اسر بفرحه :يبارك فيكي يا نسوم ياربي لولا الناس هتضحك عليا كنت صوت من الفرحه وبعد عن قاسم وبص ليه يباااااا بتتكلم جد ولا ايه ؟ قاسم :والله العظيم جد الاه اعمل ايه انا دلوقتي علشان تصدق اسر :متعملش ومش عاوز حد يعرف حبيبه ان ابوها وافق علشان هعملها مفجأه نسمه :ربنا يسعدكم يارب
…………………………..
في شقة عاصي ندي قامت علي رنت فونها وكانت اللي بترن حبيبه :الو صباح الخير يابيبو حبيبه :صباح النور قومي يلا علشان الامتحان اللجنه هتبدء 9 قومي يلا اجهزي كدا
ندي وهي بتتاوب :ماشي هقوم اجهز اهو اول ما تخلصي لبس اتصلي بيا وقفلت وبصت علي عاصي لقيته مستغرق اوي في النوم قامت من جنبه ودخلت اخدت شور وطلعت لبسه دفايه بيضه ندي :الاه الراجل لسه نايم هيضيع الامتحان عليا وراحت عنده عاصي عاصي وهزت كتفه يا عاصي عاصي اتحرك في السرير بضيق :في ايه يا ندي بتصحي في اهلي ليه ؟ ندي :علشان اقولك هات فلوس علشان اروح الامتحان عاصي بنوم :المخفظه في الجاكت الجيلد خدي منها اللي يكفيكي وسيبي الباقي
ندي قل/عته الشراب من رجله :يا عااااصي قوم اخلص يعني مش هتشو..ف البنطلون اللي انا لبساها دا وتكه عليا عاصي بضيق :وديني لو قومت ولقيت لبسك مش داخل د.ماغي ما انتي راحه ندي :ودا المطلوب انك تقعدني من الامتحان علشان انا اصلا مش عوزه اروح امتحانات عاصي قام وبص ليها :قومي يا ندي ربنا يهديكي البسي علشان الامتحان انتي في ثانوي يا حبيبتي ندي ربعت ايدها بضيق :يا عاصي انت مش زي ابطال الروايه ليه عارف البطل بيموووت كدا لما البطله تقوله تعليمي وخناق وضر.ب وشتيمه واناا اهووو قدامك بكامل عقلي بقولك مش عوزه اروح يا زوجي
عاصي بضحك عليها :يعني مش عوزه تخدي شهاده واشغلك معايا في الشركة ندي :لاء مش عوزه اشتغل انا عوزه اخلف واربي عيالي واعد في البيت عاصي شدها من ايدها: قومي يااابت دا انا لو مشيت وراكي الملاحق مش هنلاحق عليها انا هدخل اخد شور تكوني خلصتي لبس يلاااا ندي بدلع :حبيبي روحي قلبي عاصي بشك :ياااا خير يارب عوزه ايه ؟ ندي برجاء :والنبي يا عاصي مش عوزه اروح الامتحان عاصي :يا ندي بجد اخلصي هتتأخري يا حبيبتي انتي لازم تخلصي تعليم علشان يكون معاكي شهاده تتباهي بيها يعني انا ابقي رجل اعمال ومراتي سقطه دا يرضيكي
ندي :ايوا عادي يرضيني وسبني انام واسكت بقا ولسه راحه علي السرير هتنام عاصي بمكر :انا بقول كدا برضو ننام انتي كويسه وزي الفل وقمر وبطل كدا بلا امتحان بلا بتاع تعالي ننام ومحدش يزعجنا وبيشدها من وسطها ندي ضر.بته في كتفه :والامتحان عوزني ابقي سقطه تبقي رجل اعمال قد الدنيا ومراتك سقطه دا يرضيك عاصي :مكان من الاول يلا البسي واخد هدومه ودخل الحمام
ندي بغيظ وهي بتدب في الارض :يااااربي مفيش حاجه وسط هو يا كدا يا كدا استعنا علي الشقي بالله انا هقوم اروح الامتحان نجحت نجحت سقطت المهم ان روحت والباقي عند الله مش هندخل علم الغيب احنا ولا ايه وطلعت لبسها وجهزت امورها ووقفت قدام المرايه تحدد شفايفها عاصي وهو بيلبس التيشيرت :انتي رااااحه امتحان ولا راحه كباريه يا ندي امسحي يا ندي شفايفك من ام البتاع دا ندي وهي بتكمل :بس يا عاصي اسكت
عاصي بغض.ب شدها عليه و..فضل يبو.س فيها لحد ما مسحه :اولا عيب تقولي لجوزك اسكت ثانيا انتي راحه مدرسه ومينفعش اللي بتعمليه دا ندي بصت في المرايه بمرح :عادشي شو..ف برضو شفايفي احمرت البو.سه طلعت مصلحه عاصي بغيظ :يابت متستفزنيش علشان هزعلك ندي مدت ايدها لعاصي :فلوس لو سمحت عاصي طلع 100 جنيه وحطها في ايدها :خدي ياستي ندي رفعت حاجبها :نعم يا عاصي ؟ هعمل ايه ب 100 جنيه زود شويه عاصي :ازود ايه انا لما كنت قصدك كنت باخد 20 جنيه يا ندي في ايه
