حبينى
صدمت دره من لهجته المباشره فى الحديث …فوقفت امامه فى ذهول وعيناها مفتوحتان بشده ….لاحظ عمر اندهاشها فحاول اصلاح ما افسده
عمر انا مقصدش والله….انا بس حبيت اوصلك الى انا فاهمه…علشان لو غلط تفهمينى الصح
قالت دره بهدوء وهى تسير بخطى بسيطه نحو المياه….مما ازعج عمر قليلا..لانه لم يتوقع رد فعلها الهادىء هذا
دره كل الموضوع انى ملقتش حاجه فى الدنيا تستاهل انى ازعل عليها ..او اعيش على ذكراها
عمر وهو يقترب منها فى عدم فهم مش فاهم
دره وهى مازالت تنظر امامها مش لازم تفهم ثم نظرت اليه بعينان دامعتان المهم انك تكون
حاسس
عمر وهو يحاول فهم ما ترمى اليه انا حاسس بكلامك..وحاسس انك بتتألم من جواكى….بس نفسى اعرف السبب
دره وهى تطلق تنهيده السبب ….السبب انى لاول مره فى حياتى احس انى كنت ساذجه ….ساذجه غبيه
عمر وهو ينظر اليها تدايقى لو حكتيلى بالتفصيل اكتر
دره وهى تقاوم دموعها بالعكس يا عمر…انت الانسان الوحيد الى حسيت انه صادق معايا…حتى فى مشاعرك…مشاعرك الى انا مقدرتهاش
عمر صدقينى انا مش عايز اتكلم فى اى حاجه فاتت….لان الى يهمنى..انك واقفه قدامى دلوقتى
نزلت من عيناها دمعه واحده بعد مقاومه عڼيفه معها ….سارعت بمسحها سريعا
عمر احكيلى….يمكن ترتاحى
دره عمرى ما هرتاح…لانى فقدت ثقتى فى اى حد……بقيت عامله زى حته التلج الى خاېفه لحد يقربلها ..فتسيح….ولو ساحت….يبقى خلاص..انتهت
عمر ايه الكلام الكبير ده…ليه كل ده
دره يااااااااه…..عارف اما تبقى شايف الدنيا قدامك كلها سوده…مش شايف فيها غير نقطه واحده بس …والمشكله ان النقطه ديه بعيده اووى على ما توصلها
عمر نقطه ايه…وليه بتتكلمى بغموض
دره نقطه المۏت….يمكن ديه الراحه الوحيده الى ليا
عمر ليه بتقولى كده…اذا كنتى انتى مش مقدره قيمه نفسك…فالناس كلها مقدراها
دره بسخريه قيمه نفسى……لا تصدق حلوه ديه……قيمه الانسان..بتبقى فى نظرته الصح..نظرته الى يفهم بيها حقيقه الانسان الى قدامه….وانا فضلت
عايشه عمرى كله فاكره انى اكتر انسانه فى الكون تعرف تميز الكداب من الصادق…بسش اكتشفت انى كنت غبيه….غبيه
عمر محاولا تهدئتها ليه….ليه بتتهمى نفسك اتهام خطېر زى ده
دره الانسان الوحيد الى حبيته..وافتكرته ملاك….وفضلت عايشه على ذكراه عمرى كله…بقيت احاسب نفسى لمجرد انى سلمت على راجل غيره….وفى الاخر…طلع كل ده تراب…تراب…ملوش لزمه..
ثم اكملت بأنفعال …طلع كداب…وغشاش…ونزلت الستاره…بعد ما المدعويين كلهم صقفوا على مشهد النهايه……مشهد الحبيبه المخدوعه…الى ضيعت عمرها على ذكرى انسان كداب نظرت ارضا وهى تمسح دموعها …ثم رفعتها مره اخرى وهى تقول …ميجوزش عليه غير الرحمه
ثم نظرت الى عمر الذى كان يسمع اليها وتعابير وجهه حزينه على حالها…رسمت ابتسامه سريعه على وجهها وهى تجفف دموعها ..قائله فى مرح
دره احنا قلبناها دراما ليه كده
عمر بأبتسامه بسيطه انا عن نفسى فرحان انك حكيتى ..يمكن ده يريحك شويه
دره وهى تنظر الى شىء ما فى الارض…ثم تتناوله بيدها تيجى نلعب لعبه
عمر لعبه
دره غمض
عنيك
اغلق عمر عيناه…فأمسكت دره بيده…وهى تضع هذه الصدفه التى التقطتها فى يده..ثم اغلقت يداه …ووضعت يدها على يده …لتجعلهما يتلامسان للمره الاولى برضا…ثم قالت له وهى تغمض عيناها هى الاخرى
دره اوعدنى
عمر بهميان شديد بأيه
دره اوعدنى انك متكدبش عليا..انك متخدعنيش…اوعدنى انك تخلصلى…علشان اخلصلك
عمر اوعدك
فتحت دره عيناها وهى تفتح يده فى هدوء ثم تلتقط هذه الصدفه وترميها فى البحر وتقول
دره لو منفذتش وعدك…هتشوف غدر البحر بعنيك
فت عمر عيناه وهو ينظر لها فى ابتسامه قائلا
عمر تتجوزينى
الحلقة 20
تنظر له بعدم تصديق…بينما هو يرسم
ابتسامه على محياه…منتظرا اى كلمه تصدر منها….سدت فتره الصمت لمده اطول..فبادر هو قائلا
عمر مبترديش ليه
دره بأرتباك وهى تنظر للمكان حولها مش عارفه هقول ايه
عمر يا تقولى موافقه…يا تقولى ….برضو موافقه
دره بأبتسامه بسيطه وهى تكتم ضحكتها الصراحه انت قراراتك مفاجئه علطول….
عمر ديه احسن حاجه…ارزع الكلمه علطول
دره ترزع…
عمر متوهيش الموضوع…ها…الحق اجيب المأذون
نظرت له دره نظره تعجب من مرحه فى مثل هذه المواقف …ثم ادارت وجهها وهى تبتسم..ولا تدرى ماذا تقول
فقلبها يريد الموافقه….وعقلها يمتنع….لا تعلم لمن تسلم لسانها…لقلبها ام لعقلها..لاحظ عمر صمتها …فقال فى عدم فهم
عمر فى الحالات ديه بيقولوا السكوت علامه الرضا…لكن انتى السكوت معاكى بيجى بنتيجه عكسيه
دره وهى مازالت تنظر حولها بأرتباك مش عارفه افكر …
عمر خلاص…انا مش عايز منك رد
دلوقتى….بس ياريت متمشيش ورا عقلك بالذات فى الموضوع ده
سار بخطوات بطيئه وهو يبتسم …وراهن نفسه على انها سوف تنادى
