتحها لتشاهد بدهشه كل سكان المنزل يقومون بتحميل أثاثهم على عربات بسرعه شديده ملك بدهشه = هو ايه الي بيحصل ده دخلت ام رجاء عليها الغرفه فجأه وهي تنوح بالبكاء = إلحقيني يا ملك شوفتي الي حصل.. ملك بتوتر وهي تشير للنافذه = في ايه يا خالتي مالك.. وايه الي بيحصل ده جلست ام رجاء على طرف الفراش وهي تض-رب وركيها وتندب = البيت اتباع ..البيت الي متاوينا اتباع ولازم نخرج منه دلوقتي ملك بدهشه = اتباع..اتباع لمين ام رجاء وهي تنوح = اتباع لواحد راجع من الخليج هيهده ويطلع بيه برج ملك بغضب = وحتى لو اتباع مش المفروض يبقى فيه انزار بالأخلا ويدو الناس وقت تدور على مكان جديد تسكن فيه ام رجاء وهي تبكي = احنا ممعناش عقود بندفع ايجار وخلاص وصاحب البيت سايبنا لاننا في مكان متطرف محدش يفكر يسكن فيه وطبعا اول ماجتله فرصه يبيع ..باع علطول وخلص منه.. لتتابع بحسره = والسكان بيقولو الي اشترى البيت عوضهم ووفر لهم مكان تاني احسن من ده يسكنو فيه ملك بدهشه = طيب و احنا ليه معوضناش زيهم ام رجاء وهي تقف بتعب = بيقولو خبط كتير علينا ومحدش فتحله فهو ساب رساله مع السكان انه مسافر وهيرجع بعد شهرين وهيعوضنا زيهم بس بشرط نخرج من البيت النهارده لتتنهد بحسره ودموعها تسيل على وجنتيها = اكيد الدوا الزفت الي بخده ده هو الي خلاني انام زي القتي"له ومسمعش الراجل وهو بيخبط علينا علشان يكلمنا انسابت دموع ملك هي الاخرى وهي لا تعرف الى اين ستذهب بأبنها وبأم رجاء لتقول بغضب من نفسها =وانا كمان مسمعتش حد بيخبط علينا مع اني سهرانه لحد الصبح ماطلع مسحت ام رجاء دموعها وهي تقول بابتسامه مرتجفه = مش مهم دلوقتي الكلام ده المهم نشوف هنتصرف ازاي وهنروح فين لتتابع وهي تربت على كتف ملك بحنان = ونحمد ربنا ان صاحب البيت الجديد قال انه هيعوضنا زي بقيت السكان بس لما يرجع من السفر يعني محتاجين ندبر امورنا شهرين بس وبعد كده امورنا هتتحل .. ملك بحيره = طيب هنروح فين الشهرين دول احنا ممعناش فلوس علشان نقدر نأجر مكان تاني ثم نظرت حولها بحيره = والعفش ده وهدومنا هنوديهم فين جلست ام رجاء على طرف الفراش وهي تقول بيأس = مش عارفه ..مش عارفه هنعمل ايه دا احنا عايشين اليوم بيومه ومفيش معانا حق يوم واحد نقضيه في فندق و لا بنسيون ولا حتى نأجر أوضه فوق السطوح جلست ملك بيأس بجانب ام رجاء وهي تحاول التفكير بيأس وعقلها يعجز عن ايجاد حل ليرتفع فجأه رنين هاتفها الجوال وتظهر عليه نمرة قاسم مما جعل نبضات قلبها تتصاعد بتوتر حاد وهي تجيب على الهاتف بتوتر = ألو... قاسم بهدوء = صباح الخير يا مدام ناهد انا اسف اني بكلمك بدري كده بس كان في موضوع مهم عاوز اتكلم معاكي فيه ابتلعت ملك ريقها وهي تقول بتوتر = موضوع..موضوع ايه.. قاسم بهدوء مخادع = انا تقريبا جنب البيت بتاعك ودقايق وهكون عندك علشان اتكلم معاكي فيه ثم اغلق الهاتف معها بعد تحيتها وتركها وهي تنظر للهاتف بصدمه استفاقت منها وهي تجري بسرعه ترتدي عبائه واسعه ونقابها الاسود على عجل وهي تقول بنفس متقطع =قاسم ..قاسم جاي هنا نظرت لها ام رجاء بدهشه =جاي هنا... جاي هنا يعمل ايه .. ملك بتوتر وخوف =مش عارفه ثم اشارت لعمر النائم ببرائه =خدي ..خدي بالك من عمر و اوعي صوته يطلع بره ثم توجهت للخارج بعد ان تأكدت من اسدال النقاب جيدا على وجهها وهي تشعر بالتوتر الشديد لتمر لحظات وترتفع طرقات هادئه على باب الشقه اتجهت ملك على اثرها الى الباب وفتحته وهي تشعر بالاختناق من شدة التوتر قاسم بهدوء =صباح الخير يا مدام ناهد انا اسف اني جايلك من غير ميعاد ملك بارتباك =لا ابدا مفيش حاجه ..بس انت جاي ليه لتتابع بارتباك =اقصد يعني حضرتك قلت انك عاوزني في موضوع قاسم بابتسامه مقتضبه =طيب تسمحيلي ادخل الاول ملك بارتباك وهي تشير له بالدخول =اه طبعا اتفضل دخل قاسم الى صالة الشقه القديم وهو يدرس المكان بعينيه جيدا ويتحين الفرصه لمشاهدة صغيره قاسم بمكرهادئ =و انا داخل البيت لقيت تقريبا كل الشقق مفتوحه والكل بينزل العفش بتاعه هو في مشكله في البيت ملك وهي تنظر لغرفتها بارتباك =اصل البيت اتباع والسكان بيخلوه للمالك الجديد قاسم ببرائه =اه..يعني انتم كمان هتسيبوا البيت ملك بانكسا"ر =اه احنا هنلم حاجتنا حالا قاسم بهدوء =طيب انا هقولك على الموضوع الي جايلك علشانه ..علشان معطلكيش عن... ليقطع حديثه وهو يعقد حاجبيه بعد ان ارتفع صوت بكاء و صراخ طفل صغير لترتفع دقات قلبه ترقبا وهو يستمع الى صوت طفله الصغير لا انه تحكم في انفعالاته وهو يقول بهدوء =في صوت طفل بيعيط جوه شعرت ملك بالرعب وكأنها ستغيب عن الوعي من شدة الخوف والتوتر لتقول بصوت متقطع مرتبك =دا ..دا.. الا ان قاسم انقذها وهو يقول بهدوء =روحي شوفيه ماله وسكتيه وانا مستنيكي هنا هزت ملك رأسها موافقه وهي تندفع لغرفتها وتشعر ان الكلمات قد فرت منها اغلقت ملك باب الغرفه خلفها وهي تتجه بسرعه الى طفلها الزي تحمله ام رجاء وهي تحاول مراضاته حتى يتوقف عن البكاء بهستيريه حملته ملك سريعا وهي تقول بصوت هامس متوتر خائف =ماله بيعيط كده ليه .. بقلة حيله = بيعيط علشان عاوزك دا غير انه جعان والاكل بتاعه بره .. ملك بخوف وهي تحاول تهدئة طفلها الزي مازال يبكي =قاسم سمع صوته وسئلني عليه ومعرفتش أرد ام رجاء بتوتر =سامحيني يا بنتي ..انا حاولت أسكته بس فشلت مش مبطل عايط زي ما انتي شايفه حاولت ملك اعطاء طفلها لام رجاء مره اخرى الا انه ازداد في البكاء بطريقه غريبه وكأنه يشعر بوجود والده في الخارج ملك بتوتر =معلش يا حبيبي روح لتيته رجاء وانا هرجعلك حالا الا انه ازداد تشبث بها وهو يزداد في البكاء مما جعلها تستسلم وتحمله وهي تضعه على كتفها وتسدل طرحتها الطويله فوقه وتخرج الى الخارج مره اخرى تتبعها ام رجاء التي قررت مرافقتها تحسبا لحدوث اي شئ نظر قاسم بلهفه الى الطفل الزي تحمله ملك فوق كتفها الا انه فشل في رؤيته بسبب الطرحه المسدله فوقه وهي تمرر يدها بحنان فوق ظهره حتى بدء في الهدوء مره اخرى ملك بتوتر = معلش انا اسفه اني اتأخرت عليك قاسم بابتسامه متوتره وعينيه تمر على طفله بلهفه =ولا يهمك ..بس مين الامور الصغير ملك بتوتر وهي تشعر انها تكاد تصرخ بالحقيقه في وجهه =ابني ...اقصد ابن.. لتنقذها ام رجاء وهي تقول بسرعه =تقصد ابن بنتي رجاء ..هي مسافره السعوديه مع جوزها وسايبه ابنها هنا وناهد هي الي بتربيه ومعتبراه زي ابنها بالظبط قاسم بابتسامه قاسيه =أه..طيب خليني اقول انا جاي ليه علشان انا شايفكم مشغولين ليتابع بهدوء =انا كنت جاي اعرض عليكي وظيفه ..وعشان اكون دقيق هي الوظيفه مش هتكون عندي ملك بدهشه =أومال هشتغل عند مين قاسم بهدوء وهو يحكم شباكه حولها =هتشتغلي مع جدي هتراجعي معاه الشغل وترتبي مواعيده وتكتبي التقارير وتراجعيها معاه .. ملك بدهشه =ليه هو جد حضرتك معندوش سكرتيره قاسم بهدوء =لاء طبعا عنده..بس هو في الفتره الاخيره اتعرض لأزمه صحيه منعته يروح الشركه وبيعمل شغله كله من البيت وعشان كده محتاج سكرتيره مقيمه تكون في سنك كده وده طبعا منعا للمشاكل.. يعني محتاجك تقعدي معاه في الفيلا وتساعديه في الشغل لحد ما يتحسن ويقدر يرجع الشغل من تاني ليتابع بثقه =وللاسف سكرتيرته متجوزه و صغيره في السن ومينفعش تقعد معاه ملك بتوتر وخوف =انا اسفه ..