غسان اخد عاصي ومشي وحبيبه بدات تعيط وراه نور استالتها وطبطبت عليها وشويه نورهان ونسمه وصلو وراحو جنب نور نور :ايه اللي اخركو كدا نورهان : احنا وصلنا من شويه بس استنيت نسمه نسمه :قاسم كان مهدي السرعه علشان زهره نور :مش دي مامت يمني اللي جايا علينا دي نورهان :ايواا هي دنيا راحت عليهم وسلمت نور ببتسامه :نقول مبروك علينا يمني بقااا دنيا :يهنيهم يارب عقبال م\اتشوفو اليوم دا لعيالكم يارب البنات :يارب. ودنيا بدات تتكلم مع نفين
وفجأة الاغاني اشتغلت واغنية طلي بالابيض ودخل محمد ويمني من باب القاعه الكبير الكل سقف مع همسات الكل عليهم نسمه :الفستان مش ابيض نورهان :مبحبش كدا هو معروف فرح يبقي ابيض نور :هو زوق يمكن هي مش حابه الابيض يمني دخلت وهما شورو ليها وهي ابتسمت وشاورت ليهم غسان اللي عينه علي نور وعياله وهكذا قاسم وعمر قاسم :غسان الفرح في كل الكتيبه باين غسان بضحك :تقريباً كدا والكل ايجة عليهم وبدأو يسلمو عليهم في فرح وسرور والكل بيسلمو ويبو\سو عاصي واسر
وبدأت الرقصه الاولي ويمني ومحمد بيرقصو ويمني مش عرفه تجيب عينها في عين محمد من الكسوف محمد :يمني خليكي معايا انا سيبك من كل اللي حوليكي دول يا حببتي يمني بكسوف :انا معاك اهو انا روحت فين محمد :اقصد قلبك وروحك معايا مش جسدك انا عاوز عيونك يا يمني يكونو في عيوني من غير كسوف يا حببتي يمني بصت ليه بحب ممزوج بكسوف :حاضر واول ما خلصت الرقصه طلع غسان علي المسرح
غسان مسك الميك :اسمع بقاااا يا معلم انت وهو الفرح دا فرح اخوويا يعني عاوز دمارر يحصل النهارده وسمعني حاجه لعبسلام بسرعه ضحك الجميع عليه واشتغل مذمار عبد السلام والرجاله بدأت ترقص مع محمد وقاسم وعمر وغسان قامو بالواجب وزياده والبنات ولاد عم\ات يمني وقرايبهم قامو يرقصو معاها نورهان بحماس :بنات قومو نروح نقف معاهم علي المسرح نسمه :اشطااا يلا هدي زهره لماما ونروح يلا يا نور نور بتذمر :اسفه محكوم عليااا عدم طلوعي علي المسرح او التحرك من مكاني
نورهان بغيظ :يعني ايه دلوقتي نور :يعني اتنيلي اطلعو لوحدكم وانا هفضل هنا نسمه :هنطلع علشان يمني متزعلش بس لو منكدتيش عليه النهارده تبقي غلطانه وطلعو نور بغيظ :دا انا هنكد نكد مشفهوش في حياته نفين :نور قومي معاهم يا حببتي افرحي نور :نفسي بس غسان مشرط عليا مطلعش علي المسرح نفين :دا ايه دا اطلعي واتبسطي معاهم سيبك منه نور بضحك :هيزعق ويتخانق ليييه افضل بحترامي وخلاص نفين ضحكت عليهااا والجده باصه للكل ومش عاجبها الوضع
نور بضحك علي شكل الجده :لا حول ولا قوه الا بالله ياربي غسان قل/ع البليزر وبص لنور وحدفه عليها نور اتخضت بعدين شمت ريحه برفانه عرفت اوه غسان بصت ليه لقيته بيرقص وبيعكب مع الضحك والفرح المتبادل للجميع مسكت البليزر عدلته وحطيته علي رجلهاا وفضلت تلاعب حبيبه اللي قعده قدامها بعد وقت نزلو الشباب من علي المسرح علشان العرسان يرتاحو غسان راح قعد جنب نور بتعب وعرقان نور :غسان اهدي شويه العرق دا هيتعبك غسان قرب منها وحط ايده علي كتفها بهمس :قومي تعالي معايا
نور :هنروح فين غسان :هنروح نسلم علي يمني ومحمد نور قامت :ماما خلي حبيبه معاكي اما اروح اسلم علي يمني واجي نفين :روحي يا حببتي غسان مسك ايد نور واخدها وطلع علي المسرح نور ببتسامه حض\نت يمني :الف مليون مبروك يا بمني نورتي عليتنا والله وسلمت علي محمد يمني :يبارك فيكي يا حببتي غسان بارك هو كمان ويمني اتكلمت مع يمني علشان لحظة توترها غسان بهمس :محتاج حاجه يلااا اي مساعده محمد :مساعده في ايه انت وعمر وقاسم سألتو نفس السوال
غسان بخب\ث :مجربين احنا تاخد فكرة يعني محمد :لولا المعازيم كنت \\تكم الثانيه دي غسان ببتسامه :الف مبروووك يا صاحبي تتهاني بيهااا يارب محمد بحب :يبارك فيك يا صاحبي غسان اخد نور ونزلو وقعدو يتصورو كتير وحبيبه شبطه في غسان وكل شويه ناس صحاب غسان يجو يسلمو عليه وبعد وقت كبير انتهي الفرح والكل اخد عيلته وروح ومحمد ركب العربية بتاعته ومشي وغسان وعمر وقاسم وراه بيزفووه ( الكل وصل قدام البيت وهما نزلين تزمير بكلكس العربيات بتاعتهم محمد نزل من العربيه وراح نزل يمني
