غسان برفع حاجب وهو حاطت ايده في جيب البنطلون :بسببي انا ليه يا حضرت الملازم نور بغيظ :علشان انا لو مكنتش متجوزه دلوقتي كان زماني معلقه 3 نجوم ومكنش حصل فيا اللي حصل وبيحصل دا غسان قرب منها وهو بيعدل التيشرت عليه :حصل انا السبب يعني في كل دا وبيقرب منها نور بترجع بوج\\ع وتوتر وخوف :انت هتعمل ايه عليا اصوت الم عليك الكمبوند كله فا عدي اليوم علي خير غسان قرب منها وشالها وهي بتلاقائيه حطت ايدها علي رقابته
غسان وهو نازل بيها :علي فكره بفكر اسيب الجماليه ونعيش هنا ونزلها علي الكنبه نور برفض:لاء يا غسان انا مش معاك في الموضوع دا خالص انا عوزه اعيش مع مامتك وبابا منير ليه عاوز تسيب الجماليه وتعيش هنا ايه اللي حصل غسان جاب كرسي وقعد قدامها ومسك ايدها :انا بفكر يا نور يعني لسه مقررتش نور :ايه السبب يا غسان احنا مرتاحين هناك يا حبيبي وماما وبابا ميقدروش يعيشو من غيرك وبابا محتاجك في الشركه ليه عاوز تحرمهم منك
غسان بهدوء:وهو مين قال ان انا كدا بمنع نفسي عنهم انا رائد يا نور شغلي في القاهره ومن القاهره للجماليه طريق كبير وتعب فا انا عاوز اقصر المسافه والشركه هنا يعني الجماليه اقامه وبس لكن المكان الاساسي والشغل وكل حاجه هنا في القاهره نور بحيره :مش عرفه بس هناك نسمه وماما كانو مسهلين عليا تربية عاصي وبيسعدوني شويه وكنت في الوقت اللي انت مش موجود فيه هنا كانو بيسلوني لكن هنا هعد مع مين او حتي اتكلم مع مين
غسان :حكاية الولاد سهله انتي كنتي محتاجه حد يساعدك في تربيتهم هناك علشان بيكون عندك شويه شغل في البيت وكدا لكن هنا الفيلا كل اسبوع هنجيب حد ينضف البيت كله وامر الاكل انا وانتي مش اكلين يعني وارجوكي سهلي الموضوع علشان كدا تعب ليا انا نور ابتسمت بحب :اللي انت عيزه بس علي ما اعتقد ماما وبابا مش هيوفقو غسان :سيبي امي وابويا عليا نور بتفكير :طيب غسان انا كمان فتره كدا عوزه اركب وسيله تمنع الحمل
غسان ب\ :نعم يا نورر في ايه هو ايه اللي وسيله تمنع الحمل ليه خير نور وقفت بتعب قدامه :يا حبيبي احنا عمدنا واصي وحبيبه والحمدالله عليهم دلوقتي نستني لحد ما حبيبه تكبر شويه وبعدين ابقي اشيله لكن انا مش عوزه احمل دلوقتي خالص غسان ب\ شديد :نووووورر مفيش ام زفت متركبه واللي ربنا يجيبه الف حمد وشكر ليه انا عاوز اولاد اكتر واكتر اومال انا هسيب الدنيا دي ليه علشان عايز حد يشيل اسمي من بعدي في ايه يا نور ما تتعدلي كدا
نور بصت ليه بهدوء:افهم بس انت متعصب ليه انا بتكلم بهدوء وانت بتزعق وبتتكلم بعصبيه انت اتناقشت معايا في موضوع انك عاوز تعيش هنا اتكلمت براحه والموضوع اتحل افهم بقي ليه حجاتي انا بتتعصب فيها غسان ب\ :علشان كلامك غلط ويعصب نور بزعيق :لاء مش غلط دي حريه شخصيه انا طلبت حاجه تخصنا احنا الاتنين واظن ليا حق اتكلم في دي صح ولا لاء غسان ربع ايده وبص ليها ب\ :كملي كملي وايه تاني عرفه انا مش هتكلم ولا هتعب نفسي احنا نتصل لامك تيجي ونشوف معاها الموضوع دا وهي تحكم تمام
نور :احسن برضو وتشوف طريقة النقاش معاك غسان بص ليها ب\ شديد ولسه هيتكلم حبيبه عيطت بشده نور راحت عليها وشالتها :بس يا روحي خلاص بطلي عياط هش هش وبصت لغسان وغمضت عنيها وقالت في نفسها الحمد الله انها عيطت ولا كان زمان هولاكو اكلني دلوقتي غسان بغيظ :الو ازيك يا امي اخبارك ايه واخبار صحتك سك\ينه :بخير يا نن عيني انت عامل ايه ونور عمله ايه اوعي تكون مزعلاك