بس مينفعش اسيب اختي وعمر لوحدهم... قاسم بصوت واثق =فكري كويس قبل ما ترفضي .. تقدري تاخدي حفيدك واختك معاكي الفيلا كبيره ومريحه وجدي مش هيعترض على وجودهم دا غير اني هديكي مرتب تلات اضعاف مرتبك الحالي وهتقعدي في فيلا الساحل الشمالي يعني ممكن تعتبريها اجازه وشغل في نفس الوقت حاولت ملك الرفض مجددا وهي تشعر بالخوف من عرضه الا ان ام رجاء منعتها وهي تسحبها جانبا وتقول بابتسامه =معلش لحظه واحده يا قاسم بيه ثم همست لها بجديه =وافقي .. ملك بدهشه =ايه.. ام رجاء بجديه =وافقي يا ملك احنا كلها ساعه وهنترمي في الشارع من غير قرش في جيبنا والعرض ده جالنا من السما علشان ينقذنا ملك بهمس خائف =بس انا خايفه..لو عرفني .. ام رجاء مقاطعه =هو لو كان عرفك ايه الي هيسكته لحد دلوقتي ..شيلي الشكوك دي من راسك ووافقي خلينا نلاقي مكان يلمنا قبل منلاقي نفسنا مرميين في الشارع وكلاب السكك بتنهش فينا صمتت ملك وهي لاتعرف كيف تجيب الا ان ام رجاء فاجئتها وهي تقول لقاسم بصوت مصمم =ناهد موافقه يا قاسم بيه ابتسم قاسم بهدوء وهو يتحدث سريعا حتى يقطع السبيل على ملك التي يظهر الرفض على وجهها =يبقى متفقين ..تحبي تبتدي الشغل من دلوقتي والا وراكي حاجه عاوزه تعمليها ام رجاء بصوت متوسل =لو ممكن يعني ..لو ممكن توفر لنا مكان نخزن فيه العفش بتاعنا لحد مانظبط أمورنا قاسم بابتسامه هادئه =لا ابدا مفيش مشكله .. انا هخزنه في اي مخزن من بتوعنا لحد ما تحتاجيهم وهكلم العمال فورا علشان يحملوه ابتسمت ام رجاء في سعاده في حين وقفت ملك وهي تمرر يدها بأليه على ظهر طفلها وعقلها يعمل في كل اتجاه وهي تشعر بالخوف يستولي عليها تدريجيا لتنظر أليا الى باب الشقه وكأنها على وشك الركض بابنها هاربه ليقاطعها قاسم وهو يتابع نظراتها ويدرك ماتفكر فيه =أظن ممكن تيجو معايا عشان تبتدي شغل النهارده ام رجاء باعتراض =طيب والعفش..انا لازم استنى لحد ما اقف مع الناس الي هتشيله احسن يكسرو حاجه قاسم بمكر هادئ =خلاص يبقى مدام ناهد تيجي معايا وتبتدي الشغل وانتي لما تخلصي الي وراكي هبعتلك عربيه تاخدك للفيلا ام رجاء بارتياح =ماشي ..لو كده يبقى كويس ملك باعتراض مرتبك ومتقطع وهي تحتضن طفلها بحمايه =لا طبعا..مينفعش..انا هقعد معاكي ومش هروح في حته من غيرك قاسم بصرامه أخافتها =جرى ايه يا مدام ناهد انا عرضت عليكي شغل وانتي وافقتي عليه ومش فاهم لازمته ايه التردد ده ليتابع بصرامه اكبر =لو مش موافقه على الشغل ياريت تقولي من دلوقتي علشان اقدر اوفر بديل ليكي ابتلعت ملك ريقها بتوتر وهي تنظر لام رجاء بحيره وقد امتلئت عينيها بالدموع لتربت ام رجاء على كتفها بحنان وهي تقول لقاسم الزي يتابع تخبط ملك وحيرتها بألم الا انه يعلم انه لابد ان يقسو عليها قليلا حتى يجبرها على حسم امرها =لا خلاص هي جايه معاك دلوقتي علطول علشان تبتدي الشغل ملك برجاء خائف وهي على وشك البكاء =طيب خلي عمر هنا معاكي .. اغلق قاسم عينيه بألم وهو يشاهد رعبها الواضح على طفلها منه ليقول بصوت مخنوق وهو يحاول السيطره على مشاعره =متخافيش..متخافيش يا مدام ناهد الفيلا فيها مكان مخصص للاطفال وخدامين هياخدو بالهم منه طول ما انتي بتشتغلي وده طبعا لحد الست ام رجاء ماتوصل هزت ملك رأسها موافقه وهي تقول بقلة حيله =طيب انا هدخل اغير هدومي واجهز انا وعمر ابتسم قاسم لها بهدوء وهو يسيطر بصعوبه على مشاعره التي تغلي من شدة الترقب وهو يقترب اخيرا من تحقيق هدفه باسترجاع زوجته وحبيبته وطفله الصغير الى أحضانه من جديد.. مرت دقائق قليله وخرجت ملك التي ترتدي فستان كحلي طويل وواسع وفوقه طرحه سوداء طويله ونقاب اسود يغطي وجهها وهي تحمل طفلها الصغير الذي يرتدي شورت صغير ابيض وفانلة زرقاء عليها صوره كارتونيه مما جعل شكله في منتهى الجمال والبرائه نظر قاسم لطفله بحنان وحب وهو يمنع نفسه بالقوه من الاندفاع اليه و أخذه بين أحضانه ليقول بصوت متحشرج من شدة التأثر =اتفضلوا معايا.. احتضنت ملك ام رجاء مودعه ثم تبعت قاسم ونزلت الى سيارته التي تنتظرهم في الاسفل وجلست في الكرسي الخلفي وهي تتشبث بطفلها لتتفاجأ بقاسم يجلس بجانبها في حين تولى سائقه الخاص القياده قاسم وهو يتأمل طفله بحنان =إسمه عمر.. هزت ملك رأسها بإيجاب دون ان تتحدث قاسم بابتسامه حانيه = تسمحيلي أشيله ملك وهي تحتضن طفلها بحمايه =هو مبيرضاش حد غريب يشيله بيزن و يعيط ومبيسكتش مد قاسم يده يحمل طفله منها وهو يقول بحنان =اسمحيلي أجرب حاولت ملك الاعتراض الا انه كان قد حمل طفله بالفعل واحتضنه بحنان وهو يقبل وجنتيه ويده تمر عليه بحب وكأنه لايصدق انه يحمل طفله بين زراعيه بالفعل سالت الدموع من عين ملك وهي تشاهد قاسم يداعب طفلها وهو يحمله فوق ساقيه في حين ارتفعت ضحكات طفلها بصخب لأول مره ملك بتأثر =دي أول مره اسمعه بيضحك بالشكل ده وميخفش ان حد غريب شايله قاسم وهو يقبل طفله ويداعبه =عشان انا مش اي حد ..انا بابا قاسم بهتت ملك وشعرت بالد"ماء تفر من وجهها وهي تقول بصدمه =ايه.. نظر لها قاسم وهو يبتسم بحنان =اقصد اني زي والده .. ليتابع وهو يضم الصغير اليه بحنان وقد بدء في الاستسلام للنوم =أصلي كان نفسي يكون عندي طفله زيه كده أمور وشقي شعرت ملك بالاختناق بالدموع وهي تقول بتحدي =وإيه إلي منعك ..مش بتقول متجوز قبل قاسم رأس طفله وهو يقول ببرود =مراتي مش موافقه اننا نخلف الظاهر شيفاني مصلحش ابقى أب ملك بدهشه شديده =مراتك مش موافقه..مش موافقه ازاي.. هو انت اتجوزت قاسم بتهكم =ما انا قولتلك ..انا متجوز بقالي سنتين ايه لحقتي تنسي ضيقت ملك عينيها بغضب =اه افتكرت .. قاسم بسخريه خفيه =معلش حكم السن يا مدام ناهد تجاهلت ملك سخريته وهي تقول بغضب اشعله حديثه عنها =طالما نفسك في اولاد اوي كده اتكلم معاها واقنعها لتتابع وهي تضغط على كلامتها بقسوه =اصل اكيد هي عندها اسبابها الي تخليها ترفض تخلف منك يعني مثلا كنت قاسي عليها مش متفهم بتضر"بها او تهينها ويمكن كمان عمرك ما حبيتها قاسم وهو ينظر لها بتحدي =او يمكن هي إلي معندهاش ثقه فيا واسهل حاجه عندها الكدب والهروب و اكيد برضه محبتنيش كفايه علشان تبقى جنبي وتحارب علشاني حتى وانا في اسوء حالاتي ملك باندفاع = لاء طبعا دي بتحبك وبتحبك أوي كمان بس هي اكيد عندها كرامه ومينفعش تتنازل عنها اكتر من كده قاسم بهدوء وانتي ايه الي مخليكي متأكده من كلامك اوي كده ارتبكت ملك وهي تقول بتقطع علشان ..