في الجامعة ذهبت فيروز الى الجامعة فهذا يومها الاول تشعر بالرهبة والخوف فهي مثل التائهه لاتعرف شئ ولا تعرف احد الجامعة كبيرة وبها بنات وشباب كثيرون اوصلها عمر للباب وتركها وذهب سألت عن مكان الجدول ونقلته وجدت فتاة تقف بفردها ويبدو على وجهها نفس شعورها اقتربت منها فيروز في هدوء..صباح الخير البنت..صباح الخير فيروز..انتي في سنة اولى البنت..ايوة بتسألي ليه فيروز..اصل بصراحة حاسة اني تايهة ومعرفش حد وحسيت انك زيي فلو مش هيضايق احنا ممكن نتعرف ونبقى مع بعض بدل ما كل واحدة فينا لوحدها
البنت بسعادة..لأ مايضايقنيش دا كنت هروح فيروز..ما دام كدا انا فيروز محمد ومدت يدها مدت البنت يدها..وفاء صلاح الجيار (فتاة ليست جميلة وليس لديها مايميزها غير شخصيتها الطيبة وروحها الحلوة والدها رجل اعمال كبير لديه العديد من الشركات وهي ابنته الوحيدة)تصافحت الفتاتان ومنذ ذلك اليوم نشأت بينهم صداقة ومع مرور الايام والاشهر اصبحوا لا يفترقوا عن بعض واخذت كلا منهم تحكي عن حياتها للاخرى وفاء..انا ياستي وحيدة ماما متوفــ . ــية وانا عايشة مع بابا لوحدنا عندنا اقارب كتير بس بيزورنا في المناسبات بس وكنت ……وسكتت قليلا
فيروز..لو مش عايزة تحكي بلاش وفاء..لأ مش كدا بس انتي عارفة انك اول صاحبة ليا بجد كل اللي عرفتهم كانوا بيصاحبوني عشان مصلحة اللي عايزاني اشغل ابوها ولا اخوها ولا عشان اوصلها معايا ولما تخلص المصلحة تبعد عني انتي اول واحدة تقرب مني من غير ماتكون عايزة من حاجة عشان كدا ان حكيت ليكي عن حياتي ومش هخبي عليكي انا كنت بحب ابن عمي اوي من واحنا صغرين وهو كان بيعاملني عادي بكل ذوق انا كنت بفهم ذوقه معايا على انه بيحبني واتعلقت به اوي بس للاسف بابا عمل حاجة ك.سرت نفسي اوي
فيروز بأستغراب..عمل ايه ادمعت عيناي وفاء..بابا لاحظ تعلقي به وطلب منه انه يتجوزني وهو طبعا مش بيحبني فقال لبابا انه مش هيقدر يتجوزني ف بابا قاله لو اتجوزتها اكتبلك شركة من شركاتي وهو طبعا راح لعمي ومرات عمي وهما يومها جم عندنا البيت وانا طبعا معرفش الحكاية دي كلها فلاش باك *** في فيلا صلاح الجيار دخل اخوه وزوجته وهم في قمة غضــ . ــبهم اخوه..السلام عليكم صلاح..وعليكم السلام اهلا وسهلا اتفضلوا زوجة اخيه..ولا اهلا ولا سهلا اسمع بقى ياصلاح ابعد عن ابني خالص
صلاح بدهشة من كلامها..هو انا عملت ل ابنك حاجة دا ابن اخويا يعني إبني اخوه..بصراحة كدا ابعد عنه انت عايز تضحك عليه وتجوزه بنتك صلاح..وفيها ايه دا المثل بيقول اخطب لبنتك ولا تخطب ل ابنك زوجة اخيه..انت عايز تدبس الولد في بنتك الوحشة اللي انت عارف ومتأكد ان مفيش حد هيتقدم لها وعايز تكتبله شركة من شركاتك وهو اشترى ليك حاجة وانت بتديله شيكولاتة دا جواز يعني عشرة طول العمر يعني هيصحى كل يوم يتصبح بوشها وبعدين هو احنا محتاجين فلوس …..
