= إدخلي يا عصمت هانم شوفي بنتك وهي بتتبرا من اصلها دخلت عصمت الى الغرفه وهي تتأمل بشماته حبيبه التي تغطي جسدها الدماء والجروح فشهقت ووضعت
يدها على قلبها تمثل انها قد صدمت =انتوا عملتوا فيها ايه حرام عليكم صرخت حبيبه تستنجد بها وهي تبكي = عصمت هانم ..إلحقيني ابوس ايدك قوليلهم ان انا مش بنتك و إن انا اسمي الحقيقي حبيبه مش مي
أخفت عصمت وجهها وهي تمثل البكاء والانهيار
= كفايه تمثيل يا مي محدش هيصدقك.. انا تعبت منك وخلاص أعمامك هما الي بقوا مسئولين عنك بعد ما خلاص إتأكدت اني فشلت معاكي
ثم تابعت وهي تلقي قنبلتها الاخيره بخــ,,ـــــبث
وأخرتها أجيبك من حــ,,ـــــضن واحد ومن شقته والله اعلم انتم كنتم بتعملوا ايه مع بعض نظرت حبيبه لها بذهول ودموعها تتساقط برعب انتي..انتي بتقولي ايه.. انتي كدابه
شقة ايه الي جبتيني منها ..انا مش فاهمه انتي بتعملي كده ليه
ثم صرخت وهي تبكي بانهيار = انا مش بنتك حرام عليكي انتي عوزاهم يعملوا ايه فيا اكتر من كده..حرام عليكي ولكن ما أخرسها هذه المره كان الحاج رفعت الذي نادى بصوت مرتفع
وغاضب
= إم عطوه .. هرولت ام عطوه الى الغرفه وهي تنظر الى عصمت بشماته في حين بادلتها عصمت النظرات بسخريه مستتره
إم عطوه بطاعه = أمرك يا حاج .. الحاج رفعت بصرامه
= تجيبلي بسرعه دايتين يكشفوا عليها ويشفوها لساها بنت بنوت والا خاطيه وجابت لينا العار..
هرولت ام عطوه للخارج تطيع الامر
في حين أشار لعطوه بعصاه = وانت تحفر لها قبــ,,ـــــر في الارض الشرقيه لو طلعت خاطيه يبقى الشمس متشرقش عليها .. عطوه وهو ينظر لحبيبه بشهوه وأسف = أمرك يا عمي حبيبه بذهول ورعب ودموعها تختلط بالدماء التي تغرق وجهها = انتم مجانين انا مش مي ..مش مي ومتجوزه ..متجوزه من عم لطمها عطوه في وجهها بقسوه شديده جعلتها تترنح بشده تكاد تغيب عن الوعي وهو يقول بقسوه =متجوزه ايه يا فاجره انتي هتعمليهوم علينا
ثم ابتعد بعد دخول سيدتين برفقة والدته التي قالت بشماته وهي تتأمل عصمت التي تمثل الانكسار = الدايتين وصلوا يا حاج أشار الحاج رفعت لعصمت واخوه وابن شقيقه ان يتبعوه للخارج
ليمر بعض الوقت وعصمت تقف بالخارج تنتظر بانتصار وهي متأكده من نتيجة الكشف الذي تقوم به الدايتين فحبيبه متزوجه من عمر وبالامس كانت ليلة دخلتهم ..
مال دسوقي على إذن عصمت يقول بانتصار
= نقول مبروك علينا الارض والمليون جنيه يا هانم.. همست عصمت بشماته وقسوه
= لما اشوفها بعنيه مدفونه في القبــ,,ـــــر ومقفول عليها ساعتها يبقى حلال عليك الارض والفلوس.. ثم صمتت وهي تبتسم بشماته مع ارتفاع صوت ام عطوه التي قالت
بتجهم
= اتفضل تعالى يا حاج احنا خلاص خلصنا دخل الجميع الى الغرفه وهم يتجاهلون حبيبه التي تبكي برعب وانكسار وألم بعد كل ما فعلوه بها
ليشير الحاج رفعت لحبيبه =ها لقيتوا ايه ام عطوه ام عطوه بتجهم =البت صاغ سليم بختمها يا حاج لساها بت بنوت ومحدش مسها
عصمت بصدمه
= إيه.. الدايه بجديه
= الي سمعتوه البنيه شريفه وعفيفه ولساها بت بنوت ودي شهادة حق لينا قدام ربنا تنهد الحاج رفعت وقال بارتياح = إكده انا ارتحت .. ثم اشار لعطوه بأمر = جهز نفسك كتب كتابك على بت عمك النهارده العشا ثم تابع بأمر
= وإنت يا دسوقي ادبح العجول ومد الموائد وإملا البلد كهارب انا عاوز فرح الكل يتحاكى عنه ثم صرخ بهم بغضب
= يلا اتلحلحوا واقفين تبصولي كده ليا
شحب وجه عصمت وهي تنظر لحبيبه بصدمه بعد فشل خطتها للتخلص منها وتأمين ابنتها مي بايهام عمها الحاج رفعت ب.ه ابنتها والتخلص من الحاحه وبحثه الدائم على ابنتها ورغبته بضمها اليه
في حين صرخت حبيبه برعب = انتوا بتقولوا ايه انا متجوزه قوليلهم ان انا متجوزه يا عصمت هانم حرام عليكي.. ثم انهارت في شبه غيبوبه وهي تقول بهذيان
= الي انتوا عاوزين تعملوه ده حرام.. حرام وربنا هيحاسبكم عليه ثم سالت دموعها وهي تقول بيأس وتغيب عن الوعي
=إنت فين يا عمر إلحقني ..إلحقني من إيديهم قبل ما أضيع الفصل الحادي عشر سيد_القمر_الاسود
في قصر عمر الرشيدي.. دخل عمر بسرعه وغضب الى الغرفه التي يوجد بها شاشات المراقبه وقام بمراجعة كل ماسجل بها من وقت اختفاء حبيبه حتى الان..
