في اليوم التالي… خرج الطبيب من غرفة حبيبه التي تم نقلها من غرفة العنايه المركزه الى غرفه اخرى بعد تحسن حالتها واستعادة وعيها ..
ثم اقترب من عمر الذي قابله بلهفه..
الطبيب بحرج.. =اسف يا عمر بيه بس هي لسه رافضه ان حضرتك تدخلها.. اغمض عمر عينيه بوجع الا انه قال بهدوء لا يشعر به =مفيش مشكله اهم حاجه عندي صحتها وانها تكون بتتحسن.. الطبيب باحترام
=الحمد لله هي اتحسنت جسديا كتير وان شاء الله كلها يومين تلاته وتقدر تسيب المستشفى
عمر بهدوء
=الحمد لله متشكر اوي يا دكتور .. ثم وقف جانبا ينظر الى غرفة حبيبه بشوق يريد الدخول اليها واشباع روحه المشتاقه والخائفه عليها من رؤيتها ..
الا انه ولأول مره حرص على تغليب رغبتها على رغباته .. حتى لو كانت رغباتها فيها تعذيب له ولقلبه العاشق لها الا انه وبعد ماحدث وقرب فقدانه لها قرر ان رغباتها ومطالبها وراحتها الشخصيه لها الاوليه عنده حتى لو تعارضت مع رغباته ومتطلباته..
التفت عمر الى الخلف ليجد جدته برفقة نادر تتجه اليه بخوف وهي تقول بلهفه ..
=كده برضه يا عمر متعرفنيش ان حبيبه في المستشفى الا دلوقتي .. ثم تابعت بلهفه
=حصلها ايه وازاي تنزلها البحر لواحدها وهي مبتعرفش تعوم ..وهي عامله ايه دلوقتي فاقت والا ايه ..رد عليا اتجه عمر بسرعه اليها يسندها من زراعها وهو يقول بأسف =الحمد لله عدت مرحلة الخطر وبقت كويسه ..
الجده براحه
=الحمد لله ..طب تعالى ..تعالى وديني ليها عاوزه اطمن عليها بنفسي.. تراجع عمر للخلف قليلا ثم قال بتوتر
نادر هايخدك لأوضتها..
ثم وجه كلماته لنادر محاولا التهرب من نظرات جدته المتشككه
=خد جدتي ودخلها عند حبيبه الجده بتجمد
=وانت متجيش معايا انت ليه ثم تابعت بصرامه
=انت عملت ايه ياعمر في حبيبه.. عمر بتوتر
=خلاص يا جدتي انا مش ناقص ولا قادر لتحقيقاتك دي دلوقتي اشارت الجده لنادر وهي تشير بعصاها بصرامه =دخلني عند حبيبه يا نادر لما اشوف عمل فيها ايه .. ثم تجاهلت عمر الذي جلس عل مقعد بجانب الغرفه يمرر يده في شعر رأسه بتعب وتوجهت الى غرفة حبيبه واغلقت الباب في وجه نادر تمنعه من الدخول ..
ثم قالت بلهفه وهي تتجه الى حبيبه التي تجلس في الفراش بتعب ووجه شاحب..
=حبيبه ..اذيك يا حبيبتي عامله ايه دلوقتي.. انا والله محدش قالي غير دلوقتي واول ماعرفت جيت علطول ثم اتجهت اليها تحتضنها بحنان احتضنتها حبيبه هي الاخرى وبدأت بالبكاء بطريقه هيستريه وكأن حزنها وألمها فاض بها فلم تعد تتحمل ..
والجده تربت على ظهرها بحنان أمومي ..
=اهدي يا حبيبتي انتي لسه تعبانه في ايه بس متخافيش الدكتور طمن عمر وقاله انك هتبقي كويسه ابتعدت حبيبه عنها وهي تمسح دموعها بعنف وتقول ببكاءهيستيري =معدش حد يجيبلي سيرته انا بكرهه ..بكرهه ومش عاوزه اشوفه
ولا اسمع اسمه تاني..خليه يطلقني انا خلاص مش عاوزاه بكرهه.. بكرهه
احتضنتها الجده مره اخرى مهدئه وهي تربت على ظهرها وقد ادركت ان حفيدها قد ارتكب جرم في حق زوجته.. =طيب اهدي يا حبيبتي وانا هعملك كل الي انتي عوزاه ثم مسحت دموعها وهي تقول بحنان =لازم تعرفي انه زي ماهو ابني انتي كمان بنتي وميرضنيش انه يظلمك..بس انا عوزاكي تحكيلي كل حاجه واوعدك انا الي هجيبلك حقك منه.. حبيبه بتعب .. =انا هحكيلك على كل حاجه انا خلاص مبقتش متحمله اخبي اكتر
من كده.. ثم بدئت في قص كل حكايتها من البدايه ..من تيتمها وفقدانها والديها الى تورطها مع شريف في محاولة قتل عمر وصولا الى حادثها اليوم..
