ضحــ,,ـية عزام القسم الاول بقلم حبيبة الشاهد

اروى لفت بصتله و اتكلمت
: مش رايحه انا خرجت لاقيت البس دا خدت منه حاجه لبستها هز راسه بتفاهم و اتكلم
: هبعتلك هدوم تلبسيها هنا في الاوضه عشان تبقي مرتاحه بس دلوقتي هروح الشغل لما ارجع هجبهالك معايا نامي و ارتاحي و متخرجيش من الاوضه غير لما اجي اتكلمت اروى برقه
: حاضر قرب عليها خافت اروى و صدمها لما قبـ ل.. راسها و خرج من الجناح ، قعدت على كرسي التسريحه و جواها اسأله كتير مش عارفها اجابتهم مع فريده و اولهم هي كانت فين الوقت اللي عمار كان مبنجها فيه

عند جلال كان قاعد على الكنبة و مشبك صوابعه في بعض و بصص للأرض بتفكير قربت فريده عليه و قاعدت جنبه و سندت بايديها على فرش الكنبة و هي بتستشعر ملمسه بنتصار ، بصتله و اتكلمت بنبرة صوت حزينه و الدموع بتلمع في عينيها
: ابنك خطف بنتي من امبارح بدور عليها في الشوارع كان قلبي هيقف من الخوف عليها بصلها جلال و نصي غضــ,,ـبه اول ما بص في عينيها
: اهدي و احمدي ربنا انها طلعت هنا في مكان أمن و متخافيش عليها

فريده بدموع
: ازاي مخفش و انا شايفه ابنك بيمـ وتها بالبطئ كنت دايما بقولك الحق البنت ابنك بيهددها و انت كنت مفكر انه بيهدد بالكلام بس و مش هينفذ اللي في دماغه اهو جه على غفله و اتجوزها و خدها غصبن عني و بيعملها معمله وحشه و انت برضو مش عارف تعمل معاه ايه جلال مسك ايديها بحنيه
: طب قوليلي اتصرف معاه ازاي أنتي شايفه بنفسك عندي و دماغه نشفه اللي حصل برضو مكنش هين عليه

اتنهدت فريده بقهر و اتكلمت بغل مداري بمهاره
: عارفه و مقدره كل اللي شافه بس برضو اروى غير اختها و ميخدش الاتنين بذنب بعض و لا ايه جلال
: هما عرفه ازاي انك مراتي فريده بان عليها التوتر و قربت منه اوي و حاوطت بايديها كتفه بدلع و اتكلمت بكب ظاهر في عيونها
: انا مش مصدقه يا جلال اننا أخيراً اتجمعنا في مكان واحد و هيقفل علينا باب بس في العلن ضمها لحضـ,,ـنه بحب و عشــ,,ـق سميه كانت معديه من قدام اوضتهم و الباب كان موارب بصتله بدموع و
يتبع…..

الكاتبة_حبيبه_الشاهد