قاطعتها وفاء التي استمعت الى كل كلمة وشعرت بالذل والاهانة كيف لوالدها ان يفكر هكذا وان يعرضها عليه ويغريه بشركة كي يوافق على الزواج بها)..معلش يا طنط اكيد بابا مكنش يقصد كدا وعلى العموم انا شايفها زي اخويا ولايمكن افكر فيه زوجة عمها..كدا تمام ياحبيبتي ربنا يرزقك باللي يسعدك ونظرت ل زوجها ..يالا بينا خرج عمها وزوجته وانهارت في بكاء مرير ..ليه يابابا تعمل كدا لدرجة دي عايز تخلص مني
احتضنها بشدة..لأ ياحبيبتي والله مش قصدي كدا انا قصدي اطمن عليكي مع واحد اثق فيه انا خايف عليكي خايف امو.ت واسيبك لوحدك من غير راجل يخلي باله منك وقولت ابن عمك كويس وراجل محترم واخلاقه عالية وهو دا الشخص اللي اطمن عليكي معه وفاء بدموع..خلاص يابابا الموضوع انتهى باك*** وفاء..بس ياستي هو دا اللي حصل ومن يومها وانا بتجنب عمي ومراته وابن عمي اتجوز وخلف ولما بيجوا عندنا انا بفضل حابسة نفسي في اوضتي لحد مايمشوا
فيروز..وليه كل دا ماخلاص الموضوع انتهى واهو اتجوز يعني خلاص خلي الامور عادية وفاء..مااكدبش عليكي مش قادرة ابص في وش اي حد منهم صحيح الحكاية عدى عليها سنتين بس انا حاسة انها حصلت امبارح فيروز..انا بقى ياستي وحيدة زيك واحنا ساكنين في منطقة ….وبابا موظف في…….وامي ست بيت وتقدري تقولي اننا مقطوعين من شجرة امي يتيمة كانت عايشة عند عمها وبعد ماجوزها ل بابا خلاص ولاكأنه يعرفها وبابا معندوش اخوات وملناش في الدنيا غير خالتي فاطمة وجوزها عم محسن الله يرحمه وعمر
وفاء..دي خالتك فيروز..لأ دي جارتنا وهي اللي مربياني اصل احنا ساكنين الشقة قدام الشقة ودايما الشقتين مفتوحين ونأكل في مكان مفيش شقتك وشقتي وفاء..الله يابختك دي حاجة حلوة اوي ان يكون في ناس بتحبك كدا وخلاص من غير سبب فيروز..ايوة صح وفاء..بس ايه حكاية عمر بقى فيروز..عمر دا حكاية لوحده انا فتحت عنيا عليه يعني تقدري تقولي كدا اخويا وصاحبي و……..لم تكمل وتقول لها انه حبيبها وخطيبها قاطعها صوت عمر..السلام عليكم فيروز/وفاء..وعليكم السلام فيروز..هو دا ياستي عمر اللي قولتلك عليه
مدت وفاء يدها ..اهلا اتشرفت بمعرفتك عمر..اهلا بيكي الشرف ليا انا ونظر ل فيروز ..يالا بينا فيروز..طب يافوفة يالا سلام وفاء..مع السلامة ظلت تتابعهم حتى اختفوا تماما وقالت..هييييييح دا موز اوي………… توقعاتكم ورأيكم والتفاعل. الفصل العاشر
بعد ان اخذ عمر فيروز وذهبوا جاء يحيى (شاب وسيم شعره اسود عيونة عسلية طويل جسمه متناسق من عائلة كبيرة من الصعيد يدرس معهم في نفس السنة وهو معجب ب فيروز من اول يوم رأها فيه ولاينزل عينه من عليها لكنها لم تنتبه له لكن وفاء فهمت نظراته وحاولت لفت انتباه فيروز له لانه شاب محترم مهذب وعرفت من والدها انه من عائلة كبيرة ولها مكانتها هناك وعندهم شركة كبيرة ولها سمعة طيبة فهي تحب صديقتها وتتمنى لها الخير الإ ان فيروز لم تهتم لذلك)