علشان هي مراتك واكيد بتحبك يعني هتتجوزك ليه لو مكنتش بتحبك واكيد انت ظلمتها وعلشان كده رافضه تخلف منك قاسم بسخريه وهو يتغاضى عن اخطائها = عندك حق.. تنهدت ملك وهي تقول بيأس وعينيها ممتلئه بالدموع =هات عمر أنيمه على إيدي بدل ما يتعبك قاسم ببرود وهو يضم طفله بحب اليه =سيبيه نايم علشان ميقلقش ومتخافيش مش هأزيه ولا حاجه نظرت له ملك بتوتر وهو يتابع بتهكم =اقصد مش هيقع مني متخافيش هزت ملك رأسها بتوتر وهي تشعر ببوادر صداع قوي قاسم ببرود وهو مازال يشعر بالغضب منها =حاولي تنامي شويه لسه قدامنا ساعه لحد ما نوصل ملك بغضب طفولي وهي تدير رأسها للجانب الاخر =مش عاوزه انام قاسم ببرود =براحتك ثم تجاهلها واخرج تليفونه المحمول وبدء التحدث به بصوت خفيض حتى لا يقلق طفله نظرت ملك اليه بغضب تلاشى رويدآ رويدآ وهي تتأمل ملامحه بعشق وشوق حتى غرقت هي الاخرى في النوم توقف قاسم عن الحديث في الهاتف وهو يلاحظ استغراقها في النوم ليقوم برفع الحاجز الزجاجي المعتم بينه وبين السائق ويقترب منها بهدوء وهو مازال يحمل طفله النائم فوق ساقيه .. رفع قاسم النقاب بهدوء عن وجهها وهو يبتسم بعشق وعينيه تلتهم ملامح وجهها الجميل وتختزن صورتها بداخل حنايا قلبه المتيم بعشقها ليميل دون ارادته ويطبع قبله رقيقه كالفراشه فوق شفتيها جعلتها ترتجف في نومها ليبتعد بتوتر خوفا من استيقاظها وهو يقاوم انجذابه اليها بشده ويمنع نفسه من التهام شفتيها و تقبيلهم حتى الثماله ليسدل النقاب فوق وجهها بهدوء وهو يحدث نفسه بغضب =اصبر يا قاسم ومتبوظش الدنيا كفايه انها معاك وبين ايديك ومحدش يقدر يبعدها عنك بعد كده ليتابع وهو يتأمل رأسها المستريح على كتفه بحنان =اي حاجه بعد كده انا اقدر استنى و اصبر عليها المهم متبعديش عن عيني تاني ثم مال مره اخرى وقبل اعلى رأسها بحب وهو يقول بتملك =اصبر يا قاسم..اصبر متبقاش طماع كفايه انها بقت جمبك لتمر عليه دقائق وهو يشعر انه في الجنه ومعشوقته وطفله بين زراعيه حتى وصلو الى فيلته في الساحل الشمالي والتي تلتف حولها الحراسه المشدده من كل جانب وقفت السياره امام الباب الداخلي للفيلا البيضاء كالمرمر والتي تعلوها القباب البيضاء التي تلمع في اشعة الشمس كالفضه وتطل على البحر من ناحيه كما يصلها بالبحر ممشي وشاطئ خاص بها ومن ناحيه اخرى تلتف حولها حديقه رائعه من الزهور والاشجار النادره يتوسطها حوض سباحه كبير رائع الشكل في منظر يخطف الانفاس من شدة جماله حمل قاسم طفله الزي استيقظ وقبله بحنان وهو يقول =صح النوم يا عمر بيه ..كل ده نوم ثم قبله في وجنته وهو يقول بحنان يلا بينا نصحي ماما قبل قاسم اعلى رأس ملك بحنان ثم ابعدها عن كتفه وهو يقول برقه =ملك..ملك اصحي يا حبيبتي علشان وصلنا فتحت ملك عينيها بتعب والنعاس مازال مسيطر عليها وهي تتأمل وجه قاسم بابتسامه حالمه ..انقلبت الى هلع وهي تعتدل في جلستها ويدها تتحسس النقاب بلهفه تتأكد من وجوده على وجهها لتتنهد براحه وهي تقول بتوتر =هو احنا وصلنا قاسم بابتسامه هادئه =ايوه وصلنا ..يلا علشان اعرفك على جدي ملك بتوتر =قاسم بيه ..هو حضرتك.. يعني .. رفع قاسم حاجبيه باستفهام لتقول بسرعه حتى لا تخونها شجعاتها اقصد ..وانت .. يعني بتصحيني من النوم كنت بتقولي ايه تأملها قاسم قليلا ببرود وهي تشعر بتوترها وخوفها يتزايد حتى كادت ان تختنق من شدة الخوف ليجيب ببرود وهو يخرج من السياره ومازال يحمل طفله الصغير بين زراعيه =كنت بقول اصحي يا مدام ناهد علشان وصلنا..ليه فيه حاجه ابتلعت ملك ريقها وهي تتنفس براحه مره اخرى =لا أبدا مفيش حاجه لتحدث نفسها بضيق =جرى ايه يا ملك اثبتي كده وبطلي جنان هتكشفي نفسك بخوفك ده ثم تبعته بسرعه وهي تكاد تركض خلفه ووجدته يتحدث في الهاتف وهو يقول بهدوء =خلاص ياجدي توصل ان شاء الله بالسلامه احنا في انتظارك التفت قاسم لها وهو يقول بهدوء =جدي جاله ضيوف مهمين ومش هيقدر يجي النهارده..بس الصبح هيكون هنا ان شاء الله هزت ملك رأسها بموافقه وهو يتابع =تحبي ترتاحي في اوضتك شويه وبعدها نبتدي الشغل مع بعض طالما جدي مش هنا هزت ملك رأسها برفض وهي تقول بعمليه =لا انا كويسه ياريت نبتدي الشغل علطول لتتابع باحراج =بس بعد اذنك كنت عاوزه كوباية لبن لعمر علشان... قاطعها قاسم بغضب =مدام ناهد اي حاجه تحتاجيها انتي او عمر يا ريت تطلبيها علطول ومن غير كسوف ولا استئذان انتي هنا مش ضيفه نظرت ملك له بدهشه وهي لاتفهم معنى كلماته الا انه تجاهل دهشتها وهو يشير لغرفة الطعام التي تطل على الحديقه عن طريق استبدال الحائط بزجاج شفاف يظهر جمال الحديقه =و دلوقتي اتفضلي ادخلي افطري انتي وعمر وانا هفطر بره ثم خرج سريعا وهو يشعر بالغضب الشديد يستولي عليه وهو يحدث نفسه بغيظ =غبيه .. كل الي هنا ملكها وملك عمر وبتستأذن علشان تاخدله كوباية لبن ليردف بتعب =طيب يا ملك لما اشوف اخرتها معاكي ايه .. لتمر بضع دقائق وتخرج ملك وهي تحمل صغيرها وتجد قاسم يشرب فنجان من القهوه السوداء وهو يقول ببرود =اتفضلي علشان نبدء الشغل ثم مال على طفله يحمله من بين يديها بحنان وهو يقول =اتفضلي اوضة المكتب من هنا ليبدء عمله معها وهو يحمل صغيره فوق ساقيه يلاعبه وهو يملي عليها تعليماته وعينيه تتابع بعشق كل خلجه من خلجاتها حتى مرت اكثر من ساعتين مابين العمل الجاد وملاعبته لطفله وملك تتابع معاملته الحانيه لطفلها بعيون دامعه فهي تتمنى ان تصرخ فيه وتصارحه بهويتها الحقيقيه وبحقيقة انتساب عمر له ليقول قاسم اخيرا =كفايه شغل كده النهارده ولو حابه ترتاحي شويه ..اتفضلي ملك بنفي =لا انا كويسه ومش تعبانه وكنت عاوزه أخد عمر يشوف البحر ..اصل دي هتكون اول مره يشوفه ابتسم قاسم وهو يقول لعمر بمرح =بقى كده اول مره عمر بيه يشوف البحر ليتابع وهو يدغدغه وطفله يضحك بسعاده =طيب خليك هنا دقيقه وراجعلك تاني علشان نوريك البحر ونخليك تعوم فيه كمان ثم ناول طفله لملك وهو يقول بابتسامه مرحه =خليكي هنا انا جاي حالا ليصعد للاعلى سريعا وملك تنظر اليه بدهشه لتمر دقائق قليله ويعود وهو يرتدي شورت سباحه اسود يبرز عضلات جسده القويه ليميل على ملك التي اصطبغ وجهها باللون الاحمر القاني من شدة الخجل يتناول منها طفله وهو يقول بمرح =طبعا انت مفيش عندك مايوه يا عمر بس مش مهم المره دي تعوم من غير مايوه وبكره الصبح يكون عندك دستة مايوهات علشان احنا هنعوم مع بعض كتير أوي ثم اصطحبه للشاطئ الخاص به تتبعه ملك التي جلست على كرسي صغير تتابعهم بسعاده وشوق وقاسم يلاعب صغيرها في الماء وهو يحمله بحمايه في حين انطلقت ضحكات صغيرها تملاء المكان من حولهم بالسعاده لتنساب دموعها بالرغم عنها وهي تتمنى ان تكون برفقتهم ..تتمنى ان يعرف قاسم ان من يحمله هو ابنه ومن د"مه وانها لم ولن تخونه ابدا خرج قاسم من الماء وهو يحمل طفله في حين لفته ملك بمنشفه صغيره وهي تبتسم =عمر النهارده لعب كتير اوي واكيد هينام علطول قبل قاسم وجنته وهو يقول بحنان =خلينا ندخل جوه علشان الجو ابتدى يضلم دخلت ملك معه الى داخل الفيلا وقاسم يقول تعالي اوريكي اوضتك علشان ترتاحي فيها صعدت ملك خلفه وهو يحمل عمر الملفوف في احدى المناشف ثم فتح باب غرفه وهو يقول بهدوء =اتفضلي دي اوضتك دخلت ملك الغرفه وشهقت من شدة جمالها فهي واسعه جدا مفروشه بفرش عصري بلون متدرج من درجات الروز وشرفه واسعه جدا تلتف حول الغرفه كلها تشرف على الحديقه بأزهارها الرائعه والبحر بلونه الفيروزي الصافي والشاطئ ذو الرمال البيضاء الناعمه قاسم بحنان =عجبتك.. ملك برقه ودهشه =دي حلوه اوي وفيها سرير لعمر كمان قاسم بحنان =انا خليتهم يجهزولك العشا اتعشي انتي وعمر وخدي دوش وناموا انتو تعبتوا اوي النهرده سفر وشغل وبحر ملك باعتراض =بس انا كنت عاوزه استنى اختي ام رجاء زمانها على وصول قاسم بأسف =معلش انا نسيت أقولك ..