غسان بص ليها بغيظ:مزعلاني هي تعرف النكد دا منين بس يا امي انا بس عاوز اعرفك انها ولدت النهارده وقبل ما تتكلمي والله الموضوع ملخبط احنا في الفيله جنبك هنا هاجي اخدك علشان عاوزك في موضوع سك\ينه بفرحه :طيب تعالي يابني تعالي خدني بسرعه غسان :تأمري يا امي وقفل نور بتركيز :ماما قالت ايه غسان اخد المفاتيح من علي السفره :رايح اجيبها وراجع لو حصل حاجه رني عليا وطلع من غير ما يسمع ليها كلمه
نور بغيظ وهي بترضع حبيبه :طبعا الرائد غسان الالفي اللي مستحيل يسمع رأي حد هو بس اللي شايف الدنيا صح واحنا غلط اووووف *******************
عند نسمه كانت وقفه في المطبخ بتعمل شاي وبتكلم نورهان نورهان بفرحه :يعني نور كويسه والطفله كويسه اهم حاجه نسمه :الاتنين كويسين الحمدالله وفرحه يا نورهان عمله ايه الحراره نزلت نورهان بحزن :لسه انا قاعده في العربيه لما عمر يجيب العلاج من الصيدليه اهو الدكتوره بتقول سبب ان انا صيفت ليها بدري والجو مش كويس اخدت برد
نسمه بعتاب :ودا يصح يا نورهان دا اسر وعاصي الكبار لسه مصيفوش الحو وحش يوم كويس و 10 لاء يا نورهان وفرحه صغيره لازم تخدي بالك نورهان :يلا الحمدالله انا هروح لنور بليل اشوفها بدام هي جنبي هنا نسمه :خلاص ماشي يا حببتي وخلي بالك علي نفسك نورهان :وانتي كمان يا نسوم وحافظي علي الحمل انتي لسه في الاول نسمه بقرف :بالله قرفانه من كل حاجه في الدنيا يا نورهان نورهان :هو شهور الوحم كدا
نسمه :يلا الحمدالله المهم انا هطلع الشاي واكلمك تاني وقفلت قاسم ايجه من وراها وباس خدها :القلب كانت بتكلم مين كدا نسمه بحب:كنت بكلم نورهان قاسم بخب\ث:طب ايه مش ناوين نطلع بيتنا ولا ايه نسمه بقرف :قاسم انت عارف ان في شهور والوحم وانا قرفانه من كل حاجه ومش عرفه السبب فا سيبني شويه ممكن قاسم بهدوء :نسوم بس ايه فكرة انك قرفانه مني دي يا حببتي انا جوزك حبيبك تقرفي مني انا نسمه :مش منك انت انا قرفانه من كل حاجه عموما دا حاجه مش عرفه ايه سببها والله
قاسم :طيب اهدي وخدي وقتك المهم عندي صحتك يا روحي واخد الشاي وطلع برا نسمه حست بقرف رهيب من ناحيه قاسم :استغفر الله العظيم ايه دا ياربي ايه القرف اللي انا حساه بيه دا ومسكت بطنها خير انشاء الله وطلعت تشاركهم الشاي منير :اخر صفقه كسبناها دي عمله اعلان كبير اووي للشركة واغلبية رجال الاعمال والشركات اللي برا بدأت تعمل معانا علاقات قاسم وهو بيشرب الشاي :ايوا اسمنا اول صفحه في الجرايد الاسبوع دا عوزين نعمل اجتماع لكل العملاء مع الشركه الاروبيه بس في وجود غسان
منير :ما هو انا مستني لما غسان يرجع بس وندي معاد لناس قاسم :نسوم العيال فين نسمه :العيال بيلعبو في الشارع بالعجل نفين :دول لو غسان هنا مش بيلمحو الشارع قاسم بضحك:دا غسان مربي ليهم الرعب بالله وقعدو في جو ضحك ومرح **************
في منزل انتصار سعاد :بالله يا انتصار ومليكي حلفان عليا ياسمين بنت نوال اختي اتجوزت وهما 5 شهور وكانت حامل في الشهر الاول انتصار وهي بتسرب الشاي :ايوا ايوا بس في بنات بتتأخر في الحمل برضو يعني عندك البت نسمه مرات قاسم ابن اخويا قعدت 4 سنين لما حملت ولسه في الشهر التاني بتحصل يعني
سعاد:هش هش اسمتي يختي بعيد عننا سلوي تشد حيلها كدا علشان ربنا يجبر خاطرها بحتة عيل كدا سلوي بهمس لاحمد :احمد انا حفظت الاموال دا كل ما اجي اسمعه لما بقيت عرفه انا قعد انكلم في ايه احمد بضحك:هش اسكتي احنا هنسمع واللي احنا عوزينه نعمله