اقترب من وفاء..السلام عليكم وفاء..وعليكم السلام عامل ايه يظهر على ملامحه الغضــ . ــب ..كويس انتي عاملة ايه وفاء بقلق من شكله..كويسة الحمد لله في ايه مالك شكلك مش طبيعي تنهد بضيق..هو مين اللي فيروز مشت معه دا وفاء بضحك..اه قولتلي بقى انت غيران عليها استشاط غضــ . ــبا من ضحكها..بطلي ضحك ياوفاء وردي عليا مين دا وفاء..بص ياسيدي هي قالت انهم متربين مع بعض وزي اخوها وصاحبها لان طول عمرهم مع بعض يحيى بغيرة ..صاحبها يعني ايه صاحبها
وفاء ..ياعم اهدى شوية يعني صاحبها الجدع اللي دايما معها يخلي باله منها فهمت ياعم وخلي الصعيدي اللي جواك يهدى شوية يحيى وقد هدئ قليلا..اعمل ايه بس بحاول اقرب منها واكلمها وهي ولاهنا دايما بتتكلم معايا بجدية والكلام على قد السؤال مش عطياني فرصة اتكلم معها وافهمها شعوري من ناحيتها وفاء..انت عارف ان فيروز مش بتتكلم مع حد بالعكس انت اكتر واحد بتتكلم معه يحيى..والله انا عارف انها مؤدبة ومحترمة جدا بس انا نفسي تديني فرصة فرصة واحدة بس
وفاء..طب ايه رأيك اكلمها انا واقول لها يحيى..لأ انا عايز اكلمها انا بنفسي من غير وسيط معلش ياوفاء انا اسف وفاء..لا عادي عندك حق هو المفروض ان الحاجات دي بين طرفين بس ربنا يجعلها من نصيبك ويسعدكم بس قولي مش انتم عندكم في الصعيد لازم تتجوز بنت عمك يحيى..ايوة ياختي عندنا العادات دي بس ابويا كبير العيلة وبعدين العادات دي ظالمة للبنت اكتر اما الشاب الموضوع اسهل شوية وفاء بغضــ . ــب..ياسلام ايه الظلــ . ــم دا يعني انت تسيب بنت عمك عادي لو مش عايزها لكن هي ملهاش الحق انها تقول مش عايزاه ايه دا
يحيى..بشويش ياحجة صحتك وانا مالي هو انا اللي حطيت العادات دي وبعدين ياستي احسن حاجة ان بنات عمي اتجوزوا كلهم وانا معنديش اخوات بنات معنديش غير اخويا امجد اكبر مني يعني الموضوع سهل وفاء..كدا تمام بس قولي انت طبعا عارف ظروف فيروز وان والدها موظف على قد حاله تفتكر والدك هيوافق يحيى..انا عارف كل دا وابويا مش بيفكر كدا ابويا اهم حاجة عنده انهم يكونوا ناس طيبين ومحترمين وبعدين الحمد لله احنا عندنا فلوس كتير ودي اخر حاجة ممكن ندور عليها
وفاء..تصدق كدا انا ارتحت اوي يحيى..طب اكلمها امتى وفاء..اصبر شوية لحد ما السنة دي تخلص بدل ما تشغلها عن دراستها يحيى..طب انت قاعدة ولا مروحة وفاء..مروحة السواق جاني من بدري بس قولت اكمل كلامي معاك الاول وانت قاعد ولا مروح يحيى..هروح عايز انام وفاء..طب معاك عربية ولاتحب اوصلك يحيى..لأ معايا عربيتي يالا روحي انتي اتأخرتي على السواق اوي وفاء..ماشي يلا سلام يحيى..مع السلامة ذهب يحيى وركب سيارته وذهبت وفاء وركبت مع السائق ……………. على الكورنيش