هي هتيجي بكره مش النهارده اصلها اصرت تصرف المعاش بتاعها قبل ما تيجي هنا بتقول خايفه يروح عليها فانا حجزت لها في اوتيل هتبات فيه النهارده وهتبقى هنا على بكره الضهر نظرت له ملك بامتنان =انا مش عارفه اشكرك ازاي على كل الي عملته معايا قاسم بهدوء وهو يغادر =انا معملتش حاجه تستاهل انك تشكريني تصبحي على خير اغلقت ملك الباب من خلفه بالمفتاح جيدا وهي تقول بحب =وانت من اهله ياحبيبي ثم خلعت النقاب والملابس الثقيله عنها وهي تتنهد براحه وتقول لطفلها بسعاده =تعالى نشوف بابا قاسم جايب لنا ايه عشا و لا اقولك تعالى ناخد دش الاول علشان نتعشى وننام علطول اصل انا حاسه اني همو"ت من التعب لتحتضن طفلها وتدخل الى الحمام الملحق بالغرفه وهي لا تدرك ان قاسم يجلس في غرفته يتابع كل ماتفعله عن طريق مرأة الزينه المزدوجه الكبيره الموضوعه بغرفتها والتي تظهر لها وكأنها مرٱه عاديه في حين تظهر عنده كل مايحدث بداخل غرفتها دخلت ملك للحمام وهي تقول لطفلها بحنان =وكمان جاكوزي ..قاسم مدلع مدام ناهد خالص ثم ملئت حوض الاستحمام بالماء الساخن واستلقت به وهي تلاعب طغلها وتحممه حتى انتهت وخرجت وهي تلتف بمنشفه عريضه ثم قامت بتلبيس طفلها ثيابه وجلست تأكل وتطعم طفلها وهي تلاعبه حتى انتهت في حين استلقى قاسم على الفراش وهو يراقب ما يحدث في الغرفه الاخرى بابتسامه عاشقه على شفتيه ليبتسم بترقب وهو يراها تشرب كوب من اللبن الدافئ بعد ان ان وضعت طفلها في فراشه بعد ان استسلم للنوم لتشعر هي ايضا بثقل شديد في رأسها وبحاجتها الشديده للنوم حتى انها شعرت انها لاتستطيع النهوض لارتداء ثوب للنوم فارتمت بتعب على السرير وغرقت في نوم عميق.. نهض قاسم فورا واتجه الى المرأه وادخل بعض الرموز السريه فتقوم بالتحرك و تظهر غرفة ملك بالجانب الاخر دخل قاسم للغرفه فقام بحمل ملك ووضعها على الفراش بطريقه صحيحه ثم اتجه لطفله واحكم الغطاء حوله وهو يقبله ويقول بحنان =تصبح على خير يا حبيبي ثم اتجه الى الفراش واستلقى عليه وهو يرفع ملك بين زراعيه ويضمها اليه بحب وحمايه وتملك و يدفن رأسه في عنقها بعشق شديد ليضع شفتيه على شريانها النابض وهو يقول بعشق شديد =نورتي بيتك من تاني يا عشقي ووجعي الي مش عاوزه ينتهي.... ط الفصل الثامن عشر أستيقظت ملك في الصباح وهي تشعر بشعور من الراحه والطمئنينه يغمرها لتبتسم بسعاده وهي تندس أكثر في أحضان قاسم المستيقظ وهو يشعر بالتوتر والقلق يستولي عليه ترقبا لاستيقاظها فهو ومنذ البارحه وهو بين فكرتين تتنازعانه الاولى ان ينسحب الى غرفته ويستمر في مسايرتها في لعبتها حتى تعترف هي وبإرادتها بحقيقة شخصيتها او بمعرفته بشخصيتها الحقيقيه ويقوم بتصفية كل خلافاتهم .. لتنتصر في النهايه فكرة مصارحتها بمعرفته بحقيقة شخصيتها فهو عاشق لها حد الألم ولا يستطيع الابتعاد عنها او عن ابنه والتظاهر انهم غرباء عنه.. ولذلك قام باخراج طفله واعطائه لمربيته لتهتم به حتى يستطيع التفاهم مع ملك دون اي مقاطعه مرر قاسم يده بحنان في خصلات شعر ملك وهو يضمها بتملك اكثر لداخل احضانه ويقرر انه مهما كانت ردة فعلها على اكتشافه حقيقتها فهو سيتعامل معها بكل حكمه المهم عنده انه لن يسمح لها ناهئيا بالابتعاد عنه مره أخرى ليشعر بتوتره يتصاعد بشده وهو يراها تندس اكثر براحه بين احضانه وتفتح عينيها تنظر له بعشق وهي تبتسم بسعاده همهمت ملك برقه وهي تعتقد انها مازالت تحلم =قاسم... ضمها قاسم اكثر اليه وهو يمرريده بحنان في خصلات شعرها يذيحها خلف اذنها وهو يقول برقه =عمر قاسم ودنيته... ابتسمت ملك وهي تمرر يدها على ملامح وجهه بعشق وتستشعر ملمسه تحت اصابعها لتتسع عينيها بصدمه وهي تستوعب انها لا تحلم شعرت بصدمه تستولي عليها وهي تحاول الابتعاد عنه بخوف =دي حقيقه ..انا مش ..مش بحلم التفت يد قاسم حولها تكبلها وتمنعها من النهوض وهو يقول بصوت مهدئ =إهدي يا ملك إهدي يا حبيبتي وخلينا نتكلم حاولت الابتعاد عنه وهي تقول بهيستريه وقد بدأت بالبكاء =انا مش بحلم ..مش بحلم ..ابعد عني..ابني فين ..عمر فين ..انت عاوز مني ايه حرام عليك.. انا معملتش حاجه ضمها قاسم اليه بحنان وهو يقاوم محاولتها للفرار منه ويقول بصوت هادئ يحاول به كسب ثقتها =عمر بخير يا ملك ومع المربيه بتاعته تحت وانا عارف ..عارف انك معملتيش اي حاجه غلط .. ليتابع وهو يقبل اعلى رأسها وهي مازالت تبكي وتحاول مقاومته =اهدي يا حبيبتي و إسمعيني أنا عرفت كل حاجه ومفيش حاجه تخليكي تخافي مني انتي مراتي وحبيبتي وام ابني ودنيتي كلها رفعت ملك عينيها الممتلئه بالدموع اليه وهي تقول بغضب وتحاول تخليص نفسها من بين ذراعيه =كفايه كدب بقى انا مش ملك القديمه الي هتضحك عليها بكلمتين لتتابع بغضب اكبر ودموعها تتساقط بالرغم عنها =اولا انا مش مراتك ..انت طلقتني بعد ما هنتني وضر"بتني وكنت عاوز تمو"تني لتتابع بألم حارق =وعمري ما كنت حبيبتك انت كنت بتكدب عليا و تقول انك بتحبني..بس علشان تزلني و تكمل خطة انتقامك القذ"ره مني لتنتفض وتبتعد عنه وتقف بالقرب من الفراش مستغله صدمته الشديده من حديثها الغاضب وهي تقول بعن"ف =وعمر ..عمر ده ابني ..ابني لواحدي .. انا مش بعتبرك ابوه لاني متأكده انك لو كنت عرفت اني حامل فيه كنت خلتني أجهضه.. ليزداد هطول دموعها وهي تقول بألم =ماهو مينفعش يبقالك ابن من ملك الفقيره كلبة الفلوس زي ماكنت بتقول الي استغلت ابن عمك الملاك وضحكت عليه وخدت فلوسه اغمض قاسم عينيه وهو يستمع اليها بألم ليقول بصوت مضطرب =ملك انا عرفت كل حاجه عرفت كل الي كان بيعمله فيكي الكلب سامح وتعذ"يبه وقذ"ارته وساد"يته المريضه وعرفت حقيقة الي حصل بينك وبين رأفت وفهمت انك كنتي بتحاولي تحميني منه ليتابع بندم =وأسف ..اسف على كل الي عملته معاكي .. اسف على كل لحظة ألم سببتها ليكي وانا ماشي زي الاعمى ورى انتقامي منك... ليتابع بندم قا"تل =انا عارف اني انا كمان ظلمتك وقسيت عليكي بس انا كان عذري اني مكنتش اعرف الحقيقه وانتي محاولتيش تعرفيني حقيقة الي حصل ليكي ضحكت ملك بقسوه =بجد..يعني انت عاوز تقول اني لو كنت حكيتلك كنت هتصدقني.. لتتابع بقسوه ودموعها تتساقط بشده وهي تتزكر كل ماحدث لها على يديه هو وزوجها السابق =كنت هتصدقني .. هتصدق ان ابن عمك الملاك الطيب كان حيوان سا"دي قزر كل متعته في الحياه انه يعزب فيا وبس..كنت هتصدق انه حرامي كان بيسرق فلوسك ويقول انه بيديهم ليا لتتابع بحقد وهي تمسح دموعها بقسوه =والا كنت هتحاول تقت"لني انت كمان زي ماهو حاول يقت"لني قبل كده علشان سري يند"فن معايا وتقدر تحافظ على سمعة العيله الكريمه من الفضايح اقترب قاسم منها وهو يمد يده اليها ويقول بصدمه =انا يا ملك..انا احاول اق-تلك ..دا انا افديكي بروحي انتفضت ملك وهي تبتعد عنه بعنف =كداب وغشاش...انت كداب وغشاش يا قاسم ..كل حكايتي معاك قايمه على الكدب والغش..كدبك انت وغشك فيا .. قاسم بألم =انتي عندك حق يا ملك ..عندك حق تغضبي مني و تتهميني وتقولي كل الي انتي عوذاه ليتابع بغضب مكتوم =بس انا مكنتش اعرف ..مكنتش اعرف اي حاجه من الي الكلب سامح عملها فيكي والا كنت قت"لته بأديا وخدت حقك منه وخلصتك وخلصت العالم كله من شره .. ليتابع بألم =انا اسف يا ملك ..