نور راحت علي يمني :محتاجه اي حاجه انا جنبك هنا يمني بتوتر وحب :ربنا يخليكي ليا محمد مسك ايدها وداخل بيتهم غسان بمرح :ايه يا عم محمد واخد كدا مراتك وماشي ولا كأننا معزومين عندك علي العشاا عمر :طب والله عيب في حقنا يا جدع لالالا قاسم :بص انت شكلك اصلا معندكاش اكل بحيث كدا نجيب اكلنا ونيجي نقضي اليوم مع بعض محمد :وماااالو اصل انا دافع مليون وشويه علشان اقصي اليوم معاكو انتو يلا يا باشا منك ليه كل واحد ياخد مراته وعيالو ويمشي
نور بمرح :يمني انا حساكي عوزه تتكلمي تعالي يا حببتي نتكلم شويه يمني ضحك وحمد شد يمني عليه محمد :متشكرين يا مرات اخويا هدي جوزك وانا هبقي اشوف عوزه ايه هيا محمد اخد يمني اجباري ودخل علي شقته وبص ليهم وهما وقفين قدام البوابه جنب بعض والبنات بتضحك وقفل الباب في وشهم نورهان بضحك :قليل الاصل اووي يعني عمر اخدها من ايدها ومشي :اووي اووي والاكل اخد مراته وعياله وطلع علي شقته بتعب واضح علي الكل
*******************
في شقة محمد ويمني الشقه كانت متزينه والريحه فيها تحفه والنور هادي والجو جميل جدا محمد مسك ايد يمني بحب :مش مصدق ولا قادر استوعب ان خلاص بقيتي في بيتي يمني :انا ليا عندك فلوس وانا بطالب بيهاا محمد بستغراب :فلوس ايه دي انشالله يمني :انت مسمعتش عن اسقاط القايمه وان العريس هو اللي بيجيب كل العفش وانا عوزه غلوس العفش اللي انا جبته محمد مسح وشه بغيظ :يمني اكيد مش ليلة دخلتنا هنتخانق عن القايمه والمهر انتي مالك بكلام دا اصلا
يمني :ازاي يعني هو انا مش من ضمن البنات ولا الكلام دا علي ناس وناس محمد بص لسقف :عين مين دي ياربي غير البوم اللي انا مصاحبهم يا حببتي دلوقتي النهارده ايه ؟ يمني :فرحنا محمد :حلو يوم الفرح دا العرسان بيعملو ايه ؟ يمني :انت بضيع الموضوع في الاسئله دي لييه انا داوقتي بتكلم في موضوع القايمه اللي سقطت وانت بتتكلم عن الفرح محمد بغيظ :يحر’ق ام القايمه علي البي عمالها انا كنت ناقص
يمني :شوفت بتتعصب عليا في اول ساعه جواز اهوو محمد :انتي متعصبيش بالله ؟دا انتي تحر’قي الدم يمني بزعل :متشكره يا سيدي محمد بهدوء:خلاص يا روحي انا اسف ولا هتعصب ولا هتنرفز وهنقضي ليلة زي العسل صح يمني :ايوااا صح بس القايمه هنعمل فيها ايه محمد وهو ضاغط علي سنانه :انتي كنتي فاضيه اليومين اللي فاتو لدرجة انك فتحتي فيس وعرفتي المواضيع دي كلهااا علشان تيجي تطلعيها علي اللي جابني انا بصي يا يمني انا داخل اغير هدومي وهطلع يا حببتي تكوني غيرتي ماشي
يمني بتوتر :ماشي محمد باس راسها :ربنا يهديكي ودخل الحمام
ويمني دخلت اوضة النوم بقلب مقبوض *************************
في شقة غسان نور نايمه علي صدر غسان بترسم دواير علي التيشرت بتاعه بصباعها نور بملل :غسان تعالي احط ليك ماسك ايه رايك ؟ غسان برفع حاجب :ماسك ايه يابت اللي تحطيه ليااا شيفاني اختك نايمه جنبك نور بغيظ :يا غسان عادي الماسك للبنات والرجاله بص هحط ليك وهخلي بشرتك فله غسان بتعب :نامي يا نور ربنا يهديكي يا حببتي نامي وشدها علي صدره تاني
نور بملل:ما هو انا زهقانه اوووي ومش عرفه اعمل ايه غسان بذهول :زهقانه ايه الساعه 2 يا حببتي يعني نامي نور :انت عاوز تنام وخلاص انا عوزه اسهر غسان بخب\ث :انا لو سهرت بعمل حجات اناي بتضايقي منها خليني قاعد بحترامي احسن ما اعد بقلة ادبي نور بكسوف :انت قليل الادب يعني ايه اللي هيحصل لو قعدنا قاعده رومانسيه انا وانت من غير سفاااله هاااا غسان :دا غير شتمتك ليا وهعديهااا بس هنعد فين دلوقتي يا ماما قوليلي انتي
نور بصت ليه بحماس :كوبيتين شاي مع طبق بسكويت في البلكونه بتاعتنا علي ضي القمر احلي من ميت مكان هااا قولت ايه غسان شال الغطي من عليه :قولت امري لله قومي نعمل شاي ونعد نور باست شفايفه برقه وقامت جري علي المطبخ *****************