يتمشي عمر وفيروز فيروز..غريبة يعني انهاردة جيت تأخدني عمر..ابدا خلصت شغل بدري قولت اعدي عليكي نروح سوا لكن كل يوم بخلص متأخر عشان كدا بقولك روحي بدل ماتقفي تستنيني بس قوليلي هي دي صاحبتك بس معندكيش صحاب غيرها فيروز..لأ وفاء بس انت عارف انا مش بحب كتر الصحاب وفاء بنت كويسة اوي وهادية بنت صلاح الجيار توقف عمر عن المشي ..بنت صلاح الجيار اللي هو صلاح الجيار صاحب الشركات فيروز بأستغراب..ايوة هو انت تعرفه عمر..هو في حد في السوق مايعرفش مين صلاح الجيار
فيروز..سوق ايه هو سوق خضار عمر بضحك..سوق رجال الأعمال ياشاطرة فيروز..اه فهمت عمر لمعت عيونه..بس عارفة دي حتة صدفة زي الفل انها صاحبتك فيروز.بعدم فهم..انت قصدك ايه انا مش فاهمة حاجة عمر..لأ فتحي مخك معايا يعني لو انتي طلبتي منها تشغلني عند ابوها فيروز..لأطبعا انا لايمكن اطلب منها كدا ابدا عمر بضيق..ليه بقى ان شاء الله مش بتقولي صاحبتك فيروز..ايوة صاحبتي وزي اختي ومش بتخبي عليا حاجة بس بردوا لأ وبعدين انت عايز تشتغل عند ابوها ليه ماانت شغال في وظيفة كويسة بمرتب كويس
عمر..لان ياحبيبتي لما اشتغل وانا معايا وسطة ومش اي وسطة دي بنته اكيد هشتغل في وظيفة احسن من اللي انا فيها الف مرة فهمتي فيروز..ايوة فهمت بس بردوا لأ عمر بغضــ . ــب..هو ايه اللي بردوا لأ هو عفريت وطلع عليكي فيروز..لاعفريت ولاحاجة بس هي بتقول اني اول واحدة اصاحبها من غير مااكون عايزة منها مصلحة وبعد كدا اجي اطلب منها وظيفة ليك وبعدين هي نفسيتها تعبانة ومحتاجة صديقة جانبها وانا بصراحة مش عايزة اخسرها
عمر..ليه بقى ان شاء الله دا كله هو انتي هتطلبي منها ايه دي وظيفة ماهم عندهم موظفين كتير هي جات عليا انا وبعدين نفسيتها تعبانة ليه بقى ان شاء الله واحدة زي دي ايه يتعب نفسيتها فيروز..اصل مافيش حد مرتاح في الدنيا دي دار الشغل والتعب لان ربنا قال(وخلقنا الانسان في كبد)وكبد معناها التعب والمشقة والراحة في الجنة عمر بضيق من كلامها..وحياة ابوكي بطلي فلسفة وقولي ايه اللي تعب نفسيتها حكت له فيروز عن قصة وفاء وابن عمها
لمعت عيونه بطمع ..ياابن الفقرية وهو رفض استغربت من طريقته ..ايوة رفض لانه مش بيحبها عمر..حب ايه وكلام فارغ ايه دي شركة كبيرة وليها سمعة كويسة جدا قال مش بيحبها قال ازاي يضيع فرصة زي دي فيروز..هو اصلا مش محتاج فلوس هو غني وابوه كمان غني وامه قالت انها وحشة ومش جميلة عمر..مش جميلة دي شركات ابوها تخليها قمر نظرت له نظرة مطولة فهي بدأت تخاف من كلامه..انت قصدك ايه ان الواحد ممكن يضحي بحبه عشان الفلوس
انتبه لكلامه ..لا طبعا ياقلبي انا بتكلم عن ابن عمها يعني كان هيحصل ايه لو اتجوزها وجبر خاطرها مادام بتحبه وكان استفاد بالشركة فيروز..خلاص مابقاش ينفع الكلام دا دلوقتي هو اتجوز اللي بيحبها وخلف كمان وهي شالته من دماغها عشان كدا بلاش تضغط عليا في موضوع الوظيفة دا ياعمر عشان خاطري مش عايزة وفاء تفهم اني كنت بصاحبها عشان تشغلك ماشي هز رأسه بإجاب ولكن في رأسه الف فكرة وبدأ تفكيره يتشتت فيروز..مالك سكت ليه