اسف ومش عارف اقول ايه تاني او اعوضك ازاي عن كل الي اتعرضتي له ومملكش غير وعدي ليكي باني هعيش حياتي كلها وانا بحاول اعوضك عن كل الظلم والقسوه الي شفتيها في حياتك نظرت ملك له بقسوه و دموعها تتساقط وهي تنظر بتحدي لملامحه المكسوه بالصدمه والالم والاعتذار =وانا مش قابله اعتذارك ولا اسفك يا قاسم..عارف ليه.. لتتابع بألم =لأنك أذتني..أذيتني اكتر من سامح بكتير..سامح انا كنت بكرهه و عارفه انه عدوي وبتعامل معاه على الاساس ده..لكن انت كنت حبيبي ..حبيبي الي ضحك عليا وفهمني انه بيحبني وطلعني الجنه وقالي هنعيش فيها وفجأه رماني في النار ووقف يتفرج عليا وانا بمو"ت قدامه في اليوم الف مره ومره وهو واقف يستمتع بألمي ودموعي..وده بحجة انه بينتتقم لابن عمه الملاك لتتابع بقسوه =انا مش مسمحاك يا قاسم ومش هسامحك ولا مصدقه كل كلامك الي انت بتقوله دلوقتي ومتأكده انك بتخطط لانتقام جديد لتتابع بصرامه =انا مش مراتك يا قاسم ولا حبيبتك و ولا حتى ام ابنك و مش مصدقه انك اسف وندمان على كل الي عملته فيا قاسم بتعب =بس انا مبكدبش عليكي انا فعلا بحبك وعاوز اعوضك على كل الي عملته معاكي ملك بقسوه =وانا مش مصدقاك ..ومتأكده اني دي لعبه جديده بتلعبها عليا اقترب قاسم منها برجاء =ملك.. ابتعدت ملك عنه وهي تقول بعنف =انا هاخد ابني وهمشي من هنا وانت لو فعلا اسف وعاوز تعوضني زي ما بتقول سيبني امشي و ابعد عن طريقي وعن طريق ابني وإنسانا وسيبنا نعيش حياتنا بعيد عن كل الشر و خطط الانتقام بتاعتك انت وعيلتك جلس قاسم على طرف الفراش وهو يضع رأسه بين يديه بيأس قاتل جعل ملك تشعر بالألم من أجله الا انها تجاهلت ما تشعر به وهي تتجه الى ملابسها تحاول ارتدائها استعدادا لمغادرة المكان لتتوقف وهي تستمع لقاسم يقول بصوت هادئ =انتي عندك حق.. معدش ينفع نرجع لبعض تاني من بعد كل الي حصل بينا وانا موافق على كل طلباتك .. ابتلعت ملك ريقها بألم وهي تراه يقف امامها وهو يقول بألم =أنا هطلقك يا ملك.. لتحاول ملك الاعتراض الا انه اشار لها بالصمت بتعب =انا عارف اني رميت عليكي يمين الطلاق في المستشفى ..بس انا رديتك لعصمتي في نفس اليوم بعد ماهديت وعرفت الحقيقه سالت الدموع على وجه ملك وهي تستمع اليه يكمل بتعب =انا هطلقك وهبعد عن طريقك زي ما انتي عاوزه وهخصص ليكي فيلا انتي وعمر تعيشو فيها ونفقه شهريه مناسبه تقدري تصرفي منها عليه ملك برفض =انا مش عاوزه منك حاجه انا هصرف على ابني لواحدي قاسم بصرامه مفاجأه أخافتها =عمر قاسم الانصاري ابني قبل ما يكون ابنك ونفقته ومصاريفه واجب عليا .. ليتابع بجديه شديده =و ياريت تبطلي نغمة ابني لواحدي دي وخلينا نعمل ترتيبات تخلينا نحافظ عليه ومندخلوش في دوامة المشاكل الي مابينا ملك بغضب =بس انا مش هعيش في اي مكان انت الي دافع تمنه قاسم بجديه هادئه =انتي حره يا ملك ..اعملي الي يريحك بس ابني هيعيش في نفس المستوى الي ابوه عايش فيه ومش هسمح انه يرجع يعيش في جحر زي الي كنتي معيشاه فيه ملك بغضب =يعني ايه مش هتسمح.. دا ابني وانا الي هقرر هيعيش ازاي قاسم بصرامه وهو يتجاهل حديثها =عمر هيعيش في المكان الي انا اختاره واشوفه مناسب له وانتي عندك حريه كامله في انك تعيشي معاه او تعيشي في المكان الي يعجبك نظرت ملك له بغضب وهي تقول =كنت عارفه انك بتمثل عليا الطيبه وان كلامك على انك هتنفذلي كل طلباتي كله كدب في كدب اقترب منها قاسم في حين تراجعت هي بخوف منه حتى اصطدمت بالحائط خلفها ليحاوطها بزراعيه وهو يقول بألم =ملك ارحميني ..انا مقدرش أخسرك وأخسر ابني كمان في وقت واحد.. دا هيبقى كتير اوي عليا الا لو حابه انك تكسريني وتاخدي انتقامك مني انسابت الدموع من عين ملك بالرغم عنها وقد شعرت بط"عنه من الالم في قلبها وهي تستمع اليه يتابع وهو يحتضنها بشده ويدفن وجهه في عنقها =كفايه عليا خسارتك الي حاسس انها هتمو"تني شهقت ملك بصدمه جعلتها تتشبث به بخوف في حين رفع قاسم وجهها اليه يتأمله بعشق واصابعه تمسح دموعها بحنان وهو يهمس امام شفتيها =متعيطيش يا عمر قاسم ودنيته لو الي هيريحك ويسعدك انك تبعدي عني فانا هبعد حتى لو كان في بعدي عنك م*وتي ليعيد احتضانها بشده وهو يدفن وجهه في عنقها يستنشق عبيرها كأنه اكسير الحياه بالنسبه له وهو يقول بعشق جارف =خدي حقك مني وانتقمي لنفسك زي ما انتي عاوزه انا موافق يا ملك طالما ده هيريحك انا عارف اني استحق كل الي هتعمليه و استحق كرهك ليا رفعت ملك وجهها تنظر اليه بضعف وهي تشعر ان روحها معلقه به لتقول بتردد =قاسم ... ابتسم قاسم بحنان وهو يقول برقه واصابعه تمر على ملامح وجهها ترسمها وكأنه يحفر ملامحها بداخل حنايا قلبه =عيون قاسم ملك وهي تنهار في البكاء =أنا مش بكرهك.. ضمها قاسم اليه وهو يقول بتعب =وانا بعشقك ..وهو ده الفرق الي مابينا ليزيد من ضمها اليه وهو يحاول تهدئة بكائها الا انها اذدادت في البكاء وهي تتشبث به ويقوم هو برفعها بين زراعيه و اجلاسها فوق ساقه في حين دفنت هي وجهها في كتفه وهي مستمره في البكاء وهي تستمع اليه يقول بحيره =في ايه يا ملك بتعيطي ليه قولي ياحبيبتي عاوزه ايه وانا هنفذه ليكي فورا.. ليتابع بألم =عاوزاني اطلقك دلوقتي وتمشي وتبعدي عني ..لو ده الي عاوزاه انا هطلقك حالا وهطلب من السواق يوصلك انتي وعمر لفيلتكم الجديده فورا تشبثت به ملك بقوه وبشكل غريزي و التفت زراعيها من حوله تطوقه بشده وهي تريد ان تصرخ انها لاتريد الطلاق ولا تريد ان تبتعد عنه فهي تحبه وتعشقه فهو بمثابة الحياه بالنسبه إليها لكنها تشعر بالالم منه وكبريائها وكرامتها التي اهدرها في السابق تمنعها من التصريح له بما تشعر به في حين شعر قاسم بتشبثها الشديد به عندما ذكر مغادرتها له ليداعب الامل قلبه من جديد وهو يقول بحزر محاولا اكتشاف مشاعرها الحقيقيه نحوه =ملك.. د"فنت ملك وجهها الباكي في عنقه ترفض الرد وهي تتوقع انه سيلقي عليها يمين الطلاق تنفيذا لرغبتها مرر قاسم يده على ظهرها بحنان وهو يقول برجاء زائف يختبر ردة فعلها =ملك انا كنت عاوز اطلب منك طلب وعاوزك تفكري فيه قبل ماترفضي استمرت ملك في دفن وجهها داخل احضانه وهي تستمع اليه بخوف يتابع =انتي عارفه ان جدي قد ايه كان نفسه يكون له حفيد ولما عرف مني عن عمر كان هيتجنن من كتر الفرحه ومنعته بالعافيه من انه يجي هنا بحجة اني عاوزكم تستقرو وتاخدو على المكان في الاول رفعت ملك وجهها تنظر اليه بترقب وهو يتابع بهدوء =هو فاكر اننا رجعنا لبعض وميعرفش حاجه عن المشاكل الي مابينا ملك باعتراض حائر =وانت ليه قلت له اننا رجعنا لبعض ليه مقلتلوش الحقيقه تنهد قاسم وهو يقول بهدوء =كان عندي امل انك ترجعيلي من تاني دا غير ان جدي تعبان ومش هيتحمل يسمع اي اخبار وحشه.. اخر مره عارضته فيها وزعل مني جاتله أزمه قلبيه وكان هيمو"ت فيها شهقت ملك بصدمه وهي تتزكر طيبة وحنان الانصاري الجد وهي تقول بخوف =متقولش كده بعد الشر عليه ابتسم قاسم لها وهو يقول بهدوء =علشان كده كنت عاوزك تأجلي موضوع طلاقنا شهرين بس وتبيني قدامه اننا رجعنا لبعض وأمورنا مستقره ملك بحيره =وليه شهرين ..