ندي بدلع :يعني يرضيك مراتك تمشي من غير فلوس يعني عاصي قرص خدها وعدل هدومه ببرود :ما انا اديتك اهو كفايه كدا ندي بغيظ :راجل بخيل واخدت الفلوس وحطيتها في جراب الفون وحبيبه رنت عليها الووو يابيبو خلاص نازله اهو وقفلت حبيبي يلا باااي وباست خده عاصي مسك ايدها :اهدي راحه فين ؟ ندي بعفويه :الامتحان حبيبه مستنياني تحت بتقول اننا هنروح في الباص عاصي طلع فونه ورن علي حبيبه :الووو بت باص ايه اللي انتو ريحين فيه
حبيبه :الباص بتاع المدرسه يا عاصي اللي بنروح معاه علطول عاصي :ااااه خلاص افتكرت ماشي وقفل ندي :انزل بقا عاصي باس خدها بقوه:خدي بالك من نفسك ولو حصل اي حاجه كلميني وحلي كويس يا ندي و..فكري في مستقبلك ندي هزت راسها ببتسامه ونزلت جري لحبيبه وهي نزله قابلت نڤين نڤين :علي مهلك يا ندي متنزليش جري علي السلم كدا يا حبيبتي ندي بنهج :معلش يا ماما والله اصل حبيبه مستنياني في الشارع علشان الامتحان نڤين :ربنا معاكو يا حبايب قلبي يارب يو..فقكم يلا روحي علشان متتأخريش
ندي نزلت لقت حبيبه سنده علي عربيه اسر ندي وهي بتقفل بوابة :ايواااا بقا عربية قلبك لازم تسندي عليها برحتك حبيبه شدتها :تعالي تعالي دا فيه حجات حصلت موووت ندي مسكت ايدها ومشيو :خير يارب احكي احكي استني وبصت ليها بصد.مه اوعي تقوليلي حامل واللي بيحصل في الروايات يحصل بجد يخرااااابي يا حبيبه عاااصي وابوكي صعب بقولك ايه انا محوشه فلوس تعالي نعمل بيهم عملية اجهااض ايه رأيك ؟ حبيبه م\اتت من الضحك :ندي يا روحي بلاش تقرأي روايات كتير لان مأثره معاكي علي الاخر
ندي بضحك :حصل المهم احكي فيه ايه حبيبه :فرشنا البيت وكل حاجه بقت فل وطلعت فونها خدي اتفرجي ندي وهي بتتفرج :يااربي علي الرقه والجمال مبروك يا بيبو عقبال ما اشو..فك عروسه يااارب وراحو علي الموقف بتاع الباص لقو نيرا وقفه ندي بمرح :بسيوني بسيوني نيرا بضحك :حازم حازم وحشتووووني وراحت حض.نتهم حبيبه بضحك :عروستناااا بقا ندي :ايوا انا عمتهااااا نيرا بمغمزه :ندي تخنتي وبقيتي عسوووله ندي بتكشيره :كنت وحشه انا قبل الفرح ولا ايه دا حتي عاصي بخيل
حبيبه بردح :جري ايه يماااا اخويا انا اللي بخيل ندي :وجلده كمان دا عطيني 100 جنية يا جودعاااان حبيبه ونيرا ضحكو والباص وصل وكل بنات المدرسه ركبو وندي وحبيبه ونيرا ركبو مع غيرت البنات من صداقتهم واللي حقود من ندي علشان زوجة العاصي اللي يعتبر كان فتي احلامهم ندي بهمس :خي العيال دول بيبصو ليا كدا ليه حبيبه بهمس :علشان انتي مرات عاصي عندك نص الدفعه بتحبه ندي بغيره :وبتقوليها في وشي عادي كدا نيرا :عادي يا روحي عاصي ساب الكل وجالك انتي
وحده من البنات :انتي مرات عاصي صح ندي :ايوا انا وحده تانيه :عسوله مشاءالله تستهلي عاصي ندي ببتسامه :ربنا يخليكي وقالت بهمس لحبيبه هما ميعرفوش بأسر حبيبه :عرفين بس اللي بيجيب سيرته بدبحه علطول ندي سلمت عليها :احلي مسا عليكي يا باشا لو معايا سجاير كنت اديتك وقلبنا الباص عرزه الثانيه دي حبيبه :تربيتك يا كبير ندي :صحيح حد جاب غش حبيبه بستغراب :غش ليه ندي بصت ليها :اومال هتحلو ازاي حبيبه :ما احنا مذاكرين انتي جايبه ولا ايه
ندي بغرور :طبعا في الكوتش علشان التفتيش نيرا بضحك :يلهوي عليكي وانت مش بتذاكري ليه ندي بغمزه ضحك :مكنتش فاضيه بقا
…………………………..