عمر..لا ابدا انتي عندك حق وانا عندي وظيفتي ومرتبها كويس(لكن بداخل عقله بيفكر كيف يطلب من وفاء دون ان تعلم فيروز وقال لنفسه..احسن حاجة اقرب منها ونبقى اصحاب وبعدين سهل اطلب منها وهي اكيد مش هترفض دا ممكن تعيني مدير واخذ يتخيل نفسه وهو مدير الشركة ويرتدي بدلة انيقة وراكب سيارة فخمة وهو يجلس في الخلف ويصل الى الشركة واول مايدخل يقف الموظفين لتحيته والكل يحترمه ويهابه)ابتسم على ماتخيله فيروز..انت بتبتسم على ايه عمر ..هااا ابدا ياحبيبتي انا ببتسم ليكي يالا نركب ولاهتكملي مشي نظرت حولها فالكلام اخذهم ووجدت نفسها قريبة من البيت ..يااه هو احنا ماشينا
كل دا لأ نركب ايه بقى خلاص خلينا نكمل مشي عمر..زي ماتحبي بس قوليلي هو انتي كنتي بتكلمي عني مع وفاء فيروز..ايوة عمر..وقولتي ايه فيروز..اصل انا حكيت عن خالتي فاطمة وعمي محسن الله يرحمه وقولتلها عمر دا حكاية لوحده لما سألت عنك وقولت لها اني فتحت عيني عليك وانك دايما معايا اخويا وصاحبي وكنت لسة هقول لها انك خطيبي وحب عمري بس حضرتك جيت وقطعت الكلام بكرة بقى اقول لها رد بتسرع..لأ بلاش تقولي لها
فيروز بأستغراب..لأ ليه بلع لعابه وانتبه لنفسه واندفاعه..انا قصدي عشان متزعلش هي مش مخطوبة ولاحد بيحبها وهي اكيد متأثرة بقصة ابن عمها بس فاهمتي فيروز اه تصدق صح انا مافكرتش كدا بس انت عندك حق خلاص مش هقول ……………. مر شهر وعمر يأتي كل يوم ليجلس مع وفاء وفيروز لكنه يتحدث كثيرا مع وفاء ويتجاهل فيروز ولايتحدث معها في احد الايام جاء يحيى ليجلس معهم يحيى..السلام عليكم ردوا جميعا..وعليكم السلام سلم على وفاء وفيروز ومد يده وسلم على عمر..يحيى الجبالي زميلهم في الجامعة
صافحه عمر..اهلا وسهلا عمر المنشاوي جار فيروز ومتربين مع بعض جلس يحيى بجانب فيروز وعمر لم يهتم واكمل كلامه مع وفاء عن شغله وحياته وهي ايضا تتكلم معه وتهتم بكلامه وبداخلها تعلقت به اما فيروز لا تفهم فيما يفكر عمر ولما يأتي كل يوم كي يتكلم مع وفاء ويتعامل كأنها غبر موجودة معهم حتى عندما يأخذها كي يذهبوا الى البيت لم يعد يتحدث معها ويركبوا من امام الجامعة لم يعد يهتم بها فاقت من شرودها على صوت يحيى..مالك سرحانة في ايه
انتبهت ..لا ابدا مافيش بس محاضرة انهاردة مافهمتش منها حاجة(هي كانت مشتتة الفكر وغير منتبهة للمحاضرة لان عمر كان مع وفاء وقال لها روحي انتي احضري المحاضرة ونظر ل وفاء..خليكي معايا بدل ما اقعد لوحدي استناكم واهي فيروز تبقى تعطيكي المحاضرة ذهبت لكن لم تسمع او تفهم ماقاله الدكتور) يحيى..بس كدا هو دا اللي مضايقك كدا انا ممكن اشرحها ليكي لوتحبي هزت رأسها بالموافقة..معلش هتعبك معايا ونظرت بأتجاه عمر الذي لم يهتم انها تتحدث مع غيره بل يضحك مع وفاء ولم ينظر لها حتى