انا مش فاهمه ماهو بعدها هيعرف اننا سيبنا بعض قاسم وهو يمرر يده على زراعها بحنان =انا في الشهرين دول همهد له اننا رجعنا لبعض بس مرتحناش سوى وهطمنه برضه انه هيقدر يتابع حفيده ويربيه زي ماهو عاوز حتى وإحنا بعاد عن بعض ..لكن لو قولتله دلوقتي ممكن يقلق ويتوتر وده هيأثر على صحته وانتي ميرضكيش كده نظرت ملك له بتردد وهي تشعر انه قدم لها طوق النجاه في حين نظر لها قاسم بأمل وهي تقول بمراوغه وترفض النظر في عينيه =انت عارف اني بحبه اوي وبخاف عليه وعلى صحته زيك بالظبط وعشان كده انا لا يمكن اكون السبب في ضرر له وموافقه على اقتراحك ..بس على شرط بعد الشهرين ما يخلصوا نتطلق علطول ارتفعت ضحكات قاسم وهو يضمها اليه بسعاده مما جعلها تنظر اليه بدهشه =انت بتضحك وفرحان اوي كده ليه.. طبع قاسم قبله عاشقه على جبينها وهو يقول براحه =هكون فرحان ليه..اكيد فرحان علشان اتأكدت انك بتحبي جدي زي ماهو بيحبك بالظبط ثم رفع وجهها الحائر اليه يتأمله بعشق في حين مرت اصابعه بشوق على شفتيها المرتعشتين لتحاول ملك منعه وهي تقول باعتراض واهن وضر"بات قلبها تتصاعد بطريقه مجنونه =لا يا قا... الا انه قاطعها بعشق =ششش احنا هنمضي على الاتفاق بس اقترب قاسم يقبل عنق ملك وهو يقول باسترضاء بعد ساعتين =خلاص يا ملك انا اسف و اوعدك مش هعمل كده تاني الا بموافقتك التفت ملك اليه تنظر له بغضب ووجهها يشتعل بحمرة الخجل =انت بتقول ايه ..احنا المفروض هنتطلق وانت ..انت.. لتصمت وهي لا تستطيع ايجاد الكلمات المناسبه من شدة الخجل مال قاسم عليها يقبل كتفها بحنان =انتي عندك حق يا حبيبتي انا مش هعمل بعد كده اي حاجه تضايقك او تزعلك بس استعدي علشان جدي زمانه جاي نفضت ملك يده عنها وهي تستدير اليه بعن"ف وتقول بغيظ =قاسم انت بتاخدني على قد عقلي صح كل حاجه انا اسف متزعليش هعمل الي انتي عوزاه وفي الاخر بتنفذ الي انت عاوزه نظر قاسم اليها ببرائه وهو يقول بهدوء =انا مش فاهم انتي بتتكلمي عن ايه وان كان على الي حصل بينا فده حصل غصب عني و عنك و اوعدك مش هيتكرر تاني الا بموافقتك نظرت ملك اليه بغيظ وهي على وشك الصراخ من بروده =معتش تقول بموافقتك دي تاني ..الي حصل مابينا ده مش هيتكرر تاني مهما حصل ارجع قاسم خصلات شعرها بحنان خلف إذنها وهو يقول بحب =طلباتك أوامر يا ملك هانم.. بس قومي يلا خدي دش وإلبسي علشان ننزل لعمر نفطر معاه ونستقبل جدي زمانه على وصول شهقت ملك بارتباك =قاسم انا مجبتش غير هدوم مدام ناهد ودي مينفعش اقابل بيها جدك ابتسم قاسم بحنان =ودي تفوتني برضه الدولاب مليان هدوم جديده ليكي لكل الاوقات اختاري الي يعجبك و إلبسيه نظرت ملك اليه بدهشه =انت بقى كنت مستعد ..قاسم انت عرفت اني ملك من امتى ابتسم قاسم بحنان وهو يتوجه لخارج الغرفه حتى يتيح لها الاستعداد بحريه وهو يجيب بثقه =من اول لحظه شفتك فيها.. ثم خرج و اغلق الباب من خلفه وتركها تعاني من الزهول والحيره ارتدت ملك ثوب صيغي اصفر انيق يصل لمنتصف ساقيها و ارتدت حزاء مناسب له ثم تركت شعرها منساب خلفها بحريه ثم وضعت القليل من الزينه على وجهها ووقفت تتأمل صورتها في المرٱه برضا وهي تحدث نفسها بلوم =بلاش تعلقي نفسك بيه اكتر من كده انتي عارفه هو عمل فيكي ايه قبل كده وعارفه ان كل ده ممكن تكون لعبه جديده منه وانتي ضحيته كالعاده ..فوقي يا ملك ثم تنهدت بحيره ونزلت للاسفل لتجد الخادمه تخبرها باحترام ان قاسم ينتظرها برفقة طفلها في الحديقه لتتفاجأ بالانصاري الكبير يجلس ارضا على العشب تحت ظل شجره كبيره وهو يحمل حفيده بسعاده فوق ساقه يلاعبه بحماس و الارض من حوله تمتلئ بالالعاب من كل الانواع وقاسم يجلس بجانبهم ارضا وبجانبه صنيه ممتلئه بمختلف الانواع من الاطعمه الشهيه وقف قاسم واستقبل ملك بترحاب وهو يلف يده حول خصرها وهو يقول بحب =تعالي يا حبيبتي سلمي على جدي اقتربت ملك بتوتر من الجد الجالس ارضا وهي تخشى ردة فعله تجاهها الا انه فاجأها وجزبها اليه يحتضنها وهو يقول بفرح =حمد الله على سلامتك با مرات الغالي ولو اني زعلان منك نظرت ملك اليه باعتذار وهو يتابع =حتى لو الواد ده زعلك المفروض تلجئيلي خصوصا وانتي شايله جواكي اغلى حاجه لعيلة الانصاري .. ليتابع بجديه =انتي غلطي يا ملك انك ملجئتيش ليا وعرضتي نفسك وحفيدي للخطر بس انا مسامحك وعارف الواد ده بيبقى صعب قد ايه لما بيغضب وعشان كده لو في يوم الواد ده زعلك او عمل حاجه تضايقك عرفيني وانا اخد حقك منه تالت ومتلت ومتخافيش انا ضهرك وسندك هنا ليشير لقاسم بثقه =هو يعمل نفسه قوي ومحدش يقدر عليه على اي حد بس لحد عندي ويفضل حفيدي الي ميقدرش يكس"رلي كلمه.. هزت ملك رأسها بموافقه وعينيها ممتلئه بالدموع وهي تشاهد الجد يبتسم بحنان وهو يحمل حفيده مره اخرى بين زراعيه ويطعمه بحنان وسط ضحكات عمر الطفوليه ابتسم قاسم وهو يلف يده حول خصرها يجزبها اليه ويميل يهمس لها وهو يضع الطعام بحنان بين شفتيها =الانصاري الكبير خلاص خدك في حماه يعني لو زعلتك هيعلقني من رجلي على باب الفيلا ضحكت ملك بشده حتى سالت دموعها وقاسم ينظر لها بحنان =بقى بتضحكي ..ماشي يا ملك ..عموما يا ستي انا ممكن ارمي نفسي في النار لو ده هيخليني اشوف ضحكتك الحلوه دي تاني شهقت ملك وهي تقول بخوف =بعد الشر عنك نظر لهم الجد وهو يقول بخبث =بقولك ايه يا عمر بيه ..ايه رأيك تدخل معايا جوه اوريك بقيت اللعب الي جبتهالك حاول قاسم النهوض وحمل عمر عن جده الذي منعه وهو يقول بمرح =انت فاكرني كبرت و عجزت والا ايه سيب عمر ليا وخليك في الي انت فيه انا عاوز حفيد تاني وبسرعه ليتركهم وهو يتجه لداخل الفيلا وهو يحمل حفيده بسعاده ومن يراه يشعر انه صغر عن عمره باكثر من عشرين عاما احمر وجه ملك بشده وقاسم ينظر لها بمرح =تعالي نعوم شويه ملك بارتباك =وعمر... قاسم وهو يلف يده بحنان حول خصرها =عمر مع جدي الي مش هيسمح لحد يقرب منه طول ماهو موجود دا غير ان الداده بتاعته موجوده لو احتاجوها في اي حاجه .. ليقوم فجأه بحملها بين زراعيه والتوجه بها للشاطئ الخاص بالفيلا ملك بارتباك =قاسم انت بتعمل ايه قاسم وهو يندفع بها داخل المياه وهو يحملها =باسمع كلام جدي .. ملك بدهشه وهي تتشبث به بخوف والموج يحيطها بنعومه من كل جانب =كلام ايه انا مش فاهمه انزلها قاسم وسط المياه وهو يحيط خصرها بيده ويقربها من جسده بشده في حين مرت يده الاخرى على بطنها برقه وهو يقربها منه يلتهم شفتيها وهو يقول بشغف =لما يحصل اكيد هتعرفي ..اكيد كلنا هنعرف لتتوه معه في بحور عشقه وحنانه في نفس التوقيت.. وقفت نيرفانا تتحدث في الهاتف مع اخيها وهي تصرخ بغضب هيستيري.. = بقولك رجعو لبعض من تاني وهي معاه في الساحل دلوقتي.. ومش كده وبس لا دي خلفت منه ولد يعني جابتله ولي العهد الي جده كان هيمو"ت عليه .. رأفت بغضب =بنت الكلب كلنا طلعنا خسرانين الا هي فازت بالتورته كلها نيرفانا بغضب حارق =شوفلك صرفه البت دي وابنها لازم يم*وتو ويختفو خالص ..كلم حد من الي تعرفهم هنا يخلصني منهم وانا هدفع لهم اي مبلغ يطلبوه المهم اخلص منهم رأفت بكراهيه =لا الموضوع ده مفيش حد هيخلصه غيري ..انا راجع مصر على اخر الاسبوع جهزيلي انتي الفلوس وسيبي الباقي عليا نيرافانا بغضب =ماشي يا رأفت بس ياريت تصدق في كلامك المره دي ومتعملش زي كل مره رأفت بكراهيه =المره دي غير اي مره ..