في شقة نور وغسان غسان قام علي رنة فونه وكان المنبه قام و..فتح نت شويه وبعدها افتكر خناقه مع نور واضايق اووي قام ودخل الاوضة بص عليها وكانت نايمه بستغراق غسان ببتسامه :يعني متخانقين ونايمه بالعمق دا اومال لو متصالحين بقا هتعملي ايه يا اكتر ست هبله في الدنيا وراح طلع لبس الشغل وجهز نفسه
نور اتحركت في السرير و..فتحت عينها اول ما شافته كشرت وقامت راحت علي الحمام وغسان متقن البرود بعد شويه نور طلعت لقت غسان بيتكلم في الفون غسان ببتسامه :انتي حبيبت قلبي والله العظيم ربنا يخليكي ويبارك فيكي يارب نور بصت لغسان والد.موع متحجره في عيونها وحسه بخنقه رهيبه :مين دي يا غسان ؟ غسان بص ليها :امك بتسلم عليكي يا نور وقفل وكمل لبسه نور بخنقه :لحقت تروح تشكي ليها مني ؟
غسان :لو مفكره ان علشان اخلي مراتي تسمع كلامي وتمشي تحت طوعي هروح اقول لحد تبقي غلطانه الراجل اللي يقول اسرار بيته لحد يبقي **** لامؤخده ومدام انتي دخلتي الشك بينا يبقي بنخرب علي نفسنا ودي البدايه نور مسحت د.موعها :تسمي الغيره شك ؟
غسان بص ليها :في فرق بين الغيره والشك الراجل بيحب مراته لما تغير عليه وبيحس انه فارق عند حد لكن لما الاقي مراتي جايا بتقولي بتخوني في وشي يبقي ردي ان اك.سر عضمها يس حالف ممد ايدي عليكي تاني في يوم مهما كان السبب واااه انا لابس ورايح الشغل لتفكري رايح اخونك او حاجه في فلوس في الدرج لو احتاجتي حاجه واخد بعضة ومشي نور بعياط :استغفر الله العظيم يارب انا عرفه ان غلطانه بس هو قاسي حتي في حنيته عنيف ومش واخد باله من كدا اصلا
………………….
في الجامعه عند مصطفي و..فرحه
مصطفي واقف بيشرح الماده ومركز مع فرحه اللي كل شويه تغمز ليه وتعمل قلوب بإيدها وتبو.سه في الهوا وهو متحكم في ضحكته بالعافيه مصطفي :كدا تمام يا حضرات نقدر نقول اننا قفلنا الماده وبإذن الله اتمني اكون كنت ضيف خفيف علي قلوبكم واشو..ف وشكم علي خير وحده من المدرج بدلع :دكتور مصطفي هو حضرتك مش هتيجي لينا تاني
مصطفي ببتسامه :لاء انا كدا اكون خلصت المهمه اللي جيت ليها هنا وشرف ليا ان كنت بدرس ليكم والله العظيم ولقي رساله وصلتله من فرحه ( ابتسم حلو يا مصطفي ابتسم علي فكرة معايا روج عليا اطلعه واخلي احمد زميلي يحطلي عادي خالص مصطفي رفع عينه ليها بنظره قا*تله مصطفي وهو عينه عليها :اتفضلو يا شباب كدا المحاضره الاولي خلصت وانسه فرحه ياريت تحصليني علي المكتب و حالا وراح علي المكتب فرحه قامت وراحت وراه :استر يارب وخبطت ودخلت حبيبي طلبتني
مصطفي بص ليها بغض.ب :احمد زميلك بقا اللي هيحطلك الروج يا قلبي ايوا ايوا فرحه بحذر :والله بنكشك وبهزر معاك انت عارف اني بهزر صح مصطفي قرب منها :حتي الهزار لو ذكرتي اسم راجل هتزعلي وانا زعلي وحش يا فروحه فرحه بخجل :وعلي ايه يا حبي احنا منرضاش زعلك ابدا يلا تعالي فطرني بقااا مصطفي برفع حاجب :بتهزري الأعفي خلاص خلصت وعادي نخرج فرحه مسكت دراعه وبتشده لبرا :مفيش مانع اننا نهرب من ورا اهلنا يعني ولا ايه يلا يلا الدنيا بتتعاش مره واحده
مصطفي ضحك ومسك ايدها وراح علي عربيته :خروجة علي مزاجي بقا وهوريكي هخرجك فين بقا فرحه :معاك يا مدرسي العزيز وركبت العربيه ومصطفي مشي