حبيبه ببكاء
=انا عارفه انك بعد الي عرفتيه اكيد بتكرهيني زي عمر مابقى يكرهني..بس انا خلاص مبقتش قادره اتحمل اكدب اكتر من كده.. مسحت الجده دموع تأثرها بقصة حبيبه ثم ربتت على يدها بحنان.. =انتي معملتيش حاجه غلط علشان اكرهك ياحبيبه اناي كل ذنبك انك وقعتي بين وحوش ميعرفوش ربنا استغلوكي واستغلوا طيبتك ..انتي غلطك الوحيد انك خفتي ومصرحتيش عمر او صارحتيني قبل كل ده مايحصل.. حبيبه بوجع
=غصب عني انا وحيده في الدنيا وعمر وشريف وصادق والي زيهم كبار اوي عليا مقدرتش اتعامل معاهم ولا مع تفكيرهم
الجده بلوم
=لا يا حبيبه متجمعيش عمر معاهم
عمر على قد مايبان قاسي وشديد
بس هو عمره ما كان ابدا ظالم حبيبه ببكاء شديد =لا عمر ظالم وميفرقش حاجه عنهم ثم تابعت بوجع
=زي ما هما حاولوا يستغلوني هو استغلني وزي ما هما ذلوني هو ذلني وزي ماهما حاولوا يقتلوني هو كمان حاول يقتلني ليرتفع صوت عمر يقول بصدمه =حبيبه..انتي بتقولي ايه حبيبه بكراهيه وتحدي =الي انت سمعته انت متفرقش حاجه بالنسبالي عن شريف وعصمت وصادق وزي مانا بكرههم بكرهك انت كمان بكرهك لدرجة اني بتمنى عنيا تتعمى ومشفكش..فاهم بكرهك ومش طيقاك ..طلقني لو عندك زرة كرامه..طلقني ..طلقني
عمر بألم
=كفايه يا حبيبه كفايه.. انا هعملك كل الي انتي عوزاه..وان كان راحتك في انك تطلقي فانا اول ما تخرجي من هنا هسلمك ورقة طلاقك حبيبه بقسوه =ملكش دعوه بصحتي خايف عليا اوي ثم تابعت بوجع
=لو خايف عليا مكنتش تسيبني مرميه في حمام السباحه وتمشي وانت عارف اني مبعرفش اعوم تلاقيك اصلا كنت بتضحك عليا انت وحبيبتك وانتم بتتفرجوا عليا وانا بغرق وبموت عمر بصدمه
=انتي ازاي تفكيرك وصلك للي الي انتي بتقوليه ده انا هقف اضحك وانا بتفرج عليكي وانتي بتموتي للدرجادي انا وحش ومعنديش ضمير في عنيكي
حبيبه بقسوه
=ايوه انت وحش و معندكش ضمير وبكرهك وهطلق منك وهمشي وابعد عنك ومش عاوزه اشوفك ولا اشوف وشك تاني ..طلقني بقى يا اخي..طلقني وريحني عمر بوجع =حاضر يا حبيبه ..حاضر.. حبيبه انتي… الا ان جدته تدخلت فجأه وقالت بسرعه ..
=استنى بس يا عمر طلاق ايه دلوقتي..انت نسيت صادق الزفت ده هيعمل فيها ايه لو عرف انك طلقتها.. عمر بدهشه
=وانتي ايه الي عرفك بموضوع صادق .. الجده بهدوء =حبيبه حكتلي على كل حاجه وده مش موضوعنا دلوقتي ..
ثم نظرت لحبيبه وعمر بصرامه =مفيش طلاق الا لما عمر يخلص من صادق الاول حبيبه باعتراض
=انا ميهمنيش صادق او غيره هيعمل فيا ايه يعني اكتر من الي هو عمله فيا