المره دي هخلص تاري من ملك وقاسم وانهيهم للابد اغلقت نيرفانا الهاتف لتجد كامله هانم تقول بغير تصديق =انتي اتجننتي عاوزه تق-لي ابن قاسم .. نيرفانا بغضب حارق =ايوه هقت"له وهقت"ل امه كمان وهقت"ل اي حد يقف في طريقي ويمنعني من تحقيق هدفي كامله بغضب =ومين الي هيسيبك تعملي كده ابن قاسم ده يبقى حفيدي و الي هيشيل اسم العيله من بعد ابوه والي يحاول يلمس شعره منه انا الي هقفله فاهمه يا نيرفانا نيرفانا بسخريه =لا قلبك طيب اوي وراح فين كرهك لامه والا نسيتي عملتي فيها ايه.. دي حتى زمانها حكت لقاسم كل حاجه وتلاقيه دلوقتي مجهزلك مكانك في دار للمسنين رفعت كامله رأسها وهي تقول بكبرياء =ميهمنيش لو حياتي قصاد حياة حفيدي هختار حياة حفيدي الي بيه جزور العيله هتفضل ممتده وقويه نيرفانا بغضب =انتي باين عليكي كبرتي وخرفتي جزور عيلة ايه الي عاوزه تحافظي عليها ..الواد ده هيمو"ت و أعلى مافي خيلك اركبيه نظرت لها كامله بغضب وهي تخرج من الغرفه وتنزل الى الاسفل =بقى كده يبقى انا هقول لقاسم على كل حاجه وهخليه هو الي يتصرف معا........ الا انها قطعت كلماتها وهي تصرخ برعب بعد ان دفعتها نيرفانا من الخلف بقوه لتتدحرج على الدرج بعنف وتقع اسفله وهي غارقه في د"مائها ونيرفانا تقول بحق"د =قولتلك اي حد هيقف قصادي هق-تله وانتي مصدقتنيش .. لتتابع بسخريه وهي تشاهد الدماء تملاء المكان من حولها =الله يرحمك يا كامله هانم كنتي عاوزه تحافظي على جزور العيله لتتابع بغل والدور عليكي يا ملك انتي وابنك الي بلاتينا بيه..... بقلم زينب مصطفى راقبت ملك بتوتر قاسم الجالس بجانبها في سيارته وهو يتحدث في الهاتف بغضب شديد =يعني ايه ..الاتنين يقعوا من على السلم وفي وقت واحد..دي حاجه ميصدقهاش عقل ليتابع بغضب =حطولي حراسه مشدده على أواضهم في المستشفى انا قدامي نص ساعه و اكون عندكم ثم أغلق الهاتف وتراجع للخلف وهو يمرر يده بغضب في شعره ملك بتوتر =الدكاتره قالولك ايه قاسم بتعب =مرات عمي كامله حالتها حرجه جدا بين الحياه والمو"ت..لكن نيرفانا اصابتها بسيطه مجرد كدمات ليتابع بغضب =انا الي هيجنني ازاي هما الاتنين يقعوا من على السلم و في وقت واحد اكيد فيه حاجه حصلت ربتت ملك على يده بحنان وهي تشعر بالحزن من أجلهم لتقول بحيره =عندك حق هي حاجه غريبه فعلا بس المهم حاول تهدى علشان تقدر تتصرف لتتفاجأ به يضغط على يدها بعن"ف وهو ويقول بصرامه شديده =اسمعيني كويس مش عاوزك تغيبي عن عيني او تبعدي عني مهما حصل ليتابع بغضب =لحد ما اعرف ايه الي حصل بالظبط عاوزك زي ضلي متفارقنيش ..مفهوم ابتلعت ملك ريقها بتوتر وهي تدرك انه على وشك الانفجا"ر من شدة الغضب والتوتر لتقول بطاعه =حاضر.. تنهد قاسم بتوتر وهو يجزبها لجانبه ويده تلتف حول خصرها بتملك تلصقها به وهو يحتضنها بشده وشعور غير مفهوم يعتريه بالخط"ر الشديد وهو يشعر باقترابه منه ولكنه لا يعرف من اين سيأتيه مما يشعره بالتوتر والغضب الشديد .. استكانت ملك صامته في احضانه تشعر بتوتر عضلاته الشديدوهو يحتضنها بحمايه لتتنهد بتوتر وهي تتزكر اصطدامه الشديد مع جده فهو قد رفض مغادرة جده او طفله للفيلا ووضعهم تحت حراسه مشدده وتجاهل معارضة جده الشديده ورغبته في مرافقته للمشفى للاطمئنان على الحاله الصحيه لكامله ثم حرصه على مرافقتها له مع وجود حراسه شديده حولها تنهدت ملك بتوتر وهي تشعر بتوقف السياره لتتفاجأ بقاسم يقول بصرامه اخافتها =مش عاوزك تغيبي عن عيني لاي سبب من الاسباب ..عاوزك تلازميني زي ضلي ..مفهوم.. هزت ملك رأسها بموافقه دون ان تتحدث تنهد قاسم بتوتر وهو يفتح باب السياره يترجل منها ثم ساعدها على النزول ويده تلتف حول معصمها يجزبها نحوه وهو يصعد الى مبنى المستشفى الاستثماري الفخم دخلت ملك برفقته الى قسم العنايه المركزه لتشاهد بتعجب مدير المشفى يهرع مسرعا هو والطبيب المسئول لمقابلة قاسم مدير المشفى باحترام =اهلا وسهلا يا قاسم بيه قاسم بجديه =حالة كامله هانم ونيرفانا إيه تنحنح الطبيب المسئول وهو يقول بعمليه =للاسف حالة كامله هانم خطيره وغير مستقره لان عندها ارتجاج شديد في المخ وكسور متعدده في الجسم دا غير انها فضلت تنز"ف كتير لحد ما إكتشفوا وقوعها من على السلم .. شهقت ملك بألم وهي تتخيل كامله وهي مصابه و تنزف وحيده دون ان يكتشفها احد لتشعر بالتعاطف معها والحزن على ما أصابها على الرغم من كل مافعلته في السابق معها لتنساب الدموع من عينيها بالرغم عنها وهي تستمع للطبيب يتابع =علشان كده احنا دخلناها العنايه المركزه ولو عدت الاربعه والعشرين ساعه الجايه عليها من غير مضاعافات هيبقى فيه امل ان شاء الله انها تتعافى ليتابع بعمليه =اما حالة نيرفانا هانم فهي مطمئنه مجرد كدمات وسحجات بسيطه بس احنا اضطرينا نعطيلها مهدئ ومنوم لانها كانت بتصرخ ومنهاره بطريقه هيستريه ..بس هي فاقت دلوقتي وطلبت انها تشوف حضرتك قاسم بصرامه =انا عاوز اشوف مرات عمي الاول الطبيب باحترام وهو يشير الى اخر الممر =طبعا يا افندم اتفضل من هنا تبعه قاسم ثم التفت فجأه ليشاهد ملك واقفه بتردد لا تعرف هل تتبعه ام تنتظره حتى يفرغ من زيارة زوجة عمه قاسم وهو يشير اليها بغضب =ملك ..تعالي ابتلعت ملك ريقها بخوف ثم تبعته بسرعه وهي تسمعه يهمس لها بغضب شديد ويده تلتف بقسوه حول ذراعها تجزبها نحوه =انا مش لسه قايلك متبعديش عن عيني ايه لحقتي تنسي ملك بتوتر =انا كنت هستناك هنا مش هبعد ولا حاجه. قاسم بهمس غاضب =متخلنيش اندم اني جبتك معايا ..ايدك في ايدي ومتبعديش عني ثم قام بدخول غرفه صغيره برفقتها ارتدو فيها ثياب معقمه مخصصه لزيارة غرفة العنايه المركزه ثم وجههم الطبيب الى غرفة الانعاش المخصصه لكامله هانم.. دخل قاسم الى الغرفه برفقة ملك التي وقفت ترتعش بحزن ودموعها تتساقط بشده وهي تشاهد وجه كامله المتورم بشده و رأسها الملتف بالكامل بالشاش المعقم في حين يتصل بجسدها الواهن والضعيف مجموعه من الخراطيم والابر التي تمدها بالاكسجين والدواء الزي تحتاجه لتستطيع مواصلة الحياه اغلق قاسم عينيه وهو يحاول التحكم بغضبه ثم اتجه الى فراش زوجة عمه يتأملها بحزن ثم انحنى يقبل جبينها برقه وهو يقول بصرامه مفزعه =متخافيش يا مرات عمي انا جنبك وحقك هيرجعلك ثم التفت الى ملك التي تتابعهم ودموعها تسيل بحزن ليهمس لها بغضب =يلا بينا تبعته ملك الى خارج الغرفه وتخلصت من ثيابها المعقمه ثم وقفت بجانبه وهو يتحدث في الهاتف مع جده =ايوه يا جدي حالتها حرجه جدا.. إدعيلها ليتابع الحديث بجديه =نيرفانا كويسه شوية كدمات بسيطه يعني كلها النهارده بالكتير وهترجع البيت من تاني ليصمت قليلا ثم يقول بتحزير =خد بالك انت من عمر ..خليه معاك علطول ومتخرجش بيه بره الفيلا لاي سبب ليتنهد براحه وهو يستمع لجده =كويس انك فهمتني خلي بالك من نفسك ومن عمر ومتقلقش انا مشدد الحراسه عليكم ثم اغلق الهاتف بعد ان ودع جده ملك بتوتر =هو في ايه يا قاسم ..ليه كل الاحتياطات دي وضع قاسم يدها بداخل يده بحمايه وهو يقول بجديه =احساسي يا ملك..