\
فاروق:اوعى تكون زى البت اللى ملونة وشها بالبوية دى يا جاسر اللى اسمها ايه ……..اه جودة
ضحك الجميع :لايا عمى اسمها جودى …..بس خلاص بقى راحت لحالها الله يسهلها
فاروق:اه…….طيب فين مراتك دى اللى خلتك تنسى الستات دى كلها عاوز اشوفها
جاسر:ثوانى يا عمى اجبها واجيب حنين
قام جاسر الى غرفة حنين وجدسلمى تتحدث مع عمرو بفرحة
سلمى:خلاص يا حبيبى انا هبلغهم واعرفك رايهم …..سلام
جاسر:هااا فى ايه
نظرت لحنين بفرحة :عمرو شاف الاشعة بتاعت حنين وقالى ان العملية بتاعتها سهلة وباذن الله تعملها وترجع توقف تانى
جاسر:بجد يا سلمى
سلمى:اه والله لسه قافل معايا انا كنت اخدت الاشعة من ماما وهو شافها وعرضها على دكاترة كتير وشافوا الحالة قابلة للعلاج
حنين:خايفة ……خايفة اتعلق بامل وارجع تانى زى ما كنت
جلست امامها:حبيبتى ده ربنا موجود قادر يشيفيكى طول ماانتى مصدقة انه بايده وحده الشفا
جاسر:طيب يلا نتكلم تانى عمى عايز يشوفك وانتى كمان يا حنين
سلمى:جاسر هو عمك ده صعب اوى كده …….كلكم خايفين منه
جاسر:حبيبتى تخافى ليه هو صعب شوية بس طيب اوى
حنين:اه والله يا سلمى …..زى بابا الله يرحمه
جاسر:طيب يلا بقى …..غطى شعرك فى ناس بره يلا
خرجوا سويا
وهى تدفع كرسى حنين امامها نظروا اليها جميعا ……..اما حازم شعر بصدمة قوية عندما راها
لم يتخيل ابدا ان تكون هى نظر اليها مرار حتى تاكد ان ماراه صحيحا
نظر اليها فاروق بتمعن عندما اقتربت ……وقف جاسر يضمها بيده :عمى اقدملك سلمى مراتى
فاروق :تعالى يا سلمى
اقتربت منه :اقعدى يا بنتى
نظر اليها مطولا :شبه عمتك يا سلمى …..عمتك نورا …..متعرفيهاش طبعا
سلمى:لا بصراحة اسمع عنها واعرف انى شبهها بس هو حضرتك تعرفها
ادمعت عينيه حاول ان يخفى دموعه :كانت هتبقى ام الواد عماد …..الواد ده واشار الى ابنه
جاسر:معقول يا عمى
انت اتجوزتها
فاروق:لا يابنى الله يرحمها ماتت واحنا مخطوبين ……ماتت فجاة من غير ما تتعب ولا حاجة ……ربنا يديكى طولة العمر يا بنتى …..انتى صورة منها فى كل حاجة حتى لون عنيكى هى بالظبط…..بس اوعى كمان تكونى
زيها فى دماغها الناشفة
جاسر:من الناحية دى اطمئن راسها انشف من الحجر الصوان
حازم بحزن لاحظه جاسر:ازيك يا سلمى ……مبروك
سلمى :الله يبارك فيك يا حازم
حازم:اخبار عمرو ايه .