بدا يحيى يشرح لها وهي احيانا تسمعه واحيانا تنظر لهم اكمل يحيى ونظر لها بحب..ها فهمتي فيروز..ايوة فهمت شكرا يحيى بود..العفو ياستي ومد لها كراسة المحاضرات نظرت للكراسة في يده ثم رفعت راسها ونظرت له..ايه دا يحيى بأبتسامة..انا كتبت المحاضرة ليكي نظرت له بأستغراب..وازاي عرفت اني ماكتبتش المحاضرة يحيى مسح على رأسه وقال بأحراج..اصل بصراحة كنت كل شوية ابص عليكي فلاقيتك مش بتكتبي فكتبتها ليكي اخذتها منه..انا مش عارفة اشكرك ازاي يحيى..ممكن تشكريني لو وافقتي نروح الكافتريا واعزمك على حاجة تشربيها معايا
نظرت لعمر الذي لايعيرها اهتمام فارادت ان تنبه وتثير غيرته..وفاء انا هروح مع يحيى الكافتريا نشرب حاجة تحبي تيجي معنا نظر لها عمر ببرود..لأ روحوا انتو وخلي وفاء قاعدة معايا اتسعت عيناي فيروز بصدمة هي لا تصدق ماسمعته هل ما سمعته صحيح انه تركها تذهب مع شخص غيره فاقت من شرودها على صوت يحيى..يالابينا فيروز..اااه يالا ذهبوا الى الكافتريا وجلسوا على احدى الطاولات يحيى بصوت هادي..تحبي تشربي ايه فيروز..اي عصير ويكون ساقع متلج(فهي تشعر ان الد.ماء تغلي في عروقها فكل مايحدث غريب وتشعر بحرارة شديدة)
يحيى بأستغراب..عصير ساقع متلج ايه دا الدنيا تلج الواحد عايز حاجة سخونة وبطانية ابتسمت على طريقة كلامه..لأ انا حاسة ان الدنيا حر اوي نظر لها فوجد وجهها احمر بشكل مبالغ فيه ..طب بلاش انتي وشك احمر اوي يمكن دا يكون غلط عليكي وتتعبي فيروز بحدة..خلاص مش عايزة حاجة يحيى بقلة حيلة..لأخلاص مش قصدي انا خايف عليكي والله بس براحتك طلب لها العصير وطلب لنفسه قهوة جاءت الطلبات اخذت العصير وشربته مرة واحدة وكأنها تطفئ نا.ر اشتعلت بداخلها
اتسعت عيناه من فعلتها ..انتي كويسة في حاجة هزت رأسها بالنفي..لأ مافيش حاجة اشرب قهوتك عشان عايزة اروح شرب قهوته وهو ينظر لها لايبعد نظره عنها لايريد ان تذهب من امامه فهو سعيد بوجودها معه اكمل قهوته وذهبوا الى حيث يجلس عمر ووفاء نظرت ل عمر..انا عايزة اروح هتروح معايا ولا قاعد نظرت لها وفاء برجاء..خليكي شوية يافيروز عشان خاطري استغربت الهذا الحد تود الجلوس معه ولاتتركه..خلاص خليك انا هروح لوحدي نظر لها بضيق..يالابينا وتحرك هو اولا وهي تمشي خلفه مباشرة تنظر له هذا ليس عمر الذي كان يمشي بجانبها ولا يريد ان تبتعد عنه ويمسك يدها حتى تكون بقربه
خرج من الجامعة واراد ان يوقف تاكسي ليركبوا فيروز..لأ عايزة اتمشى واتكلم معاك تنهد بضيق..زي ماتحبي بدأوا بالمشي وساد الصمت لفترة ليست قصيرة وهي شاردة هل هذا عمر الذي كان لايتوقف عن الكلام معها ومزاحها قطعت فيروز الصمت..انت عايز توصل لأيه نظرلها ببرود..قصدك ايه نظرت له..انت فاهم قصدي كويس تنهد بضيق وقال……….. توقعاتكم ورأيكم