فلم يجد بها اي شئ يثير الريبه او يساعده على حل لغز اختفاء حبيبه
أشار عمر بغضب الى احدى الشاشات بعد ان لاحظ توقفها عن التسجيل =الكاميرا دي مش شغاله ليه.. رئيس الفريق الامني وهو يتفقد الشاشه بارتباك
=مش عارف ايه الي جرالها..انا متأكد انها كانت شغاله الصبح وانا بنفسي مشيك عليها وعلى كل الكاميرات الي في الفيلا هز عمر رأسه بغضب ولكنه اجاب بغموض..
=كده..والكاميرا العطلانه دي بتاعة اي جزء في القصر رئيس الفريق الامني بتوتر =دي بتاعة البوابه الصغيره الي في جنينة القصر الخلفيه هز عمر رأسه بغضب وقال بحده =إخرجوا كلكم بره وسيبوني لواحدي
اسرع الجميع بتنفيذ الامر في حين قام عمر بالاتصال بشخص من هاتفه
وقال بصرامه شديده وهو يقوم بمراجعة الجي بي إس (جهاز مراقبه يوضع بالسيارات لتحديد أماكنها وشدة سرعت ) الخاص بخطوط سير سيارته وسيارة عصمت بدقه
=أيوه يا نادر إسمعني كويس.. في اقل من خمس دقايق عاوزك تبقى قدامي ومعاك الحراسه الشخصيه بتاعتي كلها
وعاوز تسليح كامل.. اظن فاهمني نادر بصوت واثق
=فاهمك طبعا يافندم .. خمس دقايق وهنكون قدامك
ضيق عمر عينيه بغضب وهو يشاهد الموقع الذي يشير اليه الجي بي اس الخاصه بسيارة عصمت والذي يشير الى وجودها في احدى القرى النائيه بمحافظة الفيوم
تابع عمر بغضب وهو يتوجه سريعا لسيارته التي قادها بسرعه شديده =وابعتلي مجموعه تانيه على الفيلا عاوزهم يأمنوها كويس و يحجزوا الفريق الامني الي هنا ويبعدوهم عن الفيلا وياخدوا منهم تليفوناتهم ..
المجموعه دي في بينهم خاين وهو
الي عطل كاميرة المراقبه نادر بصوت واثق
=أوامرك هتتنفذ يا عمر بيه بس ياريت افهم الموضوع علشان اعرف اتعامل
عمر بصوت حاسم وغاضب
=نفذ الي بقوله من غير مناقشه ولما هاشوفك هفهمك على كل حاجه ثم تابع بغضب
=انا هبعتلك عنوان تجيب رجالتك وتجيلي عليه وفي نفس الوقت تبعت فريق تاني للقصر يأمنه ويأمن جدتي وجيلان ومي وينقلهم للفيلا الي في الساحل ويتعمل كاردون امني عليهم مش عاوز اي حد من الفريق الامني بتاع القصر يعرف هما رايحين فين
ولا يحتك بيهم ..مفهوم نادر بصوت قوي
=مفهوم يا عمر باشا كل أوامرك هتتنفذ متقلقش
اغلق عمر الهاتف بغضب حارق واخرج سلاحه النــ,,ـــــاري وتأكد من إمتلائه =بالزخيره وهو يقود السياره بسرعه رهيبه في اتجاه العنوان المتواجده به سيارة عصمت ..وعقله يعمل في كل الاتجاهات محاولا ايجاد الرابط بين اختفاء حبيبه وبين عصمت خالته
ضــ,,ـــــرب عمر مقود السياره بقوه وعنــ,,ـــــف عدة مرات وهو يقول بغضب شديد =ياويلك يا عصمت لو كان ليكي يد في خطف حبيبه ..هدفعك تمن كل الي عملتيه وكنت ساكت عنه عشان وصية امي الله يرحمها
ثم زاد من سرعة سيارته بطريقه متهوره مجنونه..
قبل قليل.. ارتفع رنين هاتف شريف الذي نظر اليه بارتباك شديد فهو منذ الصباح يرفض الرد على اتصالات صادق ابو الدهب المتكرره خوفا من ان يكون قد علم عن اتفاقه مع عصمت
ليقرر اخيرا الاجابه على الهاتف
بارتباك وخوف =ألو ايوه يا صادق بيه .. صادق بغضب مجنون =انت مبتردش على اتصلاتي ليه يا حيوان شريف بارتباك
=مفيش..مفيش التليفون كان صامت ولسه واخد بالي دلوقتي صادق بغضب
=التليفون برضه الي كان صامت والا انت الي كنت بتتهرب مني
ابتلع شريف ريقه بخوف
=وهاتهرب منك ليه بس يا صادق بيه صادق بتهكم غاضب
=بقى مش عارف بتتهرب مني ليه .. ثم تابع بغضب شديد
=مين الي إداك الاذن انك تتصرف من دماغك.. خدت إذن مين قبل ما تتفق مع عصمت على خطف و. حبيبه شريف بخوف
=محصلش يا صادق بيه انا…