سلمى :عمرو الحمد لله رجع من السفر من حوالى شهر كده
جلس جاسر بجوارها :على فكرة يا ماما عمرو شاف اشعة حنين وقال انها ممكن تعمل العملية وتمشى تانى
بهيرة:بجد يا جاسر……بجد يا سلمى
سلمى:اه والله يا ماما …..وعرضها على اكتر من دكتوربره وكلهم قالوا انها تقدر تعملها وتمشى وفى دكتور جاى من بره خلال الشهر الجاى مستعد يعملها اول ما يوصل
بهيرة:يااما انت كريم يارب
فاروق:اخوكى دكتور يا سلمى
سلمى:ايوه يا عمو دكتور مخ واعصاب
فاروق :طيب اوضة المكتب فاضية يا جاسر
اندهش جاسر:ايوه يا عمى خير
فاروق:ايه عايز اقعد مع
سلمى شوية ممكن ولا هتغير
نظر اليها بحب :هو اه بغير واوى كمان بس انت حاجة تانية يا عمى
قام متكا على عصاه :تعالى ورايا يا سلمى
امسكت بيد جاسر خائفة فربت على يدها متطمئنا :متخافيش روحى
دخلت معه المكتب وتركوهم جميعا كان حازم ينظر لهم بحزن وهو يرى الحب بينهم كان جاسر يلاحظه ويلاحظ نظراته لها ولكنه كان متاكدا انها رفضته قبل ذلك اى انه ليس بينهم شئ فلما الحزن فى عينيه
بعد حوالى ساعة خرج وفاروق مبتسما مع سلمى واقترب من جاسر :ربنا يباركلك يا جاسر ويهنيكم
نظر اليها بحب واجتمعوا على الغذاء
كان حازم يخطف النظرات بينهم يرى الحب فى اعينيهم فدعا الله لهم بالسعادة اما جاسر كان يشك فى نظراته لها وبدات الغيرة تسرى فى عقله ولكنه كان متاكدا انها تحبه هو
جلسوا سويا يحتاسون الشاى ويضحكون حتى اتى حامد وهانى
حامد:الف حمدلله على السلامة يا حج
هانى:حمد لله على السلامة يا عمى
فاروق:الله يسلمكم ازيك يا حامد ….ازيك يا هانى
حامد:بخير الف سلامة عليك
….ازيكوا يا جماعة …..لاحظ وجود سلمى نظر اليها متفحصا :هو انتى بقى بنت رشدى
نظرت اليه وعلمت انه حامد الذى حاول كثيرا الصاق التهمة بوالدها
سلمى بكبرياء:ايوه انا بنته
حامد:اخبار ابوكى ايه …..سدد فلوسه ولا لسه
نظرت اليه بغضب فاكمل جاسر:يااه يا عمى هو انت متعرفش ولا ايه الفلوس اتسددت من زمان
حامد بغيظ “:وعرف يسدها انا سامع ان ظروفه وحشة اوى
سلمى:حضرتك سمعت مشوفتش واللى بيسمع غير اللى بيشوف
حامد:انا اصلا مش عارف ازاى جاسر يتجوز بنت الراجل اللى قتـ,ـل ابوه مفيش بنات غيرك يعنى
سلمى:انا ابويا اشرف من الشرف والحمد لله ربنانى انا واخواتى احسن تربية ……واظن اى حد يحاول يلفق تهمة زى دى مش هتيجى الا لما يكون عايز يشيل التهمة عنه شخصيا
حامد:قصدك ايه انا مش كده يعنى انا اللى
قـ,ـتلت اخويا
سلمى:انا مجبتش سيرة حضرتك هو انت لاسمح الله بتلفق تهمة ولا حاجة
حامد:ايه يا جاسر ما تلم مراتك بدل ماالمها انا
وقف جاسر امامه بغضب :عمى لازم تعرف انك فى بيتى وانا مسمحش لاى حد مهما كان ان يكلم مراتى ربع كلمة هى مقالتش حاجة غلط انت اخدت الكلام على نفسك ليه
هانى :ايه يا جاسر …هى احلوت فى عينيك لدرجة انك مش شايف الصح فين والغلط فين …..صحيح الحب بيعمل المعجزات بس …..مش شايف انك مزودها اوى
جاسر:اتلم انت وملكش دعوة
هانى:ايه مكسوف ولا ايه ولا هو عمى ميعرفش ان المدام كانت
بتشتغل فى فرقة من اللى بيغنوا
جاسر:دى حاجة متعبش مراتى لانى عارف كويس اخلاقها وعمرها ما عملت حاجة غلط مش بتغنى وبس لا ولا بتركب خيل وبتلعب شيش ولا نسيت
صرخ بهم فاروق :هاا خلصتم ولا لسه
حامد:انت شايف الاستاذ جاسر وعمايله بيتطاول على عمه عشان خاطر واحدة زى دى
جاسر:لحد هنا وكفاية ياعمى اكترمن كده انا مش هسكت
هانى:هتعمل ايه ….هتمد ايدك على عمك عشان خاطر واحدة زى دى بكره تبيعك وتشوف اللى يدفع اكتر زى ماانت دفعت فيها