احساسي بيقول ان فيه خط"ر وحاجه بتتدبر لينا وانا احساسي عمره ما يخوني ابدا.. ليتابع بغضب حارق =بس امسك بداية الخيط وساعتها مش هرحم اي حد حاول يمسنا بسوء تبعته بصمت وتوتر وهو يدخل الى غرفة نيرفانا بتحفز انتفضت نيرفانا بخوف عند مشاهدتها لقاسم وعينيها تضيق بغضب عند مشاهدتها لملك التي تتبعه لتندفع خارج الفراش فجأه وترمي نفسها بين ذراعيه وهي تحتضنه بشده وترتعش وهي تقول بخوف أجادت تمثيله =إلحقني يا قاسم انا خايفه أوي في حد حاول يقت-لني انا وماما كامله حاول قاسم ابعادها عنه وهو يقول بغضب =حد مين الي حاول يقت"لكم ..اهدي كده و إحكيلي على كل حاجه ارتعشت نيرفانا وهي تنظر لملك بخوف =انا ..انا عاوزه اتكلم معاك لوحدك قاسم بجديه وهو ينظر لملك =ملك مراتي يا نيرفانا ..وأي حاجه هتقوليها هتفضل ما بينا نيرفانا بخوف مصطنع =بس ... قاسم بغضب وقلة صبر =مفيش بس ..احكي يا نيرفانا الي حصل ده حصل إزاي اغلقت نيرفانا عينيها وهي تدعي انها على وشك فقدان الوعي =حاضر يا قاسم بس رجعني لسريري كتمت ملك غيظها وهي تراه يميل عليها ويحملها بين ذراعيه ويضعها بالفراش ثم همست بغيظ =أبو شكلك حتى وانتي تعبانه رخمه وزي اللزقه لتتابع بغيره قاسم وهو يحاول الابتعاد عنها الا انها تشبثت به بقوه وهي تقول برجاء خائف =خليك جنبي متبعدش ..انا خايفه اوي تنهد قاسم بقلة صبر ثم جلس بجانبها على الفراش وهو يقول بغضب مكتوم =احكي يا نيرفانا انا صبري ابتدى خلاص ينفذ ابتلعت نيرفانا ريقها وهي تقول بتوتر =انا كنت ..كنت في أوضتي وفجأه سمعت صوت مكتوم زي مايكون صوت حاجه بتترزع جامد اوي.. لتبدء في تمثيل البكاء وهي تتابع. =خرجت من أوضتي بسرعه عشان اشوف ايه الصوت ده لقيت ماما كامله مرميه على السلم من تحت وغرقانه في د"مها ..جريت عليها علشان احاول الحقها و انا في نص السلم حسيت بحد بيزقني انا كمان وفجأه وقعت وفقت لقيت نفسي هنا .. قاسم بهدوء حزر =وتفتكري مين الي عمل كده نيرفانا وهي تنظر لملك بخوف مصطنع =مفيش حد كان في الفيلا غيري انا وماما كامله والست الي انت بعتها امبارح وقلت انها قريبة ملك .. شهقت ملك بصدمه وهي تسمعه يقول بحزر =قصدك ام رجاء نيرفانا بغضب =ايوه اقصدها هي ..مكنش حد في الفيلا غيري انا وماما كامله وهي والخدم لتتابع بغضب مفتعل =والخدم دول شغالين عندنا بقالهم سنين واستحاله حد فيهم يعمل كده تأملها قاسم وهو يفكر ليقول بهدوء =وهي هتعمل كده ليه هتستفيد ايه ملك بغضب =انتوا بتقولو ايه انتو الاتنين.. انتوا عاوزين تلبسو الست تهمه لتتابع بغضب شديد =ام رجاء استحاله تعمل كده دي ست زي الملاك وبعدين هتعمل كده ليه هتستفاد ايه نظرت لها نيرفانا بكراهيه وهي تلقي قنبلتها الاخيره =أكيد بتنفذ تعليماتك ما انتي عاوزه تخلصي منا.. مش انتي كنتي بتهددي ماما كامله بانك هتقولي لقاسم انها كانت تعرف بإلي كان بيعمله فيكي سامح وسكتت ودارت عليه مش انتي طلبتي منها تمشي وتسيب الفيلا من نفسها بدل ماتحكي لقاسم وساعتها هو اللي هيطرديها بره الفيلا وبره العيله .. لتتابع بحزن مفتعل =لكن طبعا بعد ماهي زهقت من تهديدك ليها وقالتلك انها هتحكيله بنفسها خفتي انها مش هتختفي من حياتك وتمشي زي ما انتي عاوزه قمتي خليتي الكلبه بتاعتك تعمل فيها وفيا كده لتنهار في بكاء مصطنع =حرام عليكي ..انتي ايه معندكيش رحمه نظرت ملك لها ولقاسم الصامت بصدمه =انتي بتقولي ايه انا معرفش اصلا ان ام رجاء عندكم في الفيلا ولا شفت كامله هانم من اكتر من سنه ونص يبقى ههددها إزاي ثم نظرت بغضب شديد لقاسم الصامت بهدوء مريب لتقول بعدم تصديق =انت ساكت كده ليه ..قول حاجه وقفها عند حدها دي بتتهمني انا والست الغلبانه ام رجاء باننا حاولنا نقت-لهم وقف قاسم فجأه وهو يقول لنيرفانا بهدوء وهو يتجاهل ببرود ثورة غضب ملك =متخافيش يا نيرفانا..حق كامله هانم هيرجع وعشان تتطمني انا هسيب حراسه قدام اوضتك ومحدش هيقدر يوصلك غيري نظرت نيرفانا بشماته لملك التي شحب وجهها بشده وهي تنظر بزهول لقاسم لتنفجر بالغضب ودموعها تتساقط =انا مش مصدقه...انت مصدق فعلا الكلام الفارغ الي هي بتقوله نظر لها قاسم وهو يقول بصرامه غاضبه =هو سؤال واحد تجاوبي عليه من غير لف ولا دوران ..كامله هانم كانت تعرف بلي كان بيعمله فيكي سامح وكانت ساكته وبتداري عليه صمتت ملك لتقول بارتعاش =ايوه بس.. قاطعها قاسم بغضب =وليه مقولتليش.. شعرت ملك انها على وشك الانهيار ودموعها تغرق وجهها =علشان ..علشان مكنتش هتصدقني نظر قاسم لها بغضب =وليه دلوقتي عوزاني اصدقك ايه مش خايفه اني ماصدقكيش .. ملك بزهول =تقصد ايه بكلامك ده ..انت فعلا مصدقها.. لتتابع بانهيار وزهول =اكيد دي لعبه جديده انت بتلعبها عليا ..وانا الغبيه الي صدقتك تاني.. قاسم بصرامه =بطلي نواح و دافعي عن نفسك والا متلوميش غير نفسك لما تشوفي رد فعلي ملك بغضب =ايه هتسجني يا قاسم بيه ..اتفضل اطلب البوليس وكل واحد يقول الي عنده قاسم بسخريه قاسيه =انا مبتعاملش مع البوليس.. حقي وحق كامله ونيرفانا هاخده يا ملك وبإيدي فوفري على نفسك البهدله واتكلمي احسنلك .. ليتابع بقسوه شديده تحت نظرات ملك المزهوله ونظرات نيرفانا الشامته =انتي الي اتفقتي مع ام رجاء علشان تعمل كده والا هي الي عملت كده من نفسها..يعني مثلا كانت فاكره انها بكده بتخدمك صرخت ملك فيه بغضب ودموعها تتساقط =انت ايه يا اخي حرام عليك مش كفايه كل الي عملتوه فيا كمان عاوز تسجن ست غلبانه كل زنبها انها وقفت جنبي وأوتني في بيتها بعد ما كنت مرميه في الشارع من غير مكان يئويني لتتابع بألم قاتل ودموعها تتساقط دون ان تستطيع السيطره عليها =اسمع يا قاسم اديني ابني وانا همشي ..همشي ومش هتشوف وشي تاني قاسم ببرود =ابنك..ابنك ده تنسيه خالص وتنسي اسمه كمان ..دا لو عاوزانا نتفاهم ملك بزهول =يعني ايه انساه ونتفاهم على ايه انت اتجننت ..دا إبني ومستحيل افرط فيه منما حصل قاسم ببرود =يبقى انتي كده الي اختارتي.. ومسبتيش قدامي غير حل واحد ليقترب منها بهدوء محاولا اخراجها من الغرفه الا انها نظرت حولها سريعا لتجد مشرط جراحي صغير يستخدم لكسر الحقن موضوع بجانب فراش نيرفانا اخذته ووجهته نحو قاسم تهدده به وهي تقول بارتعاش =ابعد عني يا قاسم احسنلك .. تجاهلها قاسم واقترب منها بهدوء وتراجعت هي للخلف وهي تقول بانهيار =اديني ابني ومش هتشوف وشي تاني علشان خاطري يا قاسم اديني ابني ليتجاهلها ويقترب منها اكثر بهدوء حزر وهي تتابع بانهيار وتوجه المشرط ناحيته بتهديد واهي =بلاش علشان خاطري انا..طيب علشان خاطر جدك او كامله هانم او نيرفانا عشان خاطر كل الي بتحبهم اديني ابني وانا هختفي من حياتك خالص لتشعر فجأه بيأس قاتل وبكراهيه شديده لحياتها بكل مافيها من عزاب وألم وتقرر ان تنهيها ... لتوجه فجأه المشرط الى عنقها تغرسه فيه بعن"ف شديد وهي تنوي قطع شريانها وتغلق عينيها بألم وهي تتمنى ان تنتهي حياتها بكل مافيها من عزاب لتنتشر الد"ماء بغزاره على عنقها وهي تسلم نفسها للمو"ت عله يريحها..... بقلم زينب مصطفى أسفه أوى على التأخير بس كنت تعبانه و لسه تعبانه والله💔

مقالات ذات صلة

رواية ده ح.قي بقلم ندى توفيق

رواية ورد البندر بقلم زهرة الربيع

رواية عطر سارة القسم الاول بقلم شيماء سعيد

ملكتني بنورها

اترك تعليقاً إلغاء الرد