رفع جاسر يده ليضربه ولكن يد فاروق كانت الاسرع
فاروق:قطع لسانك لما تتكلم على
بنت محترمة وشريفة ومتربية احسن منك ومن اخواتك كلمة زى دى ومتنساش انك فى بيت جاسروبيت جاسر يعنى بيتها وانت هنا ضيف عندها ……اذا كان ابوك معرفش يربيك انا هربيك يا هانى
نظر اليهم بغل وحقد وخرج سريعا خلفه حامد غاضبا
فاروق :حقك عليا يا سلمى ……متزعليش يا بنتى
سلمى بدموع:لاحضرتك مغلطش فيا عشان تعتذر …….ربنا يسامحهم
فاروق :طيب يا ولاد اسيبكم انا وان شاء الله الاسبوع الجاى تكونوا عندى فى المزرعة مفهوم
جاسر:معلش ياعمى خليها الاسبوع اللى بعده عشان سالى عندها امتحانات الاسبوع الجاى
فاروق:صحيح فين البنت دى
نظروا الى بعضهم فقال جاسر:امتحانات
وكده فبتذاكر مع اصحابها
فاروق:خد بالك من اختك يا جاسر ولاد الحرام كتروا الايام دى
جاسر:ربنا يستر ياعمى ……..طيب خليك بايت معانا النهاردة البيت واسع اهوو عشان بس لسه اودامك سفر
فاروق:انت عايز مرات عمك تقتـ,ـلنى ولا ايه ….معلش خليها مرة تانية وزى ما اتفقنا الاسبوع اللى بعد الجاى تكونوا عندى …….يلا سلام
دخل جاسر وسلمى غرفتهم امسك بخصرها يضمها من الخلف:حبيبتى حقك عليامش عايزك تزعلى من الحيوان ده
التفت اليه :انا بس مش فاهمة هما بيعملوا كده ليه
جاسر:مش عارف يا سلمى كل يوم بحس ان عمى حامد كان له علاقة بموـ,ـت ابويا
سلمى:بلاش تسيئ الظن يا جاسر بكره ربنا يظهر الحق وتعرف الحقيقة
جاسر :عارف ايه اللى شغلنى دلوقتى ……سالى
سلمى:مالها
جاسر:مش عارف يا سلمى محيرانى دخولها وخروجها ده وتاخيرها ولبسها كل حاجة قلقانى من ناحيتها
سلمى:ربنا يهديها عن اذنك انا بقى اخد شاور عشان تعبانة اوى ونفسى انام
ضمها اليه :على شرط تنامى فى حضنى
سلمى:احنا قلنا ايه
جاسر:ياستى ……اخدك فى حضنى وانام حرام ولا ايه
ابتسمت له بخجل :لامش حرام
جاسر:خلاص بسرعة بقى على بال مااعمل تليفون
دخلت الحمام وامسك هاتفه :الوو ايوه يا راشد بقولك ايه عايزك تروح وراء سالى
اختى اصل فى واحد بيعاكسها وعايز اعرفه كويس
راشد:تحت امر حضرتك
جاسر:بص هى هتخرج بكره الصبح من البيت خليك وراها خد بالك منها اياك تاخد بالها منك عايزك تعرف راحت فين وكانت مع مين سمعتنى
راشد:تحت امرك من الصبح هكون وراها
انهى المكالمة وخرجت سلمى امامه ترتدى ثوب الاستحمام وتمشط شعرها المبلل
ضمها من خصرها وقبل خدها:تعرفى انك حلوة اوى وخطر اوى
ضحكت بشدة تلتف اليه :طيب حلوة وعرفناها خطر ليه بقى
جاسر:بقولك ايه بلاش الدلع ده انا كده هتهوروهتزعلى منى اروح اخد دش احسن
انهى حمامه ونامت بجواره يضمها لاول مرة منذ
زواجهم احست بالامان معه وان لاشئ فى العالم يساوى احساسها معه
………..
اليوم التالى كان راشد فى انتظار خروج سالى من البيت ذهب ورائها فى كل مكان تذهب اليه وبعد عدة ايام اجرى اتصالا بجاسر
جاسر:ايوه يا راشد
راشد:جاسر بيه الست سالى قاعدة مع شوية شباب شكلهم كده مش مظبوط بيشربوا ولامواخذة يعنى بيشربوا سجاير مش مظبوطة
انفعل جاسر بغضب :انت بتقول ايه وهى فين دلوقتى
راشد:فى مكان كده بيراقصوا فيه ومعاها بنات وشباب كتير بس هى يعنى قاعدة مع واحد لوحدهم
جاسر:راشد خليك وراها وانا جايلك على طول
اجرى اتصالا بسلمى يسال عن سالى اخبرته انها خرجت للمذاكرة مع صديقتها تاكد الان انها تكذب طوال هذه
الفترة
ذهب للعنوان الذى اخبره به راشد دخل المكان وجد الدخان يملا المكان وشباب وفتيات غافلات عن عذاب ربهم يترنحون سكارى بحث عنها وجدها فى غرفة مع شاب فى وضع حميمى احس بانهيار عندما راها جذبها من شعرها يضربها بكل مااوتى من قوة وتركها الشاب وهرب سريعا ظل يضربها ولم يمنعه احد وهى تصرخ وتبكى
خلاص يا ابيه ابوس ايدك خلاص
جاسر:اخرسى خالص يا مجرمة هقـ,ـتلك يا سالى هقتـ,ـلك
ظل يضربها بقدميه ويديه فى جسدها وجهها واركبها السيارة وذهب الى المن\زل …….كانوا يجلسون يضحكون وفجاة دخل عليهم جاسر وهو يدفعها امامه ويخلع حزامه ليضربها بقسوة
جروا
عليها سريعا امسكت بها سلمى :جاسر فى ايه حصل ايه
جاسر:اساليها المجرمة …..اساليها كانت فين …..المتربية
نظرت اليها بهيرة بغض\ب :كنتى فين واخوكى عمل فيكى كده ليه
نظرت اليهم بخو\ف ولم تتحدث انهال عليها بالضرب مرة اخرى بشدةوعصبية وقفت سلمى بينهم ونالت منه ضربات متلاحقة
سلمى:خلاص يا جاسر خلاص بالله عليك
جاسر:خلاص خلاص ايه هقـ,ـتلها والله هقـ,ـتلها المجرمة اللى حطت راسنا فى الطين ……قوليلى حصل بينكم ايه تانى غير اللى اناشفته
سالى بدموع:محصلش حاجة والله ياابيه
صفعها على وجهها :متكذبيش متجبيش سيرة ربنا على لسانك يا حيوانة يا مجرمة .جذبها من شعرها بقوة عملتى
ايه معاه ردى عليا انتى لسه زى مانتى
سلمى:جاسر خلاص عشان خاطرى بلاش ضرب هى هتتكلم
سالى :محصلش والله انا زى ماانا
جاسر:زى ماانتى ازاى بعد اللى شفته ازاى
صفعتها بهيرة :هى دى اخرة التربية ….هى دى اخرة الثقة يا سالى روحى منك لله
تركهم جاسر سريعا وذهب لمكتبه امسكت سالى بسلمى :سلمى هيقـ,ـتلنى حوشيه عنى
ضمتها اليها:خلاص اهدى تعالى معايا
التفا ليدخلا غرفتها صرخ بها جاسر:اقفى عندك
التفوا فوجدوه يمسك مسدسه يصوبه اليهم :انا اغسل عارى احسن ما حد يجى ويذلنى باختى اللى ضيعت شرفها
سالى:والله ما عملت حاجة انا زى
ماانا والله
وقفت سلمى امامه تحميها:جاسر اهدى يا حبيبى هى غلطت وعرفت غلطها
جاسر:ابعدى انتى يا سلمى متتدخليش بينا…..ابعدى
بهيرة تبكى بحسرة على اولادها:عشان خاطرى يا جاسر ……خلاص يا بنى عشان خاطر امك
ادمعت عينيه :انتى متعرفيش كانت بتعمل ايه ……حاجات مينفعش غير واحدة مع جوزها فهمتى ولا لسه
سلمى:هى غلطت وعاقبتها كفاية كده نزل المسدس يا جاسر ابوس ايدك بلاش تهور
جاسر:قلت ابعدى يا سلمى
سلمى:لامش هبعد اهدى ونزل المسدس اول
كل هذا وهى تحتمى بها خائفة حتى دخل هاشم وجدهم كذلك صعق من المشهد :فى ايه جاسر ماسك المسدس ليه
جاسر:اختك المصونة كانت مع واحد فى بيشربوا وكانوا مع بعض يا هاشم افهمها انت بقى
نظر اليها بغضب :انتى عملتى كده بجد
جاسر:انت لسه هتسال …..انا شفتها انا جبتها من حضنه
هجم عليها هاشم يضربها هو الاخر وكانت سلمى مازالت بينهم تحميها منهم حتى ذهب غرفته احضر عصا كبيرة يضربها بها ولكنها لم تتلقى الضربة ولكنها سلمى التى سقطت مغشيا عليها اسرع اليها جاسر
سلمى ……سلمى فوقى…..كده يا هاشم انت ايه يااخى
هاشم:انا اسف مقصدش والله
حملها الى غرفتهم وظل يحاول ايفاقتها حتى فتحت عينيها وجدته امامها
جاسر:ها يا حبيبتى انتى كويسة دلوقتى
امسكت براسها :اه الحمد لله …….سالى فين
جاسر:مش عايز اسمع اسمها كفاية كان ممكن ارتكب جريمة واروح فى داهية بسببها
سلمى:يا حبيبى بعد الشر عليك ……معلش هى غلطت بس اللى انتوا عملتوه كتير برضه
جاسر:كتير كتير ايه دى تستحق المـ,ـوت بس قسما بالله ……لو كان حصل حاجة بينهم لاقتـ,ـلها واقتـ,ـله الكلب الجبان اللى هرب اول ما شافنى
سلمى:ماهى قالتلك محصلش ياجاسر
جاسر:لازم اتاكد
سلمى:وهتتاكد ازاى بقى
جاسر:بكره الصبح هوديها للدكتورة واكشف عليها ولو طلعت بتكدب مش هترجع البيت ده غير وهى ميتة